-
كلمتين وبس (الكل يشارك)
اصدقائى الاعضاء الافاضل
عندى كلمتين كده وده تعبير مجازي اكيد هو موضوع كبير انا طبعآ مستاء من اللى بيحصل والناس اللى بتختفى ويسيبو المنتدي ويروحو ينشطو فى جروبات على الفيس بوك ونسيو ان كلنا اتعرفنا من نيل موتورز مهما كانت خبرة اي واحد برضو اتعرف هنا وانا اتعرض عليا الف مره امسك جروب وصفحات ورفضت من ايام حتى ما كنت عضو فضى قبل ما امسك اي مسؤليه وكملت وعملت مواضيع ودخلت فى اكتر من قسم وعرفت ناس كتير محترمه وعادي اتشتمت من ناس برضو فى المنتدي ودي ضريبة انك تكون فى مكان ادارى واتوقفت مره وده كله مقللش من قدر المنتدي عندى ولا فكرت اشوف مكان تانى من اللى اتعرض عليا احتمال انى عشان تفكيرى قديم شويه ومبعرفش ابيع حد بسهوله وعلى فكره انا مش طالب والا فاضى 24 ساعه بس انا مش بيل جيت عشان اكون مش فاضى 24 ساعه ..
المهم الناس اللى بتسيب القسم وشغاله فى الفيس بوك اتمنى يراجعو نفسهم ويفكرو شويه ولو فاكريين ان الجروب له قيمه فده فقط لعدد محدود ولا عمرو هيوصل للناس كلها ويكمل الهدف وهو افادة الناس كلها والله المستعان اتمنى كلامى يكون وصل للكل وبالتوفيق للجميع
-
اية المشكلة اننا نرجع تانى ونجيب الناس ال فى الجروب معنا انا جديد بس متابع الموقع من سنة تقريبا وهو فعلا اقوى موقع ومشترك وف الجروب بردو بس الفرق كبير اوى بحس الجروب هواة مع احترامى للاشخاص انا بتكلم على الفكرة نفسها لية منعملش ايفنت ولية منعملش الحجات بتاعة الجروب هنا واسف على الاطالة والله المستعان
-
ميزة المنتدي بالنسبة للاعضاء والزوار تبادل المعلومات .
والبحث عنها في اي وقت .
غير مواقع النم الاجتماعي (مش هاتعرف تجيب منها معلومة مكتوبة من فترة ) .
-
غير كده عادي اي جروب صاحبو زعلان يرميهم بره او يقفلو والجروبات اصلآ العدد محدود فيها على الفيس بوك يعنى مفيش ميتقبل ولا ينفع تكون مرجع ولا فى اداره تجيبلك حقك لو واحد شتمك او تحل اي خلاف الفكره ان مفيش مقارنه اصلآ والناس اللى مستسهله لازم يعرفو زي ما هو سهل التعامل زي ما هو محدود الامكانيات و الافاده
-
انا غبت عن المنتدي فتره .. أول حاجه لاحظتها قله التفاعل عن الأول بكتيييييير
معقول جروبات الفيس بوك هي بس السبب ؟؟!!!!!
ناس كتير بتكتب ومحدش بيرد عليها ولو حد رد بيكون بعد يوم مثلا
أعتقد مش القسم دا بس عنده المشكله بالعكس دا كويس بالمقارنه بباقي المنتدي ع فكره !!
ياتري ايه الحل غير ان الناس بتوع الفيس بوك يرجعوا من تاني ؟؟
-
على الاقل منسيقين الاقسام يتفاعلوا مع المواضيع الجديدة
و حتلاقي الناس وراهم بالأراء و المحوارات
-
هو استخدام الفيس بوك اسهل هي دي القصه
-
سلام عليكم
موضوع شائك احييك لأنك طرحته يا فهمي بيه
و كان نفسي اقول رأيي , لكن الصراحة للأسف مش هاينفع لأنه هايتفهم غلط
-
المنتدى مبقاش زى الأول خالص .. مبقاش حد بيرد على حد
بتبقى هاتموت على معلومة أو إستفسار عشان سوق السيارات الغامض المبهم فى مصر .. ومتلاقيش حد يرد ... وتفضل كل شوية تتابع موضوعك يمكن حد يعبرك .. وفجأة تلاقى حد رد عليك .. تفتح تلاقى كلمة (متاااابع) ... بقت حاجة تخنق
-
بالنسبه لى انا مش مشترك فى اى منتدى تانى ولا فيس بوك ولا غيره ولا بفتح اى حاجه غير المنتدى لكن ملاحظ فعلا انه خامل من فتره كببره ليه مش عارف مع العلم انى لازم يوميا ادخل اشوف الجديد ولكن دون جدوى واخرج تانى
Content Relevant URLs by
vBSEO 3.6.0 PL2