شقة دوبلكس

**mk3** · 08-05-2015 06:18 PM

كنت بتفرج على ارضى عادى وكان السمسار بيأكد لى ان مفيش صرف عندى والصرف تحت فى الجراج ( البدروم) معنى كده ان موضوع الصرف ده مشكله

**eng.m7md.ali** · 08-05-2015 07:11 PM

المشاركة الأصلية كتبت بواسطة mk3

كنت بتفرج على ارضى عادى وكان السمسار بيأكد لى ان مفيش صرف عندى والصرف تحت فى الجراج ( البدروم) معنى كده ان موضوع الصرف ده مشكله

طبعاً مشكلة واغلب اللي باني البيت مش عامل حساب الموضوع ده لان منسوب البلاعة الرئيسية بيبقي اعلي من منسوب البدروم فابالتالي لازم طرمبة ترفع الصرف كله بتاع الجنينة والحمام والمطبخ اللي بيبقوا تحت

**4fun14** · 09-05-2015 09:02 AM

اللي اعرفه انه مش قانوني.. وهتدفع كتير اوي عشان تعمل زي سقف خشب للجنينه عشان متبقاش مجروحه للجيران.. وتعمل حديد علي كل الشبابيك عشان هتباه اسهل واحد تتسرق.. وترش مبيزات باستمرار عشان الحشرات بسبب الجنينه، لازم تكون حابب الفكره اوي عشان هتقابل وجع راس كتير، وتفصل الصرف بتاعك عن صرف العماره عشان البلاعات متضربش عندك كل شويه

**abokoko** · 09-05-2015 10:50 AM

شكلي هصرف نظر

**eng.m7md.ali** · 09-05-2015 12:50 PM

الموضوع مش صعب اوي كدة ياجماعة
.. انا عامل الجنينة 60% منها بلاط او سيراميك خشن والباقي قصاري زرع او اجزاء مزروع فيها شجر لسة مستقرتش يعني تقريباً مش هيبقي في حشرات ... والمفروض هيبقي في كلب للحراسة

انا كلمت صاحب البيت تاني بخصوص الغرامة وكدة قالي مدام الكهربة والمية او المرافق عمتا دخلت البيت من الجهاز يبقي مفيش حاجة اسمها غرامة لان كل الناس عاملة كدة وهو شخصياً عامل كدة في الشقة اللي قدامي

موضوع الحديد ده طبيعي .. احنا في مصر مع شوية اجهزة انذار يبقي انسي اي خطر وكمان المفروض يبقي في غفير في البيت بياخد باله

**mohamed_selim** · 09-05-2015 01:07 PM

البدروم ممنوع سكن و الجهاز لو قرر يزيل هيبهدلك الدنيا ... جتلهم فتره فى الشروق كسرو كام مخالف بتوع السطح فممكن يخشو على البدروم
الصرف مشكله ولازم طرمبة رفع
لو الشارع ضربت فيه المجارى او حتى ماسورة ميه انت و حظك فى ميول الشارع هترمى عندك ولا فين

**M.Elwan** · 09-05-2015 01:35 PM

واحد صاحبي كان شاري في التجمع دوبلكس واتعمله قضيه وخد حكم سنه مع الشغل وطبعا اضطر يهد السلم وكان مقفل بلكونات كسرها واسه بيخلص موضوع القضيه

**eng.m7md.ali** · 09-05-2015 10:22 PM

المشاركة الأصلية كتبت بواسطة m.elwan

واحد صاحبي كان شاري في التجمع دوبلكس واتعمله قضيه وخد حكم سنه مع الشغل وطبعا اضطر يهد السلم وكان مقفل بلكونات كسرها واسه بيخلص موضوع القضيه

هما عرفوا منين ان في مخالفة؟ او ليه حسبوها مخالفة؟ لان كل العبور ماشية بنظام الدوبلكس وكله بيعمل سلالم داخلية عادي جداً والغرامة بمجرد ما المرافق تدخل .. لو ابتدي الشغل وقسم البدروم اللي تحت قبل المرافق ماتدخل يبقى هتيجي عليه غرامة وازالة وده حسب ما قال صاحب البيت اللي انا فيه وكمان في محامي بيتطلع على الورق والعقد قالي مدام سكنت محدش ليه دعوة لاني شاري وحدة كاملة والجزء اللي تحت ده مخصص بدروم ده في الرخصة بس

حاجة بردو عايز اقولها للاستاذ صاحب الموضوع ... الجهاز مدخل كهربة ومية خاصة بالبدروم " عدادات منفصلة عن الوحدة اللي فوق" ..

**mohamed_selim** · 10-05-2015 07:56 AM

ايوه يا فندم مدخلها على انه جراج مش وحده سكنيه زى ما السطح بيخشله عدادات على انه غرف خدمات
القانون فى العيور و التجمع و الشروق كله زى بعضه ممنوع سكنى ... اللى بيفرق تعامل الجهاز فى كل مدينه

**eng.m7md.ali** · 10-05-2015 10:38 AM

المشاركة الأصلية كتبت بواسطة mohamed_selim

ايوه يا فندم مدخلها على انه جراج مش وحده سكنيه زى ما السطح بيخشله عدادات على انه غرف خدمات
القانون فى العيور و التجمع و الشروق كله زى بعضه ممنوع سكنى ... اللى بيفرق تعامل الجهاز فى كل مدينه

انا كدة اسأل محامي فيها ويقولي ايه الحل

لاني واخدها فيها اوضة وحمام وجنينة او مكان مخصص للجنينة يعني

الموضوع: شقة دوبلكس

LinkBack

أدوات الموضوع

عرض

-

-

-

-

-

المواضيع المتشابهه

سلالم دوبلكس خشبية

دوبلكس للبيع بالمقطم

فيلا دوبلكس و شقة للبيع

فيلا دوبلكس

للبيع شقة دوبلكس على المريوطية

الكلمات الدلالية لهذا الموضوع

المفضلات

المفضلات

ضوابط المشاركة