السلام عليكم و رحمة الله و بركاته
أحب أطمن أخوانى الأعزاء انى بفضل الله استلمت الجين 2 2009 اوتوماتيك امبارح.
و هذا تعليقى على العربية:
1- العربية كانت نظيفة من برة
2- الزرار اللى بيعبى و يوطى عدسات الفوانيس الامامية مش شغال (حقولهم عليه فى الصيانة)
3- طبعا سحبها خرافى (مقارنة بالاكسيل اللى كانت معايا)
4- الثبات مش حتكلم عليه عشان وهمى (أكنك راكب ألمانى بالظبط)
5- فى حاجة مهمة عايز أسألكم عليها - بعد ما مشيت بالعربية فترة - حوالى 50 كم ابتديت اسمع صوت طقة كدة جاى من تحت قدام بس مش عارف الصوت ده جاى منين عامل زى ما يكون صوت فى الكوبلن و بيتكرر كتير - لو حد يعرف يفيدنى يبقى جزاه الله خيرا

العربية مجملا روعة فى الاداء و انا حبيتها قوى
بس مستاء من صوت الطقة ده

وعقبال الجميع ما يستلموا

السلام عليكم