حد تاجر خضراوت يفسر اسباب ارتفاع الخضار واللحمة المفاجئ فى السوق
انا نفسى اعرف لسة الكهربا والبنزين ما ارتفعوا والخضار واللحمة اسعارهم زادت بطريقة قاسية جدا الأسبوعين الماضيين
انا روحت اشترى ارنب لاقيت كيلو الارنب ب 45 جنية والله كيلو بامية 25 جنية كيلو سبانخ عشرة جنية !! طماطم ب عشرة جنية كيلو اللى كان سعرها من أسبوعين 3 جنية قفقط !!
طيب لية الزيادة الرهيبة دى ولة رمضان ما دخل ولا بنزين وكهراب طلعوا
ارجوكم عايز تفسير منطقى؟
تعددت الاسباب و الزيادة واحدة
السبب المباشر الواضح الان هو ارتفاع درجات الحرارة يؤدى لتلف الخضروات و اللحوم بسرعة و تحتاج تبريد اكثر و ده يرفع سعر تخزينها و اعتقد هناك سبب تانى اهم و هو رفع الاسعار تدريجيا من الان علشان الناس لا تصدم فى رمضان ....رمضان مع زيادة اسعار الكهرباء مع ارتفاع درجات الحرارة هيبقى شهر "مولع" من كله فالارتفاع التدريجى يقلل الاحساس بالارتفاع مرة واحده ....عموما مطلوب ربط الاحزمة سنه و نصف ان شاء الله هتفرج مع بدايات 2017 لما انتاج مصر من النفط و الغاز يزداد و نرجع دولة مصدرة او على الاقل الاستيراد هيقل جدا....يعنى الامل و الخير موجود ان شاء الله.
طب خد الخبر الجديد بتاع الغرامة على كشف الاطارات
اقتباس:
المشاركة الأصلية كتبت بواسطة مُصْطٓفٓى
شكرا لتوضيح حضرتك
لكن الوضع الحالي سيئ للغاية ومن سيئ إلى أسوأ
مادام يحكم مصر هذه الأشكال
طب حضرتك ادخل على المواضيع الجديدة و خد الخبر ده لسه طازة هيعملوا لجان امن و متانة على الاطارات و الكاوتش اللى هيسقط فى الاختبار هيحطوا السيخ المحمى فى صرصور ودن صحبه ( مش عارف هيكشفوا على الكوتش و هو راكب فى الجنط ازاى و كشف ظاهرى بقى و لا ازاى بالضبط) طبعا سبوبه جديدة زى موضوع الحزام اللى خنقنا و العربيات ماشية بسرعة نصف ك/س....:_Alshmokh08[1]: