فتيس بيجو 508

**ENG.MaRk** · 08-05-2015 10:18 PM

المشاركة الأصلية كتبت بواسطة ahmedjuddy

بعد اذن حضرتك
يعني ازاي الشنطه فبر؟
من عند الاكصدام ولا ايه

في خط كروم في الشنطة تحته علامة و كلمة بيجو ... من أول الخط لحد الاكصدام فبر

**ENG.MaRk** · 08-05-2015 10:28 PM

المشاركة الأصلية كتبت بواسطة tasaka

مع الشكر .. و ربنا يحقظها لك على طول بدون مشاكل

هل الفرامل كويسه

هل التوكيل كويس فى التعامل .. و لا بتهرب من المشاكل .. انا سمعت ان توكلها اتغير فى الفتره الاخيره
http://www.nilemotors.net/Nile/459295-301.html

الفرامل ممتازة و بتقدر توقف العربية زي ما حضرتك عايز بس خلي بالك من حاجة لو ربنا وفقك و امتلكت الوحش ده ... العربية سحبها و تجميعها ممتازين و للأسف شكلها الكبير و وزنها مايوحوش بكدة و لكن لو ماخدتش بالك هتلاقيها بتطير منك ... أنا مرة كنت علي طريق السخنة و كنت بأتكلم مع اللي راكب معايا و كنت ماشي 120 و مرة واحدة بأبص علي العداد لقيته 190 و المشكلة إنك مش هتحس بكدة لأن مفيش فرق في الثبات

**tasaka** · 08-05-2015 10:43 PM

المشاركة الأصلية كتبت بواسطة eng.mark

الفرامل ممتازة و بتقدر توقف العربية زي ما حضرتك عايز بس خلي بالك من حاجة لو ربنا وفقك و امتلكت الوحش ده ... العربية سحبها و تجميعها ممتازين و للأسف شكلها الكبير و وزنها مايوحوش بكدة و لكن لو ماخدتش بالك هتلاقيها بتطير منك ... أنا مرة كنت علي طريق السخنة و كنت بأتكلم مع اللي راكب معايا و كنت ماشي 120 و مرة واحدة بأبص علي العداد لقيته 190 و المشكلة إنك مش هتحس بكدة لأن مفيش فرق في الثبات

فعلا دى تانى مره اسمع نفس الشيئ .. ان العربيه تسارعها قوى جدا لدرجه وجوب الحذر من هذه القوه الزائده

شكرا

**Mohab.Nabil** · 09-05-2015 03:24 PM

عربية ممتازة جدا و بدون عيوب جوهرية

و كل الملاك بيشكروا فيها ماشاء الله

الفتيس اوتوماتيك عادى 6 نقلات مفيش منه اى عيوب او مشاكل

تسارع ممتاز ، شكل و فخامة ، وسع و راحة ، فرامل و ثبات ممتازين ، اوبشن ممتاز .. الواحد هيكون عايز ايه اكتر من كده فى العربية

بالنسبة لقطع الغيار فطبيعى ان قطع غيارها تبقى اغلى من المتوسط عشان الفئة اللى هى فيها بس لو قارنتها بنفس العربيات فى فئتها هتلاقى قطع الغيار ارخص

**abudrsh** · 09-05-2015 07:48 PM

هذا التسارع الممتاز ببنزين 92 عادي ؟

**ENG.MaRk** · 09-05-2015 11:53 PM

أنا سعر البنزين مش فارق كتير معايا علشان كدة بأمونها 95 بس في فترة تقريباً 6000 كم كنت بأمونها 92 و هو بيمشي العربية تمام بدون أي مشاكل و السحب بيقل بفارق مش كبير عن ال95 و صوت الموتور بيعلي حاجة بسيطة و لكن ال92 مش وحش في العربية زي ما الناس فاكرة ... من الآخر لو موضوع البنزين بس هو اللي قالق حضرتك أحب أطمنك إنها بتاخد 92 بدون أي مشاكل جوهرية ... عربية اتعملت علشان تقولك حط في بطنك بطيخة صيفي و اتكل علي الله ... ماشفتش فيها عيوب خالص حتي الآن (الحمد لله) و ما أعتقدش حد من ملاك الشكل القديم أو الجديد اشتكي منها بعكس اختها الألمانية (الانسيجنيا) أعتقد حد من ملاكها هنا في المنتدي اشتكي منها و أنا اتهريت مقارنات بينهم لحد ما شبعت ... رأيي ده بدون تحيز نهائياً و الكلام عن تجربة حقيقية للعربيتين لفترة ليست بالقصيرة مع العلم إن الانسيجنيا مع والدي ... لو عايز حاجة في نفس الفئة يبقي فولفو S60 و لو حضرتك تحب التميز يبقي سيتروين DS5 و ديه بقي هتعجبك جداً لأن شكلها و سحبها خرافة (مش فارق كتير عن ال508) ... السيتروين جبتها لابني الكبير بعد ما كان معاه أختها الأصغر DS4 و بقيت بأتخانق معاه مين اللي هياخدها و اضطريت أتنازل عن مبدأ إن محدش هيسوق عربيتي حتي أولادي بسببها ... خلاصة الكلام علشان أنا طولت عليك ... أي حاجة في الفئة ديه هتبقي صفقة رابحة بس شوف حضرتك the best bargain بالنسبالك و حاول توصل للcompromises اللي ترضيك و شوف أقل حاجة فيها مشاكل و توكل علي الله فيها ... بالتوفيق إن شاء الله ... تحياتي

**Ahmed Amin** · 10-05-2015 02:58 AM

فتيس البيچو ٥٠٨ فتيس ياباني من انتاج شركة aisin
الفتيس فوق الممتاز من ناحية الأعتمادية والأداء العالي في التسارع وإنعدام المشاكل مقارنة بأغلب العربيات ج اللي نازلة بفتيس ٦ غيار في السوق وبتعاني من hard shift او مشاكل الكلاتشات في ال dsg

مفيش منه ولا شكوي لحد الأن من اول موديل نزل لل ٥٠٨ فمتقلقش نفسك