عرض للطباعة
انا بوزع كروت شحن بقالى فترة كبيرة وكنت بستخدممواصلات فى الشغل بتاعى ومن فترة جمعت 3 الاف جنية قلت اشترى فسبا تسهل عليا الشغل المهم قبل ما ارخصها اتمسكت فى كمين ورحت ادفع المخالفة لقيتها 3 الاف جنية ومفيش تخفيض عشان وكيل النيابة رخم شوية المهم سبتلهم الفسبا هدية وحسبى الله ونعم الوكيل
ازاي مخالفة 3000 جنية ...مفيش اي مخالفة نهائي توصل الرقم دا ابدا حتى لو ماشي بدون لوحات ؟؟
قالك المخالفة اية ؟
لا حول ولا قوة إلا بالله
انا حاسس بك المال المتعوب فيه
يعنى ايه تسبها هو فى فسبا اقل من 3000 جنيه بمعنى انت لو معاكش فلوس خالص استلف وانزل بعها وسدد السلف وخد الباقى
ماكانش معاك جواب للمرور؟اقتباس:
المشاركة الأصلية كتبت بواسطة mizo31981
كان معايا ورقها وكل حاجة والغرامات الجديدة دى طبقا لقانون المرور الجديد وهى دى الاسعار الجديدة دا انا قابلت واحد فى نيابة المرور بيدفع غرامة 1000 جنية علشان الازاز الامامى للعربية واخد طوبة وفية شرخ اة والله شوفت بعينى وعايزكوا تعرفوا اننا فى الايام الجاية احنا اللى هنصرف على الحكومة
اولا: حضرتك غلطان انك سوقت الفيسبا قبل الترخيص
ثانيا: مخالفه ايه دي اللي ب 3000 جنيه ؟؟؟ انت لو دوست علي حد مش هتدفع 3000 جنيه :)))
ثالثا: الحل دلوقتي تعمل تظلم و تشوف واسطه عشان المبلغ ينزل شويه
انا عارف ان الحكومه حاطه الموتسيكلات الصيني و الفيسبا في دماغها عشان ياما حصل بلاوي بيهم
ربنا ييسرلك امرك
اللى مستغرب من قيمة المخالفة يقدر ينزل اقرب نيابة مرور لية ويسمع بس المخالفات الجديدة من بعيد لبعيد
باشا حتى لو لسة مرخصتهاش انتا ليك مدة مسموح تمشي بيها بالفواتير والورق ...فين القانون الجديد ابو 3000 دا ؟؟؟
مخالفة اية دي لفسبا ماترخصتش ومالهاش نمر ....المخالفة الوحيدة ام 3000 جم هي السير عكس الاتجاة واقل قيمة ليها1000جم وبتدفع في المرور ....كمين اية اللي مسكك وعملولك المخالفة ازاي ....كلامك غير منطقي وغير معقول ابدا
عموما لو صحيح حضرتك تطلع علي ادارة العلاقات العامة لوزارة الداخلية او مدير العلاقات العامة بمديرية امن الغربية وتاكد ان الموضوع لو مضبوط هتاخد حقك تالت ومتلت
اقتباس:
المشاركة الأصلية كتبت بواسطة kaza
هو دا اللي انا بتكلم فيه ...حتى لو مفيهاش نمر ولا رخصة طالما معاك ورق ملوش حق يوقفك إلا لو عديت الفترة المسموح بيها ومخالفتها متوصلش ابدا 3000 جنية
طب كتب في بند النمره في وصل المخالفه ايه ؟؟؟اقتباس:
المشاركة الأصلية كتبت بواسطة mizo31981
تحت الترخيص ؟؟؟؟؟؟؟
جاري ترخيصها ؟؟؟؟؟؟
تصحيح بسيطاقتباس:
المشاركة الأصلية كتبت بواسطة حسام الغرباوي
قانوناً مش من حقك تمشي بالعربية او المركبة دقيقة واحدة من غير نمر
في حاجة إسمها نمر تجارية بتتأجر باليوم بإسمك وبيتبلغ بيها المرور المفروض انك تمشي بيها لغاية إتمام ترخيص المركبة
فى انتظار معرفة المخالفة اللى ب3000
يعنى فسبا ثمنها 3 الاف جنيه يعنى موديلها قديم جدا وممكن تكون كاسره فخده او فيها شفط..... وموديل اقل من 83 اكيد................... يعنى انت واللى اشتريتها منه مكنش عندهم نيه يرخصوها وانت عارف ان نص المحله بتحب تشى بالفسبا من غير نمر قال ايه الفيسبا افراج جمركى ............. ولو هى مسلمه نمر مش هيكون معاك ورق لها................... واكيد مش من حقك تمشى بدون نمر علشان الحوداث وعلشان حاجات تانيه كتير كلنا عارفينها..................
الموضوع فيه حاجه غلط............. دا التوك توك مبيدفعش ال3 الاف.......................
بصراحه متزعلش منى انا مش متعاطف معاك لان اى حد مش مرخص لا توك توك ولا موتوسيكل بسهوله جداً لو خبط حد وموته محدش يعرف يجيبه ولو كان الموتوسيكل بيستخدم فى السرقه برضه محدش يعرف يجيبه