الموضوع: لكل ملاك كيا ريو شارك فى تقييم كيا ريو

المشاركة الأصلية كتبت بواسطة haytham saad

هل القطمه دى بتاثر على ثبات العربيه او الامان على الطريق ولا مجرد صوت وشكرا على التقييم

لما سالتهم في التوكيل قالولي امشي بيها عادي لحد ما القطعة تتوفر وتيجي تغيرها
وقالولي ان مشكلتها هي بس الصوت والله اعلم بقى الكلام ده صح ولا ايه؟؟؟

المشاركة الأصلية كتبت بواسطة mhkorayem

دي خلاصة العربيه بعد 13.000 كم

أنا هبدأ بمزايا العربيه

1- قطع الغيار رخيصة
2- استهلاك بنزين كويس (في ناس بتشتكي من الاستهلاك بس عندي أنا مرضي بصراحه) حوالي 12.5 كم لكل لتر
3- شكلها شيك والتابلوه جوه شكله محترم اوي وفخم والخامات ممتازه
4- مش معقده وصيانتها سهله وناس كتير بتفهم فيها ومراكز الصيانه في كل حته
5- اوبشنز كويسه
6- عزل الماتور ممتاز صوت وحراره (احياناً بتبقى العربيه دايره وبفتكر اني لسه مدورتش)
7- صاج العربيه أنا شايف انه كويس اوي ومش خفيف
8- قعدتها مريحه جداً
9- الشنطه واسعاً (بالنسبة للسيدان اللي معايا)
10- الحمد لله مفيش شكاوى عامه من اي حاجه في أساسيات العربيه ماتور - فتيس - جيربوكس - فرامل (لكن في شكاوي تانيه هتكلم عنها في العيوب)
11- التكيف معقول

العيوب بقى

1- في اصوات تخبيط من التابلوه مستفزه بصراحه (ظهرت عند ناس كتير في التوكيل بيفكوا التابلوه كله وبيحاولوا يظبطوها بس بعد تجارب كذا حد الاصوات مش بتروح)
2- العربيه عندي فيها عيب صناعة في قطمة الدركسيون من ساعة الاستلام وقلتلهم عليه في الصيانه وأتغير في الضمان (العيب ده ظهر عند كذا حد يعني ممكن تقول عليه من عيوب العربيه عشان كده خليك في العربيه الوكيل اضمن عشان لو ظهر عندك عيب زي ده متشلش تكلفته انت)
3- الكنبة الخلفيه ضيقة
4- صوت الماتور مش ناعم (بس مش هتسمعه غير وانت بره العربيه واحياناً بتسمعه وانت جوه العربيه لو في مكان هادي اوي)
5- السحب في الاول بيبقى ضعيف لحد ما تاخد سرعتها (بس لو حرقت هتقدي معاك تمام بس هيبقى على حساب استهلاك البنزين)
6- العفشه ناشفه شويه (الجنط الـ 15 أفضل شويه من الجنط الـ 17)
7- العزل اسفل السياره يعني مش مرضي بالنسبه ليه اوي (بتسمع اصوت اي خبط بيحصل اسفل العربيه)
8- تانك البنزين صغير 42 لتر بس وده بيدي احساس ان البنزين بيخلص بسرعه وانك كل شويه عاوز تمون
9- السماعات صوتها مش قد كده (اعتقد اني هغيرها بس بعد ما العربيه تخرج من الضمان عشان التوكيل ميخرجش العربيه من ضمان الكهرباء)
10- العربيه واطيه على الارض هتزعلك في المطبات والطرق غير الممهده

انت جبت الخلاصه للعربيه واحيك على تقريرك

المشاركة الأصلية كتبت بواسطة haytham saad

استاذ محمد شكرا على معلواتك بس انا عندى سؤال تانى , انا لسه مستلم الريو 2015 فيس ليفت من شهر تقريبا و ماشى حوالى 700 كم بس كمبيوتر العربيه كاتب ان استهلاك البنزين 9.2l/100km و ده طبعا يعتبر كتيير السؤال بقى هل اللرقم ده بيقل بعد 1000 كم و لا ده يعتبر مشكله و شكرا جزيلا

لو اكتر استخدامك جوه البلد وزحمة واشارات وكده
او بتحرق على الماتور جامد فيبقى الرقم ده طبيعي
لكن لو مشيك طرق مفتوحه وسفر ومش بتحرق يبقى عالي شويه

المشاركة الأصلية كتبت بواسطة ابو فرح

انت جبت الخلاصه للعربيه واحيك على تقريرك

شكراً ليك

المشاركة الأصلية كتبت بواسطة kimoo12

جماعة
انا عندي حاجة كدك و رحت التوكيل قلولي عادي بس حاسس انهن بيستهترو

في كدة في حتة لما اشيل رجلى من دواسة الفرامل و قبل ما العربية تتحرك و انا على ال d ال عربية بترجرح خفيف في مكانها
انا شايف ان ده مش عادي ولا ايه رايكم ؟

لو بتعمل كده على طول يبقى مش طبيعي
لكن لو مره كده وعدت لحالها متخدش في بالك هتلاقيها بس كانت عاوزه تلاعبك شويه