-
تليين لانوس 2007
مساء الفل عليكوا يا احلى منتدى فى الدنيا \
انا محتاج اعرف جدا يا جماعة اية احسن تليين للعربية الانوس علشان انشاء اللة حستلمها قريب
انا سمعت ناس بتقول تقرص عليها علشان الموتور يطبع البساتيم على الجرى بسرعة.
و كمان عايز استفسر عن التليين اول 1000 كيلو هل :
1- اركب حد معايا ولا لا ولو ركبت ممكن اركب معايا اتنين ولا استنى بعد التليين
2- انا ناوى اسافر الساحل للتليين طب امشى ازاى وعلى كام وانقل على كام وينفع اركب حد معايا
2- بالنسبة للتكييف افتحة ولا لا ولو فى السفر افتحة ولا لا
3- بالنسبة للبنزين احط 90 ولا 92
وفى الاخر انا متأكد انى اللى حسمعة منكم هو اللى حعملة انشاء اللة ويارب يخليلى المنتدى الجميل دة
-
بص ربنا يباركلك فيها و يديك خيرها و يكفيك شرها
لكن بالنسبه للتليين فالمفروض تلين العربيه على الهادى
يعنى اول الف كيلو ما تشدش بالعربيه خالص
تمشى على سرعه اقل من 80
و تنقل عند RPMاقل من 3 ما توصلش لل3 دى خالص
و انا من راى كمان ما تشغلش التكييف خالص اول الف كيلو لانه حمل زائد
على المحرك فى مرحله التليين و بعد ما تليين اعمل اللى انت عايزه
و بعديين ما دام العربيه زيرو و ما شاء الله موديل السنه انا راى
انك تحط بنزين 92 على طول لانها مش بتفرق و بعدين ال90 ده مضروب
اما بالنسبه للتطبييع فده بيكون بعد ما العربيه تليين
يعنى بعد اول الف كيلو بعد ما تمشى هادى ممكن تفتح الماتور
يعنى تطلع على طريق سريع و تحاول تنقل عند عدد لفات عالى من 4.5 ل 5
و بكده تكوون لينت العربيه و اخدت اطول عمر للماتور و كمان استفدت من انك تجرى :D
و لو فى اى استفسار اخر انا حاضر
-
همال ممدوح قال لية حكاية التطبيع دية هو كان قصدة بعد 1000 برضة
طيب وحاجة تانية بالنسبة لاول 1000 ينفع اركب حد معايا العربية ولا يستحسن محدش يركب واليينها كدة فى السالانسية مع نفسى على الدائرى
-
ركب معاك 2 بس ميبقاش فى حمل زيادة على العربية بمعنى ان ميبقاش 21 وزنهم 200 كجم والافضل يبقى التليين فردى.
-
المهم ال RPM ميعلاش عن 3000 طول فترة التليين
-
- يالهوووووووووووووووووووى
انا وانا فى التلين كان بيركب معايا 3 ورا وواحد قداااام :cry:
بالنسبة للrbm هو كان بيوصل ل3 على التانى :shock:
ففيه مشكلة فى الموضوع ده ولا ايه :?:
-
مادام ال RPM لم يتجاوز ال 3000
يبقى إن شاء الله مفيش مشاكل
Content Relevant URLs by
vBSEO 3.6.0 PL2