البدج على الكاوتش..ولا الخوابير واللحام؟
امبارح كنت بكشف على فردة عندي في توتال شارع السودان ولاقيت فيها 4 مسامير طالعين قدام عيني :prove:
المهم في 2 منهم كانو اخترقو الكاوتش و2 صغيرين ملهمش لازمة.
الفني الي هناك قالي في خوابير وفي لحام و في البدج "لحام على البارد"
المهم انا عارف ان السخونية الزيادة هتخرب السلك بتاع الكاوتش فقلتله اوكي حط البادج دا.
المهم للأسف لاقيته فرغ بأداة حادة حبة صغيرين من جوا الكاوتش. طبعا مفرغش بمعنى كلمة فرغ انه اكل الكاوتش يعني!! ولكن اكل حتة صغيرة مكان الخرم..بأداة كدا .
المهم لما سألته ليه كدا؟ قالي عشان البدج لما يركب يبقى في مستوى الكاوتش قبل التركيب فلازم نفرغ جزء منه.
المهم البدج قوي جدا وحاولت اشيله معرفتش ولكن دا مش مقياس طبعا لقوته المهم على الطريق ميخرفش!.
دي كانت تجربتي...وسؤالي أي الطرق احسن؟ و موضوع البدج اللي بيتركب دا هل فيه ضرر ولا هو أحسن الحلول ؟
وتشكرات .
