أستفسار بخصوص أمتحان القيادة مرور م.نصر بالتجمع الخامس
لو سمحتم عايز أسأل لو حد عمل أو شاف أمتحان السواقة في مرور مدينة نصر شكله عامل إزاي؟
وهل فيه مدرسة تبع المرور ده أو أي أماكن للتدريب على نفس شكل الإمتحان (أنا بعرف أسوق لكن مش عندي رخصة ومش بسوق يعنى مش متمكن أوى لدرجة أنى حاسس أنى حوقع قمع) (يعنى عايز تدريب على الإمتحان بس لكن مش تعليم سواقة من الصفر)
هل بروح في يوم أحجز تاريخ الإمتحان ولا بمتحن في نفس اليوم على طول ؟
بالنسبة للإمتحان الشفوى بيكون عبارة عن إيه؟ هل بيكون 14 سؤال على الكمبيوتر زي باقى الأماكن
لو أنا عنوانى مدينة نصر الحى الـ11 يبقى أنا المفروض أمتحن في فرع التجمع الخامس ولا فين؟
سؤال أخير: هل ينفع أجيب معايا عربية إيجار صغيرة أوتوماتيك هاتشباك أمتحن بها؟ ولا لازم تكون بتاعتى؟
شكراً لكم
