ممكن لو حد يفيدني بخصوص الفرق بين الاسترا و المازدا 3 , مين الاحسن و عيوبهم و مميزاتهم و توكيل غبور ولا منصور الاحسن ؟
عرض للطباعة
ممكن لو حد يفيدني بخصوص الفرق بين الاسترا و المازدا 3 , مين الاحسن و عيوبهم و مميزاتهم و توكيل غبور ولا منصور الاحسن ؟
من حسب خبرتى البسيطة فى العربتين هقولك الاتى
الاوبل مش حلوة وفيها مشاكل وعيوب
توكيل منصور زفت
العربية ضيقة من الخلف
جربتها مع واحد جارى ماعجبتنيش
وفى الغالب والله اعلم العربية مش المانى بيتهيئلى مجرى او حاجة كدا من اوروبا الشرقية
بالنسبة للمازدا
العربية يابانى 100%
عفشة خلفية مالتى لينك مش موجودة فى الاوبل
العربية واسعة
كماليات فى الهاى لاين لاتعد ولا تحصى
التقفيل الداخلى والخامات على اعلى مستوى وتركبها تحس انك راكب بى ام الفئة التالتة
يعيبها
ان الموتور والفتيس تكنولوجيا قديمة بتاعة الشكل السابق مع فتيس 4 سرعات
يعنى صوت الموتور هيكون عالى بسيط عن العربية الفتيس 6 سرعات ودا انا مش شايف انة عيب
بس يميزة ان مفيش اى شكوى منة لانة متجرب
وبالنسبالى العيب التانى انها مع غبور لانى مابحبش توكيل غبور
انا شايف المازدا 3 خامه وجوده وان كان نوعا ما الفتيس ضعيف بقوه 105 حصان واربع سرعات بس شايفها كويسه علىالطرقات والاسترا الشكل داخلى مش عاجبنى والاشكال ازواق ومازدا فيها مالتى لينك الاوبل على ماعتقد مفهاش مالتى لينك والقرار قرارك مش مع او ضد لا كل حاجه بقى على قرارك انت والموتور الجديد فى الهاى لاين مش سكاى اكتف موتور عادى زى القديم
الموتور فى الهاى لاين زى البيز لاين مشكلتة ان تكنولوجيتة قديمة بس عملية وناجحة
هى الاسترا مش وحشة اوى بس مش كويسة كاعربية المانى لان اصلها امريكى فى الاول وفى الاخر ومع العلم ان منصور توكيل زبالة وزفت فى معاملتة ودا عن كلام ناس معرفة يمتلكون سيارات منصور
صوت الموتور هادى جدا و الفتيس سلس جدا خاصة بعد التانى بس انا اخرى فى السرعة 120 عموما
هى فعلا لا تقل عن بى ام فى الجودة و التقفيل و الشكل اجمل بصراحة بس دى اذواق طبعا
ميزة الأسترا هى وجود esp لا يوجد بالمازدا و هى تقفيل يولندى
التوكيلين تعبانين و ان كان غبور ارحم شوية
والله انا شايف ان الردود فيها تحيز للمازدا ضد الاسترا الاسترا مش بالسوء ده تقريبا من افضل العربيات في السوق الان بالسعر المناسب مع جودة وتقفيل وثبات
الاتنين كا ثبات هنتفق انهم كويسين
بس الاسترا من جوة ضيقة ومابيعجبنيش شكل التابلوة من جوة وبيظهر فيها مشاكل
اول ما الاسترا الشكل الجديد نزلت سالت صاحبها عليها من حظة انها كان فيها عيوب وان السيراتو القديمة كانت افضل منها لانها ماكان فيها العيوب الى موجودة فى الاسترا
ثانية واحدة,, مازدا ايه اللي بتتقارن بأوبل ؟!
شوف حالة أي عربية مازدا موديل سنة فاتت ماشية في الشارع و قارنها بعربية أوبل موديل عشر سنين فاتوا,
أنا كتير بشك أن مازدا ياباني أصلاً, بحسها عربية صيني متنكرة!!
بعيدا عن اي فنيات مازدا 3هاتعمل مبيعات جيده
العربيه تحفه في تصميمها
مبيعاتها معقوله بدون دعايه
انا مجرد بقول رأيي في عربية مش عجباني..
عموماً, ملحوظة على جنب, لو في رأي قريته و معجبنيش فيا اما بتجاهله او بتناقش فيه بدون استهزاء من صاحب الرأي..
انا كلامي يخص المازدا الموديلات الجديدة, قليل اوي لما بشوف عربية محتفظة بحالتها..
مين قال ان اوبل اصلها امريكي؟لما اوبل اصلا اقدم شركة سيارات في المانياو مش معني انها تابعة لشركة جنرال موتورز انها امريكي طب ما فولفو اشترتها شركة صيني هل معني كده انها صيني؟ و بعدين الاسترا عفشتها الخلفية واتس لينك و ده لو حضرتك بتفهم او مهندس حتعرف انه راحة اكتر من المالتي و نفس الثبات ناهيك عن ان الاسترا صاج اتقل و شكل افخم و فيها esp يعني تسعفك في المناورات و بعدين الاسترا انتشرت بمراحل عن المازدا رغم غلو قطع غيارها فا ده معناه ايه ؟؟؟ الاستررا تقفيل اتحاد اوروبي او بولندي و ده لا يعيبها في شي ما ال cla مجري طالما تقفيل اوروبا يبقي محترم انما مش حاجي مثلا و اقول ان الجيتا تقفيلها زي الجولف لا طبعا لان الجولف الماني و الجيتا مكسيكي يعني quality اقل بكتير من الاوروبي
وبعدين اسال أي حد كده اوبل ولا مازدا؟؟؟ والله تخفيضات الجمارك علي السيارات الاوروبي هي الي حطت سيارات ياباني و كوري زي المازدا و السيراتو في نفس الفئة مع اوبل لما الاسترا يبقي سعرها بره فارق عن المازدا و الاكورولا ب 20000 جنيه و هنا نفس السعر بسبب تخفيضات الجمارك و بعدين بتقارن موتور و فتيس من 2005 عفي عليهم الزمن ؟؟؟؟ تحيز غريب للمازدا علي حساب الاوبل اول مرة اسمع ان اوبل امريكي !!!