لانسر شارك اول فئة ولا سياز ولا ياريس ولا اوبترا الجديدة ولا صنى بلس الجديدة
علما ان كان معايا بيجو 301 هاى لاين وعملت حادثة بيها ودخلت توتال لوس
لانسر شارك اول فئة ولا سياز ولا ياريس ولا اوبترا الجديدة ولا صنى بلس الجديدة
علما ان كان معايا بيجو 301 هاى لاين وعملت حادثة بيها ودخلت توتال لوس
شارك وبعدها السياز
بالترتيب سياز ياريس بعدها شارك والترتيب من الاحدث والعربيات متقاربه اهم حاجه الكماليات ووسائل الامان فى اختيارك وراحتك النفسيه وبالتوفيق
لو عايز يابانى يبقى خليك ف الشارك......احسن من الصنى
الياريس فى ناس كتير مش بتشكر فيها و استهلاك البنزين عالى...
السياز شكلها جميل و بدأت تنتشر كتير فى الشوارع
لانسر شارك اول فئه فاضيه مفهاش اي عوامل امان ولا اوبشن
نيسان صني شكاوي من الفرامل والصاج لخفيف
اوبترا معرفهاش بس تقفيلها مش عاجبني
السياز صفقه رابحه
السلام عليكم
اولا انا باشترى سيارة اليومين دول فى حدود اللى انت بتقوله
السياز -
عيوب :- غير موجودة وكيل - اوفر برايس 10 الاف جندي ووصلت الى 131 الف - مش هتتحكم فى اللون - تقفيل مش محترم بص على صدر السيارة وانت تفهم - غير معروف عيوبها بعد - هندي مش ياباني (دى لوحدها وقعت اللانسر البومة من فوق لأسفل السافلين) - محرك 1400 سي سي ضعيف - توكيل ضعيف - قطع غيار لسه منتشرتش
مميزات :- شكل جميل - أوبشنز عالية - وسع - اعتقد سعر بيع هيكون عالي خاصة الفترة الجاية - قطع غيار لو استمر معدل بيعها بالشكل ده هيكون متوفر فى خارج التوكيل - سعر ممتاز
اللانسر الشارك
عيوب :- ميت الف فئة وفئة وكلهم خليجي وتحتار فيهم - شنطة صغيرة - تابلوة مش شيك - شكل مش مقبول قوي لكل الناس ولو اني شخصيا حابب الشكل - غالية الفءات اللي فيها سافتي بتبدأ من 145 الف- الفئات الأولى منها من غير سافتى - صاج ورق - اكصدامات ضعيفة وغير مقواه
ميزات:-
انتشارها يخلى سعر قطع الغيار حلو - سعر اعادة بيع حلو - وسع الصالون - موتور ممتاز - عفشة معقولة - الوان كتير متوفرة وتسليم فوري للخليجي - ياباني الصنع ودي النقطة اللي مخلياها بتبيع - ثبات معقول جدا
التويوتا الياريس
عيوب:- خفيفة - موتور 1500 ضعيف لو محمل ناس وشنط - ثبات وحش للسرعات ما فوق 120 عاوزة سواق بيفهم - استهلاك بنزين الناس بتشكي منه ولو ان ده متوقع لأن السيارة كبيرة الحجم وموتورها 1500 - وأخيرا غالية 155 الف
ميزات:- شكل جميل - وسع - مريحة كعفشة - ياباني الأصل - ارتفاع عن الأرض كويس علشان المطبات - وكيل محترم - مشاكل قليلة واعتمادية عالية
النيسان النيو صني بلس
لسه شايفها امبارح وركبت النيو صنى قبل كده
عيوب :- تابلوه خاماته معفنه - كرسى ناشف جدا - ثبات مش حلو فوق ال 120 كم س - تقفيل مصري مش عالي مش زي الياباني طبعا
ميزات :- تعديلات الشكل جعلت شكلها مقبول الى حد ما - وسع ممتاز شنطة وصالون - عفشة ناعمة - تكييف ممتاز - انتشار وقطع غيار معتدلة - سعر اعادة بيع معقول - سعرها حلو - عوامل امان وتصفيح للأكصدامات والجوانب - فاميه خلفى مع الرخصة يفرق فى الصيف - مشاكل مش كتير - موجودة وتسليم بدون أوفر برايس اعلى فئة 127 الف
الأوبترا :-
عيوب:- تصنيع صيني من الأف للياء لأنها سيارة صيني تحت أشراف مصانع جى أم - مش منتشرة - قطع غيار غالية - وكيل سىء السمعة - موتور 1500 ضعيف على البودى الكبير ده والوزن بتاعها وده هيأثر على السحب واستهلاك البنزين وعمر الموتور - سعر اعادة بيع مش هيبقى حلو لعدم انتشارها
ميزات :- واسعة شنطة وصالون - شكل جديد - اوبشنز وسافتى فى الهاى لاين - سعر معقول 130 الف للهاى لاين
فيه كمان الستروين سي أليزيه ب 126 دلوقت
فيه كمان البرسونا والجين 2 ب 120 الف فورى
لانسر شارك لو مش فارق معاك حجم الشنطه