المشاركة الأصلية كتبت بواسطة m_m_sh_a
مع إحترامي لرأي الأعضاء اللي بيقولوا الحرامي عارفها ..يعني هو الحرامي على إستعجاله وإنه عاوز يلطش الحاجه ويمشي هيبقى عنده وقت يشوف إيه اللي موقف العربيه ومش مخليها تدور ..وهيقعد بقى يقول يا ترى إيه اللي موقف العربيه ؟؟؟يا ترى إيه اللي موقف العربيه ؟؟؟..ويقعد بقى يتوقع ..يقول آه ..أكيد مفتاح فصل ..صاحب العربيه أكيد عامل مفتاح فصل ..وبعدين بقى يقعد يدور وما يطلعش مفتاح فصل ..وبعدين يقول آه ..يبقى أكيد فيوز طرمبة بنزين أكيد هو ..ويفضل بقى ماشي مع علبة الفيوزات لغاية ما يعرف إن مش هو فيوز الطرمبة .. و يعرف إنه الكتاوت ..
خيال واسع ..مش كده ..مع تقديري للسادة الأعضاء اللي قالوا الحرامي هيكتشفها علطول ..هما برضه خيالهم واسع ..أنا عاوز أقول إن إحنا مهما عملنا من محاذير فإحنا فعلا مش هنقدر نمنع السرقة ..لكن على الأقل ..بنعطلها ..لإن الحرامي بمنتهى البساطة ..ممكن يشيل العربية على كساحه ويمشي بيها ..وده حصل عندنا في إسكندرية في سيدي بشر ..عربية نيسان صني إتشالت على كساحه وش كده ومشيت وقدام الناس ..وكان مكتوب على الكساحه إسم مركز صيانة ..والثقة اللي كانوا الحرامية بيرفعوا بيها العربية على الكساحه مخليتش حد من الناس يتجرأ ويسأل الحراميه إنتوا بتعملوا إيه ..أو فين صاحب العربيه ..ومن دقة السرقه ونزاهة العمل الإجرامي اللي عمله الحرامي إن صاحب العربيه كان فاتح الكبوت قبلها علطول ..لإن العربيه مكانتش عاوزه تدور ..وبعدين قفلها ومشى وتقريبا كده كان رايح يجيب ميكانيكي يبص عليها ..وأنا أتوقع إن اللي كان عامله فيها مشكلة عشان ما تدورش الحرامي نفسه..عشان يضطر صاحب العربيه يفتح الكبوت ويبان قدام الناس إن العربيه عطلانه ومش عايزه تدور و يلتبس على الناس إن العربيه دي فيها مشكلة وإن صاحبها باعت الكساحه تشيل العربية ..يعني اللي عمل العملة دي كان متابع الموقف من أول وجاهز ليه كمان