الموضوع: محتاج استشارة في فيات برافو

الحمد لله لسه جايب فيات برافو 2011 مستعملة و داخلة 100 الف كيلومتر.
سألت في التوكيل (النيل الهندسية) علي سعر صيانة 100 الف قالولي هتتكلف 2000 جنيه (زيت موتور, فلتر زيت, فلتر تكييف, فلتر هواء, بوجيهات, فلتر تربو).

سؤالى: هل في مركز كويس و اسعاره مريحة قريب من التجمع؟

اولا الف مبروك علي العربية وربنا يحفظهالك وجهة نظري خليك مع الوكيل في الصينات الكبيرة
ثانيا كنت عايز اعرف لو تسمح جبتها بكام و ايه اخبارها معاك لاني بفكر ان شاء الله اشوف و احده كده بس انا عايزها المانيوال p6 واعتقد مفيش منها غير ٢٠١٠ و ياريت لو تحكيلي تجربيت فالشراء وشكرا مقدما :)