اكسنت ولا كورولا ولا بولو
بسم الله الرحمن الرحيم
السلام عليكم ورحمة الله وبركاته
انا اخوكم ابراهيم ومحتار حيرة كبيرة
انا لسه متعلم سواقه جديد وبدور علي عربيه في حدود 50-55 ألف كحد أقصي
تعبت بحث علي النت
واخيرا توصلت للاختيار من بين 3 عربيات
ياريت لو تفيدوني اختار ايه او تقترحوا عليا اللي تشوفوه بالنسبه لظروفي :
مبتديء سواقة - عاوز سيارة تتحمل المسافات (مشوار من اكتوبر لحلوان 3 مرات في الاسبوع) - عائلية نوعا ما مش ضيقه من جوة - قطع غيارها وصيانتها سهلين - اعاده البيع مش صعبه لاني ناوي بعدين ان شاء الله ابيعها واشتري زيرو بعد سنتين تلاته مثلا ان اعطانا ربنا العمر والصحة
وشكرا لكم مقدما
ال3 عربيات هما :
هيونداي اكسنت 2006 ب 52 الف
تويوتا كورولا 1992 ب 46 الف
فولكس بولو 2001 ب 44 الف
وفيه قدامي اوبل فيكترا 2002 ب56 الف اكتر من ميزانيتي بالف جنيه مش مشكله ممكن اتصرف فيهم
افيدوني افادكم الله
