الموضوع: مساعده في حوار جواز

مشاركة غلط

انا عندي بس شويه توضيحات للناس الي بتديني رأيها
اولا انا مبقلش المستوي الاجتماعي هو المستوي المادي
ثانيا المستوي المادي بتاعي عادي مش عالي و لا حاجه
و اللي اقصده بالمستوي الاجتماعي هو اسلوب الكلام طريقه التفكير النظره للحياه ممكن واحد يبقي شعبي و بلدي و هو معاه فلوس
و ممكن واحد يبقي شيك و ذوق و اسلوبه راقي و هو يادوب لاقي ياكل
ثالثا انا كان سؤالي يا جماعه رأيكم ايه في التصرفات دي عاديه و لا لأ و المقابله الجايه يبقي فيها كلام شكله ايه علشان اقدر احكم علي البنت و شخصيتها
رابعا قد اكون انا عندي مشاكل و مش ملاك و كل حاجه بس انا اللي جاي اسال مش البنت فبالتالي ياريت تفيدوني بحاجه تدعم قدرتي علي اتخاذ القرار مش تشككني في نفسي

المشاركة الأصلية كتبت بواسطة no comment

استوقفنى وإستفذنى تعليق حضرتك هذا
فأستغفر الله لعل من تصفهم بهذه الصفات التى منحهم الله اياها أفضل ممن هم أفضل خِلقة
ولعل يقع أختيارك فى النهاية على من هم أفضل خِلقة وأسوء خلقاً

حضرتك انا مقصدتش اي حاجه عن خلقتهم بس هما علي الاقل بالنسبه ليا شكلهم مش مريح ليا علي الاطلاق
اصلا البنت اللي انا بتكلم عنها حاليا يادوب متواضعه الجمال بس وشها مريحني شايف اني اقدر ابص ليها و مبقاش متضايق و لا متكدر
لكن شخصيتها معرفش عنها حاجه و معرفش حاجه عن اهلها و اللي جايبهالي يعرفهم يعني انا فعلا قدام بطيخه

المشاركة الأصلية كتبت بواسطة hh

مشاركة غلط

ليه حضرتك شايف انها مشاركه غلط

المشاركة الأصلية كتبت بواسطة eso101

المشكلة في الفارق العمري 10 سنوات ... عشان لما بنقول فرق بين جيل وجيل بيخلق مشكلة محدش بيقتنع
هات بنت الآن متعلمة ومثقفة غير منطلقة ومش بتتكلم بأريحية مع اللي حواليها
جايز بنت بعمر الـ 30 ستكون أكثر مناسبة لفكرك لإنها إبنة جيلك

زمن طول مدة الإنجاب عشان الأسرة تخلف أبناء كتير فبتالي محدش بيدقق ولكن حاليًا الوضع تغير بشكل جذري
لم يعد الإنجاب الكثير شيء مرغوب
الآن البنات تعلموا وتثقفوا ومختلفين تمامًا عن الإجيال السابقة ودا بيخلق مشكلة حقيقية بين الزوجين اللي بينهم فارق عمري
ولكن لو فيه بينكم مشاعر .. الموضوع هيختلف ... وفي النهاية الإستخارة والتوكل على الله في أي قرار

حضرتك فرق عمر عشر سنين كما ثبت مش كتير و كل الابحاث اللي موجوده دلوقت شايفه انه مش كبير و مادام في تقارب فكري
و انا شوفت من اللي شوفتهم قبل كده بنات في نفس سنها بس كانوا مختلفين عنده كده فعارف الجيل بتاعها بيتكلم ازاي

المشاركة الأصلية كتبت بواسطة احمد فهمى

بس جواز الصالونات مرو ما فلح تخيل ناس جايين شان يجوزو بنتهم وهي كمان اكيد هيتجملو وهيتصنعو بكل الاشكال مفيش حد هيبينلك عيبو وربنا يوفقك بس اصبر القصه مش هزار

نفع معايا الحمد لله
الجواز بطيخه
ممكن تقطع نفسك بحث و استقصاء و تأخذ كل الاحتياطات و فى الاخر العريس يلبس فى الحيط
توفيق ربنا قبل كل شيىء

أخيرا بلاش تدخل مامتك وأختك ف الموضوع لأنهم هيبوظوه وغيره وغيره

فعلا
الستات مهما كانوا طيبين المواضيع دى بتبوظ معاهم
خلى بالك الغيرة هتشتغل بعد الارتباط و ده طب فى الستات اخفته المرأة او اظهرته

المشاركة الأصلية كتبت بواسطة eso101

10 سنوات الآن يعتبر فارق كبير .. أخي الفاضل .. لو كان عندك دراسات معتمدة تدل على العكس من فضلك أضفها
مع العلم أن هناك فروقات .. مجتمع المدينة غير مجتمع القرية .. مستوى التعليم والمستوى المادي وغيرها .. هناك عوامل كثيرة تلعب دورًا في مسألة السن
التقارب الفكري أساسًا لا يعتمد بشكل صارم على السن ولا يمكن في المسائل السلوكية أن نضع قاعدة..
ولكن الفجوة الزمنية بين الأجيال في تغير مستمر
حتى 5 سنوات فارق يعتبر جيل .. المشكلة تظهر فكريًا وغيرها من المشاكل مع الوقت
حاول أن تتعرف على رفقة في عمر 23 سنة وترافقهم لمدة ... ستعرف أن هناك فرقًا جوهريًا في التفكير بينك وبينهم
المسألة مع الزوجة مختلفة قليلًا ولكنها رفيقة وستحتاج لتقارب أكبر .
15 مرة لم توفق في الإختيار عدد كبير من المرات .. حتى وإن صادفت 5 مرات -وهو كذلك عدد ليس بقليل- وإكتشفت أن الشكل غير مقبول لديك.
من المتوقع أنه يجب في المرات القادمة أن تتخذ خطوة إستباقية للتأكد من الشكل قبل أن تقدم على طرق الباب لإنك وقعت في مشكلة الشكل 5 مرات !
ولكن تكرار المسألة 15 مرة .. المرة تلو الأخرى .. ينذر بوجود مشكلة في المعايير أساسًا والسن أحدها ..
فالشاب في عمر الـ 23 - 27 كان سيتفاعل مع إنطلاقها في الحديث غالبًا ( فغالبًا مكنش أخد موقف سلبي أو حتى فكر )
من رأيي أن تبحث عن زوجة تتوافق معك إجتماعيًا وثقافيًا وعمريًا .
أسأل الله لك التوفيق مع زوجة تسعدك .

استاذي العزيز مش هجادلك في رأيك بس تجارب الواقع فيها كتير ممن هم الفرق بينهم 12 سنه فاكثر و زيجات ناجحه جدا
ثانيا انا لما اعتبر انه سلبي انها منطلقه في كلامها و لكني رايت من في سنها و عنده بعض الخجل في اول الحديث
و لكن الفتاه كانت تكلمني كما لو اني زوجها او اخوها و هو غريب مهما كان الجيل و المرات ال 15 لسوا تلو الاخري دول علي مدي 4 سنين
سيدي الفاضل انا لم اتحدث عن تفاصيل المرات السابقه و لا نهايتها فلا تفترض جدلا فرضيات من عندك

ياريت كمان يا جماعه اللي شايف ان ال 10 سنين فرق دول مشكله يقولي و ا للي شايف انهم مينفعوش و هيبوظوا الجوازه يقول الغريبه ان البنت مش شايفه انها مشكله