الموضوع: اسعار زيادة الجديدة فى الكهرباء من اول شهر قادم

المشاركة الأصلية كتبت بواسطة drcobra

لو تعرفوا كمية السرقة فى الكهربا الكل هيقول يا ريتها تغلى وبلاش تتسرق

لو الناس تعرف قيمة مرتبات ومكافات موظفى الكهربا بالرغم من مديونية وزارة الكهربا هتقولوا ياريتها تغلى وبلاش تتسرق

مرة جارى ركب عداد كهربتة على عدادى ودخل اسلاك الخروج والدخول فى عدادة بالعكس (علشان ميعدش ) وفك ختم الرصاصة بتاع عدادى علشان يثبت ان انا اللى سارق الكهربا مش هو
وفك رصاصة وختم عداد الخدمات لمدة شهر كامل

قلت ما بدهاش بقى لازم اعمل محضر اثبات حاله وابلغ شرطة الكهربا وشركة الكهربا

كان رد شرطة الكهربا بلاش تتعب نفسك واصل الموضوع ان اللى مش عارف اية وشكرا (كل دة بالتليفون)
وكان رد رئيس هندسة الكهربا نحلها ودى احسن اصل كلنا جيران
اما عن قسم الشرطة فتم عمل محضر وترسالة للنيابة وبتحريات المباحث وجد ان الشكوى كيدية واخدين بالكم (العداد فضل شهر بدون ختم )
طبعا الحمد لله ان جارى مرفعش على قضية تشهير بعد ان اعلنت تحريات المباحث نظافة يدة
وكل دة ( ب عشرييييييييييييين جنية بمبوزى )


لو عرفنا البلد ماشية ازاى كلنا هنتعب نفسيا

انا ليا تعليق واحد بس على كلام حضرتك اللى هو عن مرتبات ومكافات موظفى الكهرباء
يا أفندم انا باشتغل مهندس كهرباء فى احدى محطات الكهرباء والحمد لله سايب البلد من حوالى 8 سنين. وباشتغل فى الخليج.
زمايلى اللى فضلو فى الكهرباء فيه منهم اصبح مدير عام او كبير مهندسين او على الأقل مدير اداره من فتره.
تخيل حضرتك اجمالى مرتبهم على مكافاتهم بيعمل كام مش بيكمل 7 ألاف جنيه
.و لو مدير عام قديم بيوصل ل 8 الاف جنيه.
ودول مديرو عموم او كبيرو مهندسين
حضرتك لو حابب تتكلم عن المرتبات الكبيره اتكلم عن نفس اللى فى سنهم و أقدميتهم فى مجال القضاء والنيابه والشرطه والجيش وقطاع البنوك وقطاع البترول.
فى النهايه باتمنى الخير لمصر ولكل المصريين.

المشاركة الأصلية كتبت بواسطة احمد المصرى

هل سرقه الكهرباء حاليا حلال ولا حرام وهل هيا سرقه ولا دى حق من حقوقنا عايزين نخده وهل الكهرباء دى من حق الشعب ولا بتاعت مين

نسرق كهرباء افضل ولا ايه

حلال إن شاء الله لعدة أسباب معتبرة شرعا