اعضاء المنتدى الكرام ،،بعد التحيه ،، محتار جدا في شراء كاوتش الاسترا كوزمو ٢٠١٣ ياريت تفيدوني

في حد مغير مقاس الكاوتش بتاعه من 17/50/215 الى 17/50/225 ؟؟ هل المقاس التاني ده فيه اي مشكله في العربيه ؟ وهل فعلا بيزود استهلاك البنزين ؟؟ ، وهل عداد السرعه بيبقى مظبوط على المقاس ده نظرا لأنه مزود الارتفاع 5 مللي ،، انا امبارح كنت في شارع احمد سعيد عشان اشتري المقاس ده وفي محلات قالتلي بلاش وخليك في مقاس العربيه الاصلي ومحلات تانيه قالتي الفرق مابينهم مش كبير ومش هيفرق اي حاجه في العربيه ،، ف مقداميش غير اعضاء المنتدى الكرام هما اللي هيقدرو يفيدوني في الموضوع ده ، بس بعد اذن حضراتكم اللي يقول يكون مجرب ،، وشكرا

واخيرا عايز اعرف ايه افضل الانواع اللي ممكن اركبها ويكون سعرها في المتوسط ، انا لقيت امبارح كذا ماركه المقاس ال 225
منهم :-
ستار ماكس ب ٧٥٠ جنيه ( نقشة الشجره )
هانكوك ب ٩٢٠ جنيه
اكليز ب ٦٥٠ جنيه
كومهو فيتنامي ب ٦٥٠ جنيه و كوري ب ٧٥٠ جنيه
وفي انواع تانيه زي فولدا ، ساندرا سعرها في رنج ال ٦٥٠
الكونتينينتال والبريدجيستون والميشلان والبريلي اسعارهم بتتراوح من ١٢٠٠ الى ١٦٠٠ جنيه !!
ف ايه رأي حضراتكم ، وهل في انواع تانيه ممكن تبقى كويسه وبأسعار متوسطه ؟

واعتذر عن الاطاله ،.