حاجه عجيبه

**matrix012** · 09-05-2015 09:55 AM

السلام عليكم ورحمة الله وبركاته
امبارح غيرت زيت للعربيه ( لانوس 1 مو 96 خليجى موتور نوبيرا 2 كاما ) عادى زى اى حد ما بيغير زيت
وبما انى معرفش هيا بتاخد كام لتر او الفلتر اتغير المره الى فاتت للغيار ولا متغيرش علشان ده اول غيار ليا من ساعه ما اشتريتها
المهم غيرت زيت وفلتر وحطيت موبيل الرمادى الراجل سقط الزيت القديم وحط 4 لتر زيت جديد
ومن هنا بدأت الحكايه !!
ال rpm بيرفع قوى وانا ممور العربيه او دايس على الدبرياج بيوصل لحد 4 وشويه صغيره ولما بمشى بيبقى طبيعى
وانهاردا بقيس الزيت الصبح لقيته رافع قوى قوى عن ال max هما ال 4 لتر كتير مع تغيير الفلتر للعربيه ؟؟
هوا ال rpm ليه علاقه بالزيت ؟؟
طب انا هنزل الزيت الذياده الى موجود ده هل ينفع انى احتفظ بيه وابقى ازود منه لو مستوى الزيت قل ؟؟
هيا المفروض بتاخد كام لتر زيت ؟؟؟؟؟؟؟؟؟؟؟؟؟؟؟؟؟؟؟
ومعلش لو اسئلتى كتير
وشكرا

**modyegypt** · 09-05-2015 10:45 AM

الزيت الزيادة ميعملش كدة
كل بتوع الزيت بيعملوا كدة علشان يخدوا الجركن
المفروض اربعة إلا ربع بالفلتر
و3.5 من غير الفلتر
والزيت ميعملش كدة إلا لو كان مضروب
اللى بيعلى الرام دة بوابة الهوا او حساس الوكسجين
روح لميكانيكى ولو كل حاجة تمام استعوض ربنا فى الزيت
وبعد كدة هات من واحد مضمون

**matrix012** · 09-05-2015 11:18 AM

المشاركة الأصلية كتبت بواسطة modyegypt

الزيت الزيادة ميعملش كدة
كل بتوع الزيت بيعملوا كدة علشان يخدوا الجركن
المفروض اربعة إلا ربع بالفلتر
و3.5 من غير الفلتر
والزيت ميعملش كدة إلا لو كان مضروب
اللى بيعلى الرام دة بوابة الهوا او حساس الوكسجين
روح لميكانيكى ولو كل حاجة تمام استعوض ربنا فى الزيت
وبعد كدة هات من واحد مضمون

يا باشا شكرا على الرد السريع
بس للعلم كان جركن الزيت مقفول متبرشم انا اتأكدت من كده
ومتهيئلى والله اعلم موضوع ال rpm ده من النفخ الى نفخه وهوا بينضف فلتر الهوا ( كان فيه بلاوى )
انزل الذيت الزياده الاول واشوف ولا اروح للميكانيكى الاول ؟
لو روحت للميكانيكى هطلب منه يغير حساس الاكسجين ولا يبص على البوابه ؟؟

**Abo_Mazen** · 09-05-2015 11:54 AM

المشاركة الأصلية كتبت بواسطة matrix012

يا باشا شكرا على الرد السريع
بس للعلم كان جركن الزيت مقفول متبرشم انا اتأكدت من كده
ومتهيئلى والله اعلم موضوع ال rpm ده من النفخ الى نفخه وهوا بينضف فلتر الهوا ( كان فيه بلاوى )
انزل الذيت الزياده الاول واشوف ولا اروح للميكانيكى الاول ؟
لو روحت للميكانيكى هطلب منه يغير حساس الاكسجين ولا يبص على البوابه ؟؟

طيب يعني الموضوع ليه جوانب أخرى ..فيه تراب دخل البوابه وزيطه ..عموما شوف موضوع حساس البوابة ..وبعدين خلي بالك في ميكانيكية معندهاش دم ..ما بيسيبش العربيه لغاية ما تهدى وما بيسيبش العربية لغاية الزيت ما يتصفى منها ..فعشان كده ممكن تلاقي ربع كيلو زيادة زيت بعد الغيار وخصوصا إن هو كان معكمها بالأربعه كيلو مرة واحده من الأول