دوله على المحاره للبيع بأعلى سعر

انا مش عارف المفروض افكر ازاى او افهم اللى عايزه تعملو الحكومه معانا
انا بحاول افهم و مش عارف

انا هاحاول ابسط الموضوع

مصر عندها اصول ثابته زى الشركات والمصانع المفروض مشغله ناس و فيه اللى بيكسب واللى بيتسرق و اللى بيخسر و ده طبيعى

المفروض مثلا انهم ب 1000 جنيه و بيدخلو كل شهر 100 جنيه
جم فى يوم قالو لا ياعم انا الاعباء عليا كتير و مش قادر ادير او حاجه انا حاخد نسبه و اوزع الباقى على الناس

طيب انت كان معاك 100 فى الشهر و مجوعنا فانت هتدينا 50 و تاخد انت 50 و احنا نتصرف
ده اقرب مثل للى حصل

طيب انت كان معاك ال 100 كلهم و ماعرفتش تعمل بيهم حاجه تقوم مدينى الفلوس و اتصرف انا؟؟!! يعنى الدوله مش قادره؟؟؟؟

و بعدين لما يطرحو الموضوع للبرلمان طيب ما هما على طول موافقون انا بقى رأيى فين؟؟؟ المفروض الحاجات ديه مش بالطريقه ديه احنا مش مختومين على افانا (تفتكر؟)

حاجه تحرق الدم بجد الواحد حاسس انه مالوش دور فى اى حاجه لو فتحت بقك هتروح ورا الشمس و لو استحملت المرمطه هتخاف على اهلك و عيالك يتمرمطوا عشان انت بتفكر فى بكره و بتقول رأيك اللة محدش برضه هيسمعوا

بجد حاله احباط عامه مش عارف اخرج منها من ساعه ماقريت الخبر ده

و بعدين انا بجد عندى احساس ان مصر بقت عامله زى شركه بتخسر فالملاك الكبار يوزعوا الاسهم على العمال عشان يرموا البلا عليهم و يهربوا هما بالفلوس و يسبوها تغرق

يارب ارحمنا

يا باشا أنت نسيت العلااااااااااااااااااااا اااااااااااااااااوة إياها

أنا مستغرب من الناس اللي عندهم حسن نية اوي والفرحة أخدتهم

ده لسه موضوع العلاوة ما فاتش عليه كام شهر

شعب غلباااااااااااااااااااااا ن فعلاً:k52:

على العموم أنا هاحجز العتبة الخضرة :Lighten: واعمل زي اسماعيل ياسين :018:

هو أحسن مني في ايه :011-002:

هههههه
ماهى خلاص كده خربت

فكره جديده من الافكار االي تدوخ ابليس وتحسسه بمدى ضآلته ........ وتأكد ان ابليس مهما وصل ميقدرش يوصل لربع ما وصل اليه جهابذة المصريين

الموضوع باختصار
الدوله عايزه تبيع شركات القطاع العام لعدة اسباب
- شركات ما مفيش منها رجا و مثقله بالعديد من المشاكل الروتينيه والبيروقراطية والعماله الزايده والعماله الغير مدربة ولا تصلح لشيئ اساسا
الشركات دي محدش عايز يشتريها و محدش بيفكر اصلا فيها الا عشان ما تمتلكه بعضها من اصول (اراضي وعقارات غالبا)
والدوله لاتستطيع تصفيه النشطات غير الاقتصادية لانها ببساطه سوف تهاجم بشده من المدافعين عن حقوق العمال ولا يوجد اي مخرج قانوني لتصفيتها وكذلك الهوجه الاعلاميه اللي هتحصل بمجرد الاعلان عن بيع كل شركه على حده يعني مش هيخلصو

- شركات استراتيجية و ذات طبيعة احتكارية ودي بقه مصيبه انها تخرج ليد القطاع الخاص .... لانه ببساطه المالك الجديد هيقدر يتحكم في سوق السلعه او الخدمه ويكوي المستهل والمواطن الذي لا يوجد امامه اي بديل ...... ودي لو كانت اتباعت عادي كده كانت هتبقى مكشوفه قوي

الحل الشيطاني ...... الناس سوف تقوم بمهاجمه الحكومه لو باعت الشركات ...
طيب خدو انت الاسهم وبيعوها انتو لحسابكو وخلي بالك حزمه الاسهم فيها من كله يعني شركات استراتيجيه على شركات ضايعه يعني ما حدش فاهم هو بيبيع ايه اساسا ........

و الفكره بقه انه كان عنده 15 شركه مثلا للتبسيط
10 منهم قيمتها = 10 جنيه مثلا
5 منهم قيمتها = 500 جنيه لانها ذات طبيعه احتكاريه ومكاسبها مضمونه

15 شركه = 510 جنيه

هيوزعهم بقيمة صفر عل 40 مليون مواطن ويقولك دي قيمتها 1000 جنيه مثلا (ما هو اللي بيقيم وما حدش يقدر يقوله لأ)
ويفرض رسووم على البيع لاول مره مثلا 20% من قيمه الورقه
المواطن خد الورقه بصفر والمفروض قيمتها 1000 جنيه
في الاول ممكن سعر الورقه يعلى ويوصل 1200جنيه مثلا (لعب بقه)
يقومو المصريين يقتنعو بان الورقه تستاهل ويبيعو اللي وراهم قدامهم عشان يشتروها
فكل القادريين (الطبقه المتوسطه) يطلع اللي تحت البلاطه ويشتري
كده السيوله اللي في البلد كلها اتلمت خلاص

هب ازمه ماليه مفتعلة و شويه تصريحات خايبه من الحكومه (بما انها الخصم والحكم)
يهبط سعر الورقه الى 250......... ويخشو يشتروا بالراحه ومن غير ما حد يحس

يعني في خلال شهور الدوله ها تحصل ما يقرب 20% القيمه اللي هي حددتها للشركات دي(وقد يكون مبالغا فيها ) ....... في حين انها بقالها 18 سنه ما عرفتش تبيع غير 10% من الشركات دي بعد وجع دماغ وصداع وهجوم من المعارضيين.

دلوقتي اللاسهم اتلمت في ايد فئة معينه وبقت الشركات دي ملكيه خاصه ....... تقدر جمعياتها العموميه تعمل اللي هي عايزها بدون اي هجوم على الدوله (خلى بالك ان المواطن هو اللي باع مش الدوله)

وبكده رجال الاعمال خدو الشركات برخص التراب من المواطن اللي مش فاهم حاجه ..... وبعد كام سنه الشركات منها اللي هيتصفى وتتباع اصوله وينطرد العمال بره وتتقسم قيمتها بمكاسب مهوله
ومنها اللي ها يكبر ويتطور ويتلمع ويكوي المواطن باسعار السلع المحتكره



و الدوله خدت 20% (بمنطق الاستثمار افضل الف مره من انه يستنى عليهم على ما يتباعو شركه شركه) في وقت قليل جدا يحقق نجاح قصير الاجل لسياستهم ويعمل بروباجنده اعلاميه ومفيش مانع نعمل احتفلات وتكريمات لاصحاب الفكر الجديد

الله ينور عليك يا ميجو نفس الكلام كنت لسه بقولو مع واحد صاحبى هنا
هيفرضوا رسوم لو قلنا 100 جنيه فى عشرين مليون مواطن هنخش فى 20 مليار اتلموا من الهوا و رسوم بيع و دمغه بقى هيصه
وفى الاخر هيتباعو ببلاش غير اللى هيتحكم فى السعر و دوخينى يا لمونه

عارف يا ميجو الموضوع ده فكرنى بقصه لمصطفى محمود عن ابليس دخل النار و كان بيتكلم مع البشر الى فى النار و بيقول انه مظلوم عشان البشر شرهم اكتر منه
مثلا كان بحكى ازاى هو وسوس لواحد يهرب مخدرات فى العربيه الراجل قعد يفكر و فكر انه يحطها فى قلب الفاكهه فالشيطان بيقول ان عمره ماكان ممكن يفكر فى فكره زى ديه

الانسان بقى بيغلب الشيطان فى الشر

هو اللي قالو ميجو مظبوط ومحتمل جداً

وهو ده اللي حصل في الفترة اللي حصل فيها الأزمة

معظم الشركات الخاصة باعت أسهمها وبعد كده اشتريتها تاني يعني مثلاً :

لما السهم وصل 12 جنية ده مؤشر بالنسبة للشركات إن السهم لو وصل للسعر ده يبقى السهم في النازل

فأول حاجة عملها إنه باع السهم ب 12 جنية

وبعد كده لما الخسارة جابت أخرها ووصل السهم ل 3 جنية إشترى كل الاسهم المعروضة

يبقى هو كده بعد عن نفسه خسارة كبيرة ولبسها لناس تانية

وده نفس اللي هايحصل مع الناس الفترة اللي جاية زي ما ميجو قال


بس مع فرق بسييييييييييييييط أوي

مين اللي هايشتري الأسهم لما تنزل؟؟؟
أكيد طبعاً الكل عارف مين اللي هايشتري

هو في غيره

أيه رأيكم في الجمااااااااال ده

كلام جميل جمال مالوش مثال

اقتباس:

---

الشركات الخاصة باعت أسهمها وبعد كده اشتريتها تاني يعني مثلاً :

لما السهم وصل 12 جنية ده مؤشر بالنسبة للشركات إن السهم لو وصل للسعر ده يبقى السهم في النازل

فأول حاجة عملها إنه باع السهم ب 12 جنية

وبعد كده لما الخسارة جابت أخرها ووصل السهم ل 3 جنية إشترى كل الاسهم المعروضة

---

بص يا باشا
موضوع اسهم الشركات اللي باعتها و رجعت اشترتها تاني مش مظبوط واسمحلي اوضحه

الشركه ممنوعه من التداول على أسهمها يعني ما تقدرش تبيع وتشتري اسهمها


الا في حاله واحد فقط تصريح من هيئة سوق المال بصفة مؤقته بشراء عدد معين من أسهم الشركه وتسمى في هذه الحالة أسهم خزينه .... واسهم الخزينه قانونا لا تحتفظ بها لاكثر من عام واحد ... يعني لازم تبيعها تاني قبل ما تعدي السنه
او تعدمها ومعنى ذلك انها تخفض قيمة رأس المال بالقيمه الاسمية للاسهم دي


وحاليا لرخص اسعار الاسهم في السوق
تلاقي شركات كتيير بتطلب تصريح انها تشتري اسهم خزينه
لسبيبين
-اولا تواجه قوة البيع الموجوده في السوق على سهمها وبالتالي توقف انخفاض السهم شويه وخصوصا لو قدرت تلم نسبه كبيره من الاسهم المعروضه.
-ثانيا تستغل السيوله الموجوده بالشركه وغير مستغله بانها تعمل ربح ناتج عن بيع الاسهم دي باسعار أعلى لما السوق يستقر.

ميجو باشا كلام صح ده بالنسبة للشركة ككيان

لكن اللي بيحصل إن أصحاب رؤس الأموال هم اللي بيعملوا موضوع البيع والشراء

منقول :

"سرقة علانية"
ومن جانبه ، يري الدكتور عبد الحميد الغزالي أستاذ الاقتصاد بجامعة القاهرة أن الأصل في عملية الخصخصة إن يتم تخصيص الوحدات الإنتاجية وفقا لنظام أولويات محدد يبدأ بالوحدات الرابحة ثم الخاسرة ، وبالتالي يتم تقييمها بسعر السوق ، مؤكدا ضرورة بيعها للقطاع الخاص الوطني وليس الأجنبي .
ووصف الغزالي توزيع الأسهم المجانية بأنه عملية "سرقة" للأصول الرأسمالية المصرية ، خاصة وان ذلك يعني تبديد الوحدات الإنتاجية بالإضافة إلي تنمية الاتجاهات الاحتكارية الموجودة بالفعل في الاقتصاد المصري حيث سيلجأ المواطن البسيط لبيع هذه الأسهم لسد حاجاته الأساسية في ظل الارتفاع الجنوني في أسعار السلع الأساسية .
وعن إمكانية تأثير هذا الاتجاه علي زيادة تدخل الأجانب في البورصة ، قال الغزالي إن هذا المشروع يعظم دور الأجانب في السوق باعتبارهم مالكو السيولة وبامكانهم الشراء من المواطن المصري البسيط مما يعظم من احتكارهم في مصر بل ويفتح لهم الباب علي مصرعيه .
ولخص الغزالي هذا المشروع بأنه وسيلة لدعم الاحتكارات القائمة من الحزب الوطني وبالتالي الاستيلاء الأبدي علي البورصة ومقدرات البلاد.
دعاية سياسية
بدوره ، أشار الدكتور حمدي عبد العظيم إلي إن مشروع محفظة الأسهم المجانية ما هو إلا دعاية سياسية في المقام الأول والأخير خاصة وأن إقراره سيتم بعد 14 شهرا متزامنا مع اقتراب نهاية فترة حكم الرئيس حسني مبارك.

**************

شكراا شكراا

مش عارف ليه الواحد بقى بيسمع كل الكلام ده و مش بيحس بحاجة و لا فيه اى حاجة بتتحرك !!!! و لا كانى عايش فى البلد و لا يهمنى اى حاجة تحصل فيها !!!برود تااااااااااام و لا يأس و لا غباء و بلاهة ؟؟؟ الله اعلم
بس الموضوع ده مدبر من زمان من ايام الاعلانات الساذجة بتاعت السهم و دليل الملكية و كلام بنك الحظ ده .
انا عن نفسى لما يوزعوا الهجس ده حاخدوا اشيله و مش حابيعوا

حد قراء " أصطباحة " لبلال فضل فى المصر اليوم النهاردة ؟؟؟

نفس اللى قولته فى توبيك تانيه هنا.....مع رؤية أعمق طبعاً

برضه هو أفتكر فيلو "عايز حقى "

بس تعليقه أن الناس البسطاء لما تتملك الأسهم......هتبيع....مين اللى هيشترى بأه...........دى مش مشكلتهم......المهم يبيعوا وخلاص....

بقولك يا طارق............مفيش عندك دولة متشطبة و جاهزة على السر**....يوه قصدى السكن ؟؟؟؟؟؟؟ :d