الموضوع: مشكله في بلف الاكسبنشن (التكييف)

المشاركة الأصلية كتبت بواسطة zakar0tta

سلام عليكم اولا
السنه اللي فاتت رحت شحنت التكييف عند واحد بعد ما كان شغال السنه اللي قبلها , وبعد الشحن لقيت التكييف بيشتغل ويسقع تقريبا عشر دقايق وبعدين الجو يقلب نار واسمع صوت الكومبريسور عمال يشتغل ويبطل باستمرار وعلي فترات قصيره
رجعت للراجل تاني قعد يهجص شويه لحد ما قلتله ان لما بفتح الكبوت بلاقي الماسوره اللي علي الشمال خالص ساقعه تلج واللي جمبها اللي فيها بلوكه كبيره كده سخنه نااار
راح قايلي بسسسس يبقي بلف الاكسبنشن عاوز يتغير وده موجود في التلاجه تحت التابلوه ولازم نحله علشان نغيره دا غير الشحنه اللي هتضيع وتمن البلف وعاوز في حل التابلوه 200 جنيه.

بمناسبه الامتحانات
في ضوء فهمك للموضوع اجب عن الاسئله التاليه :

السؤال الاول :
الراجل ده بيهجص ولا فاهم ؟
السؤال التاني :
لو فاهم هل لازم احل التابلوه كله ولا في اي طريقه تانيه ؟

لو حد عنده اي موضوع قديم بخصوص الكلام ده يلحقني باللينك

وشكرا لسرعه الرد لان الجو شكله هيبقي حر ناااااااااااااااار ياجماعه :_alshmokh08[1]:

اولا انا مش خبير لكن عندى شوية معرفة
1- لو التكييف بيسقع وبعدين بيقلب سخن يبقى ده معناه ان الثلاجة اللي فى التابلوه سقعت قوى لدرجة ان الرطوبة اللى فى الهواء اتجمدت وعملت تلج سد مخارج الهواء
2- وده يفسر ان المواسير اللى خارجه من الكومبرسور ساقعة جدا
3- معنى ده ان الاكسبانشن فالف سليم و بيعمل شغلته
4- سبب ان الثلاجة عملت تلج ان الكومبرسور مبيفصلش فممكن سببين
1_الشحن اكتر من اللازم فيستحسن تروح لواحد تاني يمكن تلاقى شحن الفريون زياده وان شاء الله تكون السبب و الحل : )
2_من الترموستات (اعتقد ان الكومبرسور لما بيفصل عندك ده بسبب الاوفرلود وده حمايه اضافية للكومبرسور لما الترموستات بتكون بايظه) لكن اعتقد ان الترموستات راكبه على الثلاجة فممكن تحتاج تفك طابلوه

والعلم عند الله
تقبل احترامي

المشاركة الأصلية كتبت بواسطة zarkoor

اولا انا مش خبير لكن عندى شوية معرفة
1- لو التكييف بيسقع وبعدين بيقلب سخن يبقى ده معناه ان الثلاجة اللي فى التابلوه سقعت قوى لدرجة ان الرطوبة اللى فى الهواء اتجمدت وعملت تلج سد مخارج الهواء
2- وده يفسر ان المواسير اللى خارجه من الكومبرسور ساقعة جدا
3- معنى ده ان الاكسبانشن فالف سليم و بيعمل شغلته
4- سبب ان الثلاجة عملت تلج ان الكومبرسور مبيفصلش فممكن سببين
1_الشحن اكتر من اللازم فيستحسن تروح لواحد تاني يمكن تلاقى شحن الفريون زياده وان شاء الله تكون السبب و الحل : )
2_من الترموستات (اعتقد ان الكومبرسور لما بيفصل عندك ده بسبب الاوفرلود وده حمايه اضافية للكومبرسور لما الترموستات بتكون بايظه) لكن اعتقد ان الترموستات راكبه على الثلاجة فممكن تحتاج تفك طابلوه

والعلم عند الله
تقبل احترامي

بالظبط كده الله ينور يفضل ان حضرتك تروح لحد تاني وتجرب وانت واقف عنده من غير ماتفك حاجة وهو يحدد العيب ويشتغل عليه وبالتوفيق