السلام عليكم
هو الواحد ممكن يستورد ايه من أمريكا و يتتباع في مصر !؟
طب الواحد يفكر ازاي يبدأ منين واناعندي اللي يوصللي أي حاجه بأحسن سعر لغايه مصر !؟
اللي عنده فكره أوفاهم في الموضوع أو عاوز يستورد حاجه معينه يقولي وربنا يرزق الجميع.
السلام عليكم
هو الواحد ممكن يستورد ايه من أمريكا و يتتباع في مصر !؟
طب الواحد يفكر ازاي يبدأ منين واناعندي اللي يوصللي أي حاجه بأحسن سعر لغايه مصر !؟
اللي عنده فكره أوفاهم في الموضوع أو عاوز يستورد حاجه معينه يقولي وربنا يرزق الجميع.
وعليكم السلام ورحمة الله
بقترح تستورد اكسسوارات الكمبيوتر زي الماوسات بمختلف أنواعها (سلكي - لاسلكي) والكيبورد وما شابه لأن المعروض هنا قليل وفي حاجات ممكن تدور عليها ومتلاقيهاش زي مثلا كنت بدور على ماوسك لوجيتيك معين ولفيت عليه مصر كلها ملقيتوش حتى روحت لكمبيومي وكمبيوتر شوب ولا الهوا ! فلو جبت تشكيلة كويسة ممكن تعرضها وإن شاء الله تكون رواجها كويس لأن محدش مش بيستخدم ماوس أو كيبورد ده غير السماعات وخلافه
باختصار كل ما يتعلق بالكمبيوتر واكسسواراته شوف السوق محتاج إيه وهاته بشرط تكون أسعارك منافسة علشان هتفقد ميزة وجود ضمان معتمد زي المحلات اللي بتبيع بالضمان فلازم تقلل في السعر
برده نفس النظام بخصوص الموبايلات واكسسواراتها
بس حاول تنقي الحاجة الهاي كواليتي لأن المضروب مالي السوق أينعم ليه شعبية لأنه رخيص بس برده الحاجة النضيفة ليها زبونها والناس بتطلبها مخصوص من أمريكا عن طريق أمازون وبعض المواقع الوسيطة وأنا شخصيا كل فترة بعمل طلبيات من أمازون وبجيبها علشان مش بلاقيها في مصر
منصحكش امريكا خالص لو هتستورد احجام صغيره لسببين مهمين :
1- اعاده التتمين والجمرك للفواتير الجمركيه من امريكا عاليه جدا عن اى بلد تانيه
2-المنتجات الامريكيه طبعا منتجات اصليه وبلد منشأ غالى فبالتالى المنافسه السعريه لمنتجاتك فى السوق هتكون صعبه جدا مع المنتجات الاخرى
على سبيل المثال هتشترى كيبورد وايرليس براند معين ممكن توصلك بس لايقل عن 300 او 400 جنيه فى حين ان سعرها فى السوق ولو حتى البديل ليها هيكون سعره اقل النص تقريبا
فكر تانى فى موضوع امريكا ده
شكرا و في انتظار أفكار و اقتراحات أخري.
احسن حاجة من امريكا الملابس مثل ماركة البولو والتومى
انا بشترى من ناس بتجبهم من امريكا وبتوصل مصر وتباع اقل من سعر المحلات فى مصر
متابع لانى بفكر فى البدايه لمشروع كذلك
السلام عليكم و رحمة الله و بركاته
أنا من رأيى أنك تشوف حاجة فى مصر و ممكن تتباع فى أمريكا. و البيع فى أمريكا مش محتاج أنك تفتح محل و لا حاجة, ممكن على Ebay و لا أى من مواقع البيع المختلفة. لأنك عشان تلاقى حاجة فى أمريكا تنفع فى مصر مع سعر الدولار الحالى و تكاليف الشحن و الجمارك و فى ظل منافسة الصينى فى السوق المصرى. صعب شوية.
و بالتوفيق ان شاء الله.
مكملات غذائية..بتاعه كمال الاجسام
الناس اللى بتخاف على صحتها هتحب تستخدم المكملات الغذائية من بلد مضمون ..ودى بلد المنشأ لاغلب المكملات الغذائية
ممكن قطع غيار فورد ؟؟؟
الفرق بينك و بين التوكيل و الموزعين المعتمدين انك مش هتبالغ في هامش الربح بتاعك
و بكده تقدر تنافس فكري جروب و الموزعين المعتمدين بتوعه بس لو عندك محل كبير :)
متجيبش حاجه من امريكا
استورد من الصين بس حاجات بجوده عاليه
او صدر من مصر لبره
لو تعرف تصدر منتجات لامريكا هتكسب كويس
السلام عليكم ورحمة الله وبركاته جميع اجهزة الكومبيوتر واللاب توبات بجميه المشتملات وجميع المقاسات المختلفه الاوريجنال الموجوده عندنا فى مصر الان ومن فتره لاتقل عن ١٥ سنه هى كلها استعمال خارج وبالتحديد من امريكا وكل اسبوع بينزل كونتينر فى ميناء الاسكندريه جاى من امريكا بيسمو الشحنه فى الموانى المصريه يوزد فخليك فى استعمال خارج فقط لضمان الجمارك المنخفضه اى الرمزيه وعلى كل حال ممكن اديلك مثال تختبر بيه انا محتاج محرك جوندير ٦ سلندر توربو ٦٠٨١ استعمال طبعا ممكن تشوف هيوصل مصر بكام وانا اخده منك واى تفاصيل لطراز المحرك قولى بس واهو يمكن تبقى بدايه كويسه او لك حرية الاختيارعندك مثلا هناك فى امريكا المخارط مش زى عندنا فهناك يعطى للحاسب الالى تفاصيل ومقاسات اطوال وغيره ويضع الخامه فقط ليخرج له تشطيب وفنش يفوق الخيال لنراه نحن المصريين باستغراب ونقول الجمله الشهيره شغل الخواجه انما هو فى الحقيقه الكومبيوتر من نفذ اى نعم اشراف هههههههههههه خواجه انا بقى كل يومين تلاته بعمل جلبتين فى المخارط عندنا فى حوالى اربع ساعات والله المستعان وشغل مش زى ما انا عايز مخارط الحاسب الالى فى امريكا تباع يوزد لان معدات احدث تحل محلها فاكيد هيكون سعرها معقول بالنسبه لامكانيتها
الللى بيقولو نصدر لامريكا
احنا عندنا اي حاجه ممكن تتصدر بره؟
التصدير لامريكا فيه مكسب كبير وعن تجربه
عندك جلاليب كرداسه الحريمي تطريز اليدوي وخاصه رسمه الطاووس مكسبها فى الحته لا يقل عن 2 دولار
تيشرتات القطن المصري حدث ولا حرج
قمصان قطن مصري تقفيل كويس بتتباع هوا
سجاجيد الحرير الطبيعي شغل يدوي مكسبها جبار
شغل الكليم اليدوي
مشغولات النحاس اليدوي
مشغولات العظم
ورق البردي
اللب السوبر
البسطرمه
العسل الاسود
وعلي فكره ناس كتير شغاليين فى تصدير الحاجات دى
بس عامه الناس وقليل الخبره هو اللي بيجري علي الاستيراد وخلاص
وفي ناس كتير اساتذه احباط
الموضوع سهل جدا والسوق هناك واسع
استورد قمح
احنا اكتر شعب فى العالم بياكل عيش
الموضوع ده كان تاخر الى الوراء كتير عندى ولاثبات جديتى بحثت عنه حتى اتواصل من خلاله كما اننى ارسلت لك ارجو افادة الوصولكمان هبعتلك البادج هنا ان شاء الله
john deere engjne . Serial number * rg6081ho44765* 6081hdw70 حاولت ارفع صور المحرك لكن لم اتمكن لعدم معرفتى بالرفع وطبعا ده طراز وموديل ونوع المحرك باختلاف السيريال نمبر
امريكا بلد منتج للتكنولوجيا واغلب المواد الخام للصناعة مكانش كلها
ممكن تستورد
(قطع غيار لبعض السيارات- مواد كيماوية خام للصناعة - وومكن تفتح استيراد على حسب الطلب زى ادفعلى )
الجماعة الى بيسألوا احنا بنصدر لأمريكا ايوة يافندم بنصدر ملابس من خلال اتفاقية الكويز بالتعاون مع اسرائيل:_Alshmokh08[1]:
تحياتى
لو حضرتك عايش فى امريكا والشقة او المكان اللى حضرتك فيه أغلب الوقت حد بيكون فيها فى فكره حلوه اوي ممكن تعمله
فى ناس كتير اوي فى مصر بيلعبوا دور الوساطه لاى حد عايز يشتري حاجه من على النت زي هاتولنا واشتريلي وجروبات كتير على النت
بياخدوا من اللى عايز يشترى الفلوس ويعملوا الاردر ويدفعوا الجمارك والشحن وبعد كده يبعتوه للمشتري
المشكله ان أغلبهم ملهمش مكان في أمريكا ثابت حقيقي
وبالتالي لما ينطلب مثلا تلات حاجات بدل ما يوصلوا في شحنه واحده بيوصلوا سعات على ثلاث شحنات وبالتالي قيمة الشحن بتضاعف وبدل مشوار واحد للاستلام بيبقى تلات مشاوير ( حتى لو كانت الشحنه برايمر بيحصل فيها كده)
لكن لو عندهم حد فى أمريكا هيعملوا الاردر عليه وهو يستلم وكل 3 ايام مثلا يجمع اللي استلمه ويروح يبعته مرة واحده
- يبقى الوسيط كده ارتاح آخر راحه كل تلات ايام هيروح يستلم كل اللى هوا طلبه فى شحنه واحده بتخليصه واحده
- الشاري استفاد ان تمن الشحن قل للربع تقريبا والمواعيد اصبح أكثر دقه
- المقيم فى امريكا استفاد مكسب مقابل انه بعت اللي جاله على البيت على مدار 3 ايام فى شحنه واحده
ولو حضرتك عايز اسماء والصفحات لبعض الوسطاء على الفيس بوك ممكن ابعتهالك
لو الصين يبقى اسهل
لان الصين احتلت امريكا
الشحن من امريكا غالى عكس الصين
الصين ممكن تستخدم البريد الصينى او السنغافورى و دى خدمة شحن رخيصة
لو مصر فعليك استيراد ما خف وزنه و غلا ثمنه
الموبايلات مقفولة الشفره
لو تعرف حد يفكها فى مصر
الموبايلات مقفولة الشفره
لو تعرف حد يفكها فى مصر