لو شقة مزدوجة
ارضي + بدروم
بسلم داخلى
هى تبقي مقبولة
وهل الجزاء اللى بدروم ممكن يخوف
هل له عيوب
ارجو سرعة الرد
و الافادة
عرض للطباعة
لو شقة مزدوجة
ارضي + بدروم
بسلم داخلى
هى تبقي مقبولة
وهل الجزاء اللى بدروم ممكن يخوف
هل له عيوب
ارجو سرعة الرد
و الافادة
متابع
الاول ارتفاع البدروم كام؟وهل له شبابيك علی الشارع ؟والمساحة قد ايه؟
الارضي والبدروم على بعض حوالى 160
الجزأ الاكبر هو البدروم
الارضي مرتفع تدخل للعمارة بسلالم
البدروم له فتحات بالغرض على الشارع بس ارتفاعها مش كبير
فى جزأ منور
البائع قال ممكن يتعمل حديقه
او يتسد بالكامل او جزأ ويتساب جزأ للتهويه
يعنى ممكن اصبه او اقفله غرفه
اللى خوفنى
الماسورة الكبيره للصرف الصحى اعلى سقف البدروم
متجهه لخارج العمارة
انصح حضرتك لو المنطقة شعبية او الحركة فيها كتير والسيارات رايحة جاية تبعد تماما عن الموضوع وكمان الماسورة لو معدية من البدروم ممكن يكون فيه ريحة
بغض النظر عن كده الموضوع ممكن يبقی مقبول وممكن حضرتك تخلی اللفنج والمطبخ فوق ويبقی علی قد النوم تحت وتزود الاضاءة حبتين تحت وممكن حد بتاع دبكور يعملك شوية حاجات علشان متحسش بالخنقة
ولازم تكون زوجة حضرتك او اللی هتتزوجها متقبلة الموضوع لان اعتقد ان النساء مبيحبوش الخنقة وبرده فكر كويس ودور يمكن تلاقی حاجة تانية كويسة وقريبة منها فی السعر وانا بصراحة لو مكانك هارفض
ومتنساش تستخير
شكرا لحضرتك
المنطقة راقية
الارضى و البدروم عبارة عن اربع شقق دوبلكس
وانا بتكلم على واحدة فيهم
الاسرة متقبلة جدا المكان
انا خايف جدا من وضع السباكة
ده تقريبا خوفى الوحيد
واللى عايز اعرف ابعادة
حضرتك لفت نظرى لامكانية تسرب الريحة من الماسورة
وانا بتفرج على الدوبلكس المجاور ولم يكن احد موجود بها
وجدت ان صاحبها مشي بكمر فوق ماسورة الصرف
او كانه عمل لها عزل على السقف
فهل ده مجدى لو حصل تسريب
وهل هو مجدى فى منع اى تسرب للريحة
تمام اللی انا فهمته كده ان المنطقة راقية وظروف حضرتك المادية متوافقة مع الشقة ده وهی لابد ان يكون سعرها اقل من نظيراتها العادية فی نفس المكان
بالنسبة للعزل انا اسمع عنه بس مجربتوش الحقيقة بس اللی اعرفه انه لو اتعمل كويس يبقی مفيهوش مشكلة وحضرتك برضة اتاكد واسأل ناس مجربة واسأل صاحب الشقة التانية بينك وبينه وهات حد متخصص يشوف الوضع علی الطبيعة وطالما خوف حضرتك الوحيد هو السباكة يبقی الامر هين وان شاء الله يكون فی حل جذری ليها.
وطالما الاسرة موافقة ومرتاحة وده اهم شيء فی الموضوع يبقی صل استخارة وتوكل علی الله وما يهمكش رای الناس لانكوا اللی هتعيشوا فيها مش الناس
وربنا يوفقك للقرار السليم وييسرلك امرك.
بص حضرتك انا عندي شقة دوبلكس في العبور وبوضب فيها دلوقتي "ارضي وبدروم"
هقول لحضرتك العيوب اللي انا شايفها :
الجنينة مثلاً هتلاقي كل اللي فوق بيبصوا عليها يعني مفيهاش خصوصية
التهوية تحت مش قوية بالرغم ان فيها شبابيك كبيرة وواسعة وعندي جنينة في المدخل وورا
موضوع المواسير ده مختفي عندي تماماً صاحب البيت مظبط الموضوع ده
في العبور عندي موضوع البدروم ده ممنوع للسكن لكن كل العبور عاملة كدة تقريباً بتدفع غرامة والموضوع بيخلص معرفش في منطقة حضرتك ايه
مكلفة جداً في التشطيب وده لان المساحة عندي كبيرة شوية
في حاجة حضرتك تعمل حسابك فيها تجيب طرمبة رفع عشان ترفع الصرف بتاع البدروم كله للبلاعة الرئيسية والا هتلاقي المجاري بتضرب .. خد بالك من المنطقة دي وياريت السباك يكون بيفهم اللي هيعمل الموضوع ده
الله ينور
دى نوعية الردود اللى منتظرها
هفكر
لانى متكلمتش مع البائع فى جزاية الصرف للبدروم
تحت امرك ياباشا في اي استفسار
كنت بتفرج على ارضى عادى وكان السمسار بيأكد لى ان مفيش صرف عندى والصرف تحت فى الجراج ( البدروم) معنى كده ان موضوع الصرف ده مشكله
اللي اعرفه انه مش قانوني.. وهتدفع كتير اوي عشان تعمل زي سقف خشب للجنينه عشان متبقاش مجروحه للجيران.. وتعمل حديد علي كل الشبابيك عشان هتباه اسهل واحد تتسرق.. وترش مبيزات باستمرار عشان الحشرات بسبب الجنينه، لازم تكون حابب الفكره اوي عشان هتقابل وجع راس كتير، وتفصل الصرف بتاعك عن صرف العماره عشان البلاعات متضربش عندك كل شويه
شكلي هصرف نظر
الموضوع مش صعب اوي كدة ياجماعة
.. انا عامل الجنينة 60% منها بلاط او سيراميك خشن والباقي قصاري زرع او اجزاء مزروع فيها شجر لسة مستقرتش يعني تقريباً مش هيبقي في حشرات ... والمفروض هيبقي في كلب للحراسة
انا كلمت صاحب البيت تاني بخصوص الغرامة وكدة قالي مدام الكهربة والمية او المرافق عمتا دخلت البيت من الجهاز يبقي مفيش حاجة اسمها غرامة لان كل الناس عاملة كدة وهو شخصياً عامل كدة في الشقة اللي قدامي
موضوع الحديد ده طبيعي .. احنا في مصر مع شوية اجهزة انذار يبقي انسي اي خطر وكمان المفروض يبقي في غفير في البيت بياخد باله
البدروم ممنوع سكن و الجهاز لو قرر يزيل هيبهدلك الدنيا ... جتلهم فتره فى الشروق كسرو كام مخالف بتوع السطح فممكن يخشو على البدروم
الصرف مشكله ولازم طرمبة رفع
لو الشارع ضربت فيه المجارى او حتى ماسورة ميه انت و حظك فى ميول الشارع هترمى عندك ولا فين
واحد صاحبي كان شاري في التجمع دوبلكس واتعمله قضيه وخد حكم سنه مع الشغل وطبعا اضطر يهد السلم وكان مقفل بلكونات كسرها واسه بيخلص موضوع القضيه
هما عرفوا منين ان في مخالفة؟ او ليه حسبوها مخالفة؟ لان كل العبور ماشية بنظام الدوبلكس وكله بيعمل سلالم داخلية عادي جداً والغرامة بمجرد ما المرافق تدخل .. لو ابتدي الشغل وقسم البدروم اللي تحت قبل المرافق ماتدخل يبقى هتيجي عليه غرامة وازالة وده حسب ما قال صاحب البيت اللي انا فيه وكمان في محامي بيتطلع على الورق والعقد قالي مدام سكنت محدش ليه دعوة لاني شاري وحدة كاملة والجزء اللي تحت ده مخصص بدروم ده في الرخصة بس
حاجة بردو عايز اقولها للاستاذ صاحب الموضوع ... الجهاز مدخل كهربة ومية خاصة بالبدروم " عدادات منفصلة عن الوحدة اللي فوق" ..
ايوه يا فندم مدخلها على انه جراج مش وحده سكنيه زى ما السطح بيخشله عدادات على انه غرف خدمات
القانون فى العيور و التجمع و الشروق كله زى بعضه ممنوع سكنى ... اللى بيفرق تعامل الجهاز فى كل مدينه
شوف محامى يكون بيتعامل مع الجهاز و فاهم قانون المدن الجديده كويس .... افهم منه الوضع بيحصل ايه على ارض الواقع بس برضه خليك وراه لحد ما تعرف ايه اسوأ السيناريوهات لو القانون اطبق بحذافيره
انا كلمت المحامي اللي عملي صحة التوقيع "قريبي"
قالي مفيش الكلام ده .. المفروض الوحدة دي سواء ارضي او بدروم للسكن وده مكتوب في العقد .. وممنوع منعاً باتاً استغلال البدروم لغرض تجاري "يعني يبقي مخزن او محل" وساعتها الحي بيجي يشيل .. لكن انت دخلت كهربة والمرافق كاملة من الجهاز وشطبت وقفلت بابك عليك محدش ليه حاجة عندك مدام لغرض السكن بس بدليل ان في جنينة والجنينة دي للاستخدام الشخصي
ملحوظة :
في اول مشاركة ليا قولت ان البدروم ممنوع للسكن ولكن بعد اتصالي بالمحامي قالي انه ممنوع للاغراض التجارية مش للسكن بدليل ان العداد اللي داخل للبدروم عداد عادي مش تجاري
اللى اعرفه ان شركات الكهرباء بتتعامل مع لفظ بدروم على انه تجارى
الا اذا كان فى لفظ مضاف - مثلا بدروم سكنى او بدروم مكون من ( ) شقة