السلام عليكم استفسار بخصوص شراء سياره

**amr_ismaiel** · 02-05-2015 11:18 PM

السلام عليكم
انا عايز اشترى عربيه ابيزا موديل من 2000 ل 2002 وفى قصادى كذا اختيار باسعار متفاوته ومحتاج مساعده فى التقييم هرفع صور لكل واحده مع تفاصيلها لانى مبتدأ ومعرفش اى حاجه عن العربيات وبصراحه لقيت المنتدى ده نجده فى معلومات محترمه

الاولى موديل 2002 موتور 2000cc ady بس رخصتها منتهيه ومحتاجه طقم شمبر ومفيش فرش فابريقا

العربيه التانيه محتاجه صيانه للتكييف 1600cc عفشه رياضيه

والاخيره موديل 2001 1400 تم تغيير لونها ومثبوت على الرخصه

الاسعار بالترتيب 35 40 45 كلهم مغيرين مواتير وراشين بره وفيهم توكيل واحد

ايه انسب سعر بالنسبه لكل واحده يعنى صيانه التكييف تتكلف كام او بالنسبه للاولى مشكله طقم الشمبر والترخيص دى مكلفه اوى اسيبنى منها معلش انا عارف انى طولت بس دى اول عربيه وفعلا معرفش فيهم والمشكله انهم فى محافظات تانيه يعنى هسافرلهم علشان اشوفهم

**skayroad** · 03-05-2015 04:03 AM

من رايي اخي ولا عربيه من دول لو هتدفع 40 او 45 هتلاقي كتير افضل من الحالات الي حضرت عارضها

**SYD** · 03-05-2015 03:17 PM

في البداية احب ارحب بيك في قسم سيات نايل موتورز

انا من رأي skayroad
ولا واحدة في دوول حالة كويسة

لسة في أفضل ان شاء الله
ماتزهقش من التدوير
ونوع مصادر التدوير بتاعتك
في كذا موقع وكذا سوق وكذا تاجر

لو عايز حاجة حالة لازم تستني عليها
وماتنتظرهاش من علي النت - بس لا مانع من التدوير علي النت

تحياتي

**SYD** · 09-05-2015 02:59 PM

الحالة الكويسة ليها معايير كتيرة اوي
اهمها
حالة البودي والخوارج
حالة الصالون
حالة المحرك وتقرير كشف الكمبيوتر
الكماليات تعمل ولا معطلة (تكييف - زجاج - مرايات - باور)
هل في لعب في الضفيرة والفيش ومقصوصة وملزوقة ولا شغل الفبريكة
هل المسامير والفبرات والكاوتشات موجودة ولا متغيرة ولا متشالة اصلاً (اقصد مسامير الرفارف وكاوتشات الأبواب وعلايات الكبوت وباب الشنطة)

بنظرة عامة - هل العربية واقفة علي حيلها ولا تحسها مشغولة ومعمولة تجاري (زي الصور اللي حضرتك رافعها)

تحياتي