عن اللغة الالمانية

**Moustafa.yonis** · 06-05-2015 09:18 AM

السلام عليكم ياشباب
ياتري مين هنا في المنتدي بيدرس الماني ، وبيدرسه فين وهو في اي مستوي دلوقتي وبيفكر في ايه بعد لما يوصل لمستوي معقول سواء لدراسة او عمل
ولو حد عنده فكرة عن العمل هناك ياريت يقول
انا بدرس الماني في سنتر في المقطم، مدرسين مصريين بس نظام جامد جدا وبندرس منهج اسمه menschen
وحاليا انا في ليفل a1.2
ومش عارف هقدر اعمل ايه باللغة بعد كده
ياريت لو حد عنده تجربة عملية ياريت يفيدني

**khaled_sabry** · 06-05-2015 09:29 AM

متابع
انا لسه حبتدى يوم الاحد القادم دراسه المانى فى مركز dfa فى مدينه نصر فى اول مستوى خالص
بدرسه على امل انى اوفق فى عرض عمل فى المانيا

**c3a** · 06-05-2015 10:10 AM

بدرس مع مدرس خاص مستوى a1

**ENG.MaRk** · 06-05-2015 10:35 AM

نصيحة من أخ أكبر الDeutsch هيفيدك جداً لو اتعلمته و ممكن يوفرلك فرصة عمل في ألمانيا لأن الشعب الألماني بيعتزوا جداً بلغتهم ف انت لو اتقنتها إن شاء الله هيفتح قدامك أبواب كتير و علي فكرة من عشرتي للشعب الألماني أحب أقولك إن أي employer مش عايز واحد جايب grades كويسة ولا معاه PHD ... الفكرة كلها في الPersonal skills اللي جزء كبير منها الCommunication skills و أتمني لك التوفيق ... شد حيلك :)

**ENG.MaRk** · 06-05-2015 10:37 AM

و لو ماتوفقتش في فرصة عمل في ألمانيا ممكن تشتغل مترجم ألماني و ده في حد ذاته حاجة مش وحشة لأنك هتبقي حققت أقصي استفادة من اللي اتعلمته

**khaled_sabry** · 06-05-2015 11:10 AM

المشاركة الأصلية كتبت بواسطة ENG.MaRk

نصيحة من أخ أكبر الDeutsch هيفيدك جداً لو اتعلمته و ممكن يوفرلك فرصة عمل في ألمانيا لأن الشعب الألماني بيعتزوا جداً بلغتهم ف انت لو اتقنتها إن شاء الله هيفتح قدامك أبواب كتير و علي فكرة من عشرتي للشعب الألماني أحب أقولك إن أي employer مش عايز واحد جايب grades كويسة ولا معاه PHD ... الفكرة كلها في الPersonal skills اللي جزء كبير منها الCommunication skills و أتمني لك التوفيق ... شد حيلك :)

طيب من خلال خبرتك
هما ممكن يعبرو الواحد من اول لما يوصل لمستوى كام - يعنى الحد الادنى
على فكره انا مهندس برمجيات و جالى عرض من شركه المانيه قبل كده كانو عاوزين ورقى "مترجم المانى" و شهاداتى فى اللغه الالمانيه - و طبعا لما قولتلهم انا معرفش المانى (رغم ان معايا IELTs فى الانجليزي) الموضوع باظ

**7oda** · 06-05-2015 11:52 AM

المشاركة الأصلية كتبت بواسطة khaled_sabry

طيب من خلال خبرتك
هما ممكن يعبرو الواحد من اول لما يوصل لمستوى كام - يعنى الحد الادنى
على فكره انا مهندس برمجيات و جالى عرض من شركه المانيه قبل كده كانو عاوزين ورقى "مترجم المانى" و شهاداتى فى اللغه الالمانيه - و طبعا لما قولتلهم انا معرفش المانى (رغم ان معايا IELTs فى الانجليزي) الموضوع باظ

لازم توصل لمستوى يمكنك ان توصل افكارك للناس
بالنسببببة للدوله هناك لو هتتجنس هتحتاج توصل على الاقل لموستوى b1

سؤال على جنب لما بتقدم لوظيفه هناك بتكتب ال CV بانهى لغة

**khaled_sabry** · 06-05-2015 12:03 PM

المشاركة الأصلية كتبت بواسطة 7oda

لازم توصل لمستوى يمكنك ان توصل افكارك للناس
بالنسببببة للدوله هناك لو هتتجنس هتحتاج توصل على الاقل لموستوى b1

سؤال على جنب لما بتقدم لوظيفه هناك بتكتب ال CV بانهى لغة

موضوع ان مستواك فى اللغه يتحسن لما تبقى هناك و تبقى عيشتك كلها المانى اعتقد حيبقى سهل جداا
الصعوبه كلها فى البدايه و المستوى اللى انتا محتاجه لمجرد انك توصل هناك
بالنسبه للسى فى انا مش خبير انا لاقيت كام وظيفه مناسبه ليا على linked in فقدمت فيهم بالسى فى الانجليزي بتاعى
و شركه واحده هى اللى ردت عليا بالرد ده - الباقى ردو الرد المعتاد اننا استقبلنا طلبك و حيتراجع فى اقرب فرصه