طيب هل حضرتك زودت مية تاني بعد كده؟؟
وآخر مرة حضرتك راجعت على المية قبل ما تزود المرة اللي فاتت كان إمتى؟؟؟
على الكلام بتاع حضرتك .. مش شايف مشكلة
طبيعي جدا إن القربة تكون على المستوى الأدني لما تكون العربية باردة.. ولما العربية تسخن المية بتزيد في القربة... وترجع تتشفط تاني لما تبرد
لو الموضوع مش ماشي كده يبقى فيه حاجة غلط...
عموما.. اللي أنا شايفه لحد دلوقتي إن الموضوع طبيعي
المية كانت ناقصة.. وحضرتك زودت في الرادياتير والقربة.. بس لسه فيه مية ناقصة جوة تجويفات الموتور.. ولما العربية بردت .. سحبت الكمية اللي تكمل الناقص جوه الموتور
طيب.. زيادة تأكيد... شيك على خراطيم المية... لو ما كانتش اتغيرت من ساعة الفابريكة.. فاحتمال كبير تكون الخراطيم بدأت تتشقق وتسرب مية..
ده طبيعي جدا.. لإن عمر أي أجزاء كاوتش في العربية لا يتجاوز 5-7 سنين على أكثر تقدير.
ونصيحة أخيرة من أخوك... ما تحطش مية من الحنفية.. ولا أي مية تانية غير سوائل التبريد (المية الخضرا).. ولو ثرموستات الكوعة متشال.. ركبه.
...
المفضلات