السادة الاعضاء
السلام عليكم
انوى شراء سيارة ان شاء الله فى حدود 140 الف و محتار.
انا حجزت بالفعل بيجو 301 اوتوماتيك.
ولكن ما زلت متردد ،مش عارف هى كويسة ولا وحشة.
ارجو الافادة متضمنة اقتراحات بالبدائل فى حال عدم ترشيحها
مع الشكر.
عرض للطباعة
السادة الاعضاء
السلام عليكم
انوى شراء سيارة ان شاء الله فى حدود 140 الف و محتار.
انا حجزت بالفعل بيجو 301 اوتوماتيك.
ولكن ما زلت متردد ،مش عارف هى كويسة ولا وحشة.
ارجو الافادة متضمنة اقتراحات بالبدائل فى حال عدم ترشيحها
مع الشكر.
والله العظيم انت راجل بطل . على الرغم من قوة الحرب الضارية على العربية انت لسة بتفكر فيها
اكبر عيب في العربية من وجهة نظري هو كتر الكلام السيء عليها
بمنتها الامانة العربية فيها عيوب كتير . ولكن بعد تجريتي لها لمدة اكتر من عام انا راضي عنها بنسبة كبيرة
بصراحة انا شايف ان سيارة العام هي سوزوكي سياز
نصيحة اخيرة لو ناوي على البيجو لاااااااااااااااااااازم تكون مقتنع وسعيد بيها جدا جدا جدا جدا جدا علشان تستحمل الارف الي حتسمعه
شكرا على الرد
لكن ارجو توضيح اكثر بخصوص العيوب
وايه رأيك فى المقارنة بينها و بين سى اليزيه؟
العيوب كتير من حيث العدد فقط . طبعا من وجهة نظري
كلاكس صوته مزعج . الشبكة الامامية حتتفك اول ماتستلم العربية وبعد كده التوكيل يثبتهالك . العربية بتقلب بطة بلدي مع التكييف . استهلاك البنزين شبه مرتفع . الي يركب العربية لاول مرة تعطية انطباع غير مرضي بالفعل هي تحتاج الى تعود .
اما موضوع مقارنتها بالستروين فده اكبر دليل علي الحرب المعلنة على البيجو . ازاي عربيتين توام في كل شيء الكل يطلع القطط الفتصانه في البيجو ونفس العيوب دي متظهرش في الستروين.
شكرا
انا ان شاء الله هستلم قريب
فى اى نقط آخد بالى منها عند الاستلام.
اظن السياز هاتكتسح
نصيحة خليك فى السياز عربية من وجهة نظرى من متابعة العربيتين ان البيجو عيوبها اكتر من السياز والسياز تتميزب
استهلاك اقل فى البنزين
كماليات اعلى
تكيف لا غبار علية
بس عيوبها انها فقيرة فى التقفيل عن البيجو
وموضوع الفرامل بتاع بيجو دا يخلى الواحد يقلق
اذا عزمت فتوكل ، وانا اعدك امام الله انك مش حتندم على اختيارك
واللهي اول ماتركب عربيتك وتشوف الاسد بيلمع في الدرسيون ، ولما تيجي تضرر وتسمع صوت الموتور تحس ان اسد بيزئر ، حتشعور باحساس لا يعلمه سوى مولاك الاسد .
بالنسبة لموضوع الاستيلام مأدرش ازود على الكلام الي قاله الكثير من الزملاء في المنتدى كله عن الاجراءات المتبعة عند استلام السيارة الجديدة .
لكن الي عايز اقوله خليك في لون السيارة الي كان نفسك فيه حتى لو حتتاخر في الاستيلام .
على فكرة انا مستلم عربيتي من التوكيل وكانت ماشية 2 كم فقط خلي بالك من الموزعين
شكرا لكم جميعا.
انا استخرت الله و توكلت عليه فى البيجو ان شاء الله.
بالتوفيق في الشراء وربنا يبارك لك فيها :tumb:
د.مروان صباح الخير عليك و على كل أعضاء المنتدى الكرام :
مبروك مقدما على السيارة و ربنا يديلك خيرها و يكفيك شرها
أنا مش حطول عليك و لكن مفيش عربية فيها كل المميزات ولكن أحب أقول أنه ممكن يظهر عيب عندك و ميكونش موجود عندى والدليل على كلامى أنا كنت ماشى على سرعة 100 ك أو أكثر و كنت بتكلم مع الناس اللى معايا فى العربية و نسيت أنى داخل على كوبرى ولقيت نفسى راشق فى مدخل الكوبرى و مكنتش عارف أدخل يمين ولا شمال علشان مخبطش وكان الحل أنى أضرب فرامل و كان دة أختبار حقيقيى للفرامل بعد اللى أتقال على العربية ... و الحمد لله الفرامل وقفت العربية قبل ما أخبط و الabs كان ممتاز و دة كله بفضل الله .
فى النهاية لازم تكون حابب أنك تركب البيجو و بعد كدة حتلاقى كل حاجة سهلة
أبقى طمنا بعد ما تستلم على خير
اشكركم جميعا.
انا مبسوط انى دخلت المنتدى و تعاملت مع ناس محترمة مثلكم.
حصلت مفاجأة غريبة!!!!!
قبل استلام 301 هاى لاين بيومين (بعد ما سددت تمنها بالكامل للشركة) لقيت حد من cdcm بيكلمنى و بيقولى العربية موديل 2016 و حنرجعلك 8600 جنيه!
و فعلا استلمت السيارة و لقيتها فى الاوراق 2016 و فعلا لقيت المحاسب طالعلى و بيرجعلى 8600 جنيه
حقيقى شركة محترمة.
على فكرة نسيت اقول ان 2016 من غير شاشة البيانات اللى كانت فوق الCD و تم تبديل الكاسيت بشكل جديد به شاشة تعرض نفس البيانات عدا صورة السيارة عند عمل ال sensor park اثناء الرجوع للخلف.
(من وجهة نظرى مش مهم).
الله يبارك لك في الأسد ونتمنى أن تكون قد وجدتها عند حسن ظنك وتكتب لنا أنك راضي عنها قريبا حتى يطمئن الناس
الوحش دلوقتي في الفئة ديه هو الكيا ريو واللانسر شارك
بس البيجو 301 عربيه كويسه جدا بس طالع عليها سمعه مش تمام !!
المواتير الفرنساوي برده شكل تاني خالص
سعرها كام دلوقتي
الهاي لاين ٢٠١٦ عليها عرض ١٢٩الف
129,900
موديل 2016
الفرق الوحيد عن 2015 انها بدون شاشة بيانات
يعنى تقدر تقول ان شاشة البيانات كانت مغلية العربية 8,600 جنيه يبقى طبعا من غيرها احنا الكسبانين لان الشاشة الtouch و GPS الاصلية بتتركب فى التوكيل نفسه ب 4000 جنيه
يعنى تركب شاشة افضل و لسة موفر 4,600 جنيه
يا دكتور مروان انا عايز اشترى العربية هاى لاين بس موضوع مفيش شاشة والكاست البت ان مش موجود دا خانقنى شوية ومخلينى معدتش متشجع لها اوى ... ايه راى حضرتك وايه موضوع الشاشة اللى بتتركي دا معرفوش بتتركب فين فى العربية وحجمها اد ايه وياترى العربية ليها موزعين ومراكز صيانة فى المنصورة حيث اسكن ولا هشتريها منين ان شاء الله
اولا انا استخرت الله قبل الشراء و وفقنى الله لها ولسه ماستخدمتهاش كفاية عشان اقيمها بس مبدئيا سواقتها حلوة اوى تقريبا زى التويوتا،
ثانيا الشاشة من وجهة نظرى مش مهمة اوى كاستخدام،فارقة بس فى المنظر و عشان كدة قولت اللى همه المنظر يقدر يركب شاشة احلى باستخدامات اكتر و فى التوكيل نفسه بالضمان(الكلام ده انا سألت عليه و انا فى التوكيل بتاع صلاح سالم)،و كده حتبقى لسه موفر 4600 عن موديل 2015.
اخيرا:انا مش عارف كل فروع الصيانة لكن الرقم المختصر ل-cdcm-وكيل بيجو 19207
تقدر حضرتك تكلمهم و تعرف فرع المنصورة فين.
ألف مبروك يا دكتور ربنا يرزقك خيرها ويكفيك شرها . ممكن ترفع لنا صورة الكاسيت الجديد بالدرج اللى فوقيه عشان مش لاقي ولا صورة على النت ومبروك مرة تانية.
السلام عليكم ورحمة الله وبركاته أولاً بارك الله لك في سيارتك ورزقك خيرها و وقاك شرها. أنا معايا الهاي لاين من شهر 10-2014 و أنا راضي عن أدائها بنسبة كبيرة الحمد لله برغم وجود بعض العيوب مثل الشبكة الأمامية اللي فعلاً اتفكت مع السرعة و عملوها في التوكيل بمجرد حزام بلا أي حرفية بس في فئتها ما زلت شايفها الأفضل و خصوصاً بعد تخفيض السعر الكبير ده لأن في حالتي أن اشترتها كمان فوق سعر التوكيل لأني كنت مستعجل. إن شاء الله تكون سعيد بيها.
الله يبارك فيك
بالنسبة لصورة التابلوه الجديد انا حاولت ارفعها كذا مرة بس مش نافع مش عارف ليه.
اما بالنسبة للسيارة كنت احب اعرف تعليقات اتر من حضرتك خصوصا اداء الفرامل و التيل و اى ملاحظات اخرى.
مع الشكر.
الحمد لله أداء الفرامل معايا مرضي بشكل كبير بالنسبة للتيل أنا غيرته تقريباً على 11000 كنت بدأت أسمع صوت تصفير خفيف و مش بصفة مستمرة عند استخدام الفرامل و لما روحت التوكيل و قلتلهم غيروة بس للأسف من غير حتى ما يدوني القديم اللي اتغير و أنا مشيت و نسيت أسأل عليه ( كنت عايز أشوف الأصلي صناعة ايه ) حاول تمون دايماً من توتال أو الوطنية و إن كنت بفضل توتال. و الزملاء هنا عاملين أكتر من تقرير عن كل اللي يخص العربية.
السلام عليكم
كنت عايز اعرف معدل استهلاك البنزين بالتكيف و من غير و في الزحمة و علي الطريق السريع لو سمحت
حتى الآن سواقتى فى طرق مختلطة (شوية دائرى على شوية داخل المدينة) و السحب لا يتأثر بالتكييف،و معدل الاستهلاك حوالى 10-11 كيلو لكل لتر(كل 150 كيلو تقريبا ب-فول ب-13 او 14 لتر بنزين) تقريبا.
اعتقد استهلاك معقول ل 1600c.c.
بعد فترة استخدام، استهلاك البنزين اتحسن ، بقى حوالى من 8 الى 9 لتر لكل 100 كيلو.
و فى حاجة تانية، الشركة كلمتنى تتابع معايا مدى رضائى عن العربية و الخدمة و المعاملة مع الشركة.
حاجة حلوة فعلا.
انت اشتريتها منين يا دكتور مروان؟
وياترى كام كان سعرها؟
واخبارها معاك ايه دلوقتي
[size="4"]الحمد لله إن عربياتكم كويسة أسأل الله أن يعطيكم خيرها و يكفيكم شرها
للأسف معي بيجو 301 موديل 2014 هاي لاين جميلة جدا أول 500 كم و الواحد محافظ علي الآخر لأني مش من هواة الجري يعني سواقة هادية والحمد لله و بعدها إشرب يا عم خبط في العفشة
التوكيل لأ ما تقلقش كله هيروح مع التربيط عند 2500 كم ماشي نستني شوىة بعد التربيط (صلاح سالم )الخبط زي ما هو
معلهش روح غمرة هيغرولك المساعدين ماشي نروح
ورشة غمرة (التوكيل) سهلة هنيغر المساعدين
كويس
وبعدين واحد تاني من الورشة يجرب و يقولك ما فيهاش حاجة هي دي طبيعة 301
بيكلمني كأني أول مرة أركب عربية
و بعد ذلك صيانة ال 10000 طلعوا مشرف قديم من الورشة سمع صوت الخبط و فال مافيش حاجة و بعدين لقتيهم مغيرين مسامير المقصات و خلوهم تبع الضمان و برده الخبط لسة و عند 13500 كم الفرامل بتصفر بس هم ما عندهومش التيل صنفروه و قالوا يستحمل معاك 3000الي 4000 كم المهم المرة دي أخيرا سمعوا الخبطة في عفشة العربية وطلعت من بطاحة المساعد الشمال
ماشي غيروها
للأسف مش موجودة هنكلمك لما تيجي و فعلا بعد 10 أيام كلموني و غيروها الخبطة اتكتمت و لكن ما راحتش
المهم بعد فترة من المعاناة معهم اشتكيت لخدمة العملاء
غيروا المساعدين بعد شوية وووو إسفاف (و آسف مش هأقدر أقول )
بعد حوالي سنة و نص و المضحك إن العربية لسة بتخبط برده و هم مش عارفين إيه سبب الخبط
آه نسيت أقول مشكلة بسيطة الشبكة الأمامية في الآخر ثبتوها بالبلاستيك بس الملاكيكي كان شاطر حط الجوان تحت لوحة النمرة الأمامية و انا مارضيتش يثبت الشبكة السفلية لأن البلاستيك هيبان و دي عربية بيجو ما ينفعش تمشي كده
طبعا مرورا بمشاكل التكييف مع السحب (كلب ميت ) أو تكييف و لكنه إتحسن كتير بعد ال 10000 كم
و كمان غيروا الكلاكس (ضمان )
و أخيرا بعد صيانة ال 20000 سمعت صوت غريب في الموتور إتضح إنه صوت بلية المجموعة إللي بتحرك الدينامو و طلمبة المياه و طلمبة الزيت .
ومفاوضات و قلة أدب علشان ثمن البلية و السير ثم يتضح انهم في الضمان و المهندس بيستهبل
بس مش موجودين هنبقي نتصل بك لما ييجوا
بس لسة ما إجوش
يارب يا مسهل
آسف إني طولت بس دي و الله حكايتي مع البيجو 301 و طبعا ده للأسف بيضيع كل حاجة جميلة في العربية
لأني روحت للتوكيل 10 مرات خلال سنة و نصف مع إني المفروض 3 مرات بس
[size="4"]الحمد لله إن عربياتكم كويسة أسأل الله أن يعطيكم خيرها و يكفيكم شرها
للأسف معي بيجو 301 موديل 2014 هاي لاين جميلة جدا أول 500 كم و الواحد محافظ علي الآخر لأني مش من هواة الجري يعني سواقة هادية والحمد لله و بعدها إشرب يا عم خبط في العفشة
التوكيل لأ ما تقلقش كله هيروح مع التربيط عند 2500 كم ماشي نستني شوىة بعد التربيط (صلاح سالم )الخبط زي ما هو
معلهش روح غمرة هيغرولك المساعدين ماشي نروح
ورشة غمرة (التوكيل) سهلة هنيغر المساعدين
كويس
وبعدين واحد تاني من الورشة يجرب و يقولك ما فيهاش حاجة هي دي طبيعة 301
بيكلمني كأني أول مرة أركب عربية
و بعد ذلك صيانة ال 10000 طلعوا مشرف قديم من الورشة سمع صوت الخبط و فال مافيش حاجة و بعدين لقتيهم مغيرين مسامير المقصات و خلوهم تبع الضمان و برده الخبط لسة و عند 13500 كم الفرامل بتصفر بس هم ما عندهومش التيل صنفروه و قالوا يستحمل معاك 3000الي 4000 كم المهم المرة دي أخيرا سمعوا الخبطة في عفشة العربية وطلعت من بطاحة المساعد الشمال
ماشي غيروها
للأسف مش موجودة هنكلمك لما تيجي و فعلا بعد 10 أيام كلموني و غيروها الخبطة اتكتمت و لكن ما راحتش
المهم بعد فترة من المعاناة معهم اشتكيت لخدمة العملاء
غيروا المساعدين بعد شوية وووو إسفاف (و آسف مش هأقدر أقول )
بعد حوالي سنة و نص و المضحك إن العربية لسة بتخبط برده و هم مش عارفين إيه سبب الخبط
آه نسيت أقول مشكلة بسيطة الشبكة الأمامية في الآخر ثبتوها بالبلاستيك بس الملاكيكي كان شاطر حط الجوان تحت لوحة النمرة الأمامية و انا مارضيتش يثبت الشبكة السفلية لأن البلاستيك هيبان و دي عربية بيجو ما ينفعش تمشي كده
طبعا مرورا بمشاكل التكييف مع السحب (كلب ميت ) أو تكييف و لكنه إتحسن كتير بعد ال 10000 كم
و كمان غيروا الكلاكس (ضمان )
و أخيرا بعد صيانة ال 20000 سمعت صوت غريب في الموتور إتضح إنه صوت بلية المجموعة إللي بتحرك الدينامو و طلمبة المياه و طلمبة الزيت .
ومفاوضات و قلة أدب علشان ثمن البلية و السير ثم يتضح انهم في الضمان و المهندس بيستهبل
بس مش موجودين هنبقي نتصل بك لما ييجوا
بس لسة ما إجوش
يارب يا مسهل
آسف إني طولت بس دي و الله حكايتي مع البيجو 301 و طبعا ده للأسف بيضيع كل حاجة جميلة في العربية
لأني روحت للتوكيل 10 مرات خلال سنة و نصف مع إني المفروض 3 مرات بس
استاذ مصطفى عصام
آسف على تأخر الرد
انا اشتريت العربية من التوكيل (فرع صلاح سالم) حجزتها فى يناير و استلمتها فى مايو.
انا عامل بيها حتى اﻷن حوالى 4000كم ، العربية اوتوماتيك ،تقييمى العام جيد جدا،العربية حلوة اوى بشكل عام بس ممكن اقولك على بعض الملاحظات البسيطة:
1-طلعة العربية تقيلة شوية بس بعد التانى بتفتح فى السرعة و السحب.و مفيش نتشة بين الاول و التانى.
2-صوت الموتور عالى و تحديدا مع التكييف بس عزل الصوت كويس.
3-الفرامل كويسة جدا.
4-استهلاك البنزين معقول جدا.
اخر حاجتين فى مقارنة مع اوكتافيا فانتازيا:
5-الثبات:حتى 140 و بعدها تبدأ تحس ان العربية خفت اما الاوكتافيا لحد160 او 170.
6-العفشة:مش ناشفة زى الكورى و لا ناعمة اوى زى الاوكتافيا هى تقريبا زى كورولا 2013.