مشكله فى كيا برايد 1998 متور 1100 cc
السلام عليكم ورحمه الله وبركاته
احلى سلام وتحيه على اجدع اعضاء فى افضل منتدى فى السيارات
عندى سؤال
اشتريت كيا برايد 1998 من كام شهر وكانت حالتها كويسه
كانت مشكلتها معايا انى لما كنت بحب اشد بيه شويه فى وسط البلد يعنى بعدى عربيه بلحق اشاره كان المتور بتخنق سألت قالولى نظف الكربراتير رحت فكتيه ونضفته والعربيه فاقت لما من الاول لل تالت بدوس بنزين براحتى العربيه بتجرى ما بقتش تتخنق زى الاول بس المشكله بقى انى استهلكها على فى النبزين جدا بالاضافه انها مش بتسحب لوحدها دلوقتى يعنى لازم ادوس بنزين علشان تجرى كانت الاول بتسحب لوحدها واستهلكها فى البنزين ممتاز من 13.5 الى 14.5 ك / التر دلوقتى بقت يا دوبك 11 ك/لتر مش عارف دى بقى مشكله ايه السحب العادى بتعها دا والاستهلاك العالى دى عيب فى ظبط الكربراتير وصمامات الهوا مع البنزين ولا الى نظفه خربوا ارجوا الافاده مع اعلم انى ساكن فى اكتوبر والطرق هناك لسه مش مخنوقه زى وسط البلد