لانوس 2009 صاحبة العلامة الجديدة وخواطر تدور فى رأسى

**hafez35** · 12-11-2008 04:18 PM

السلام عليكم
بالأمس خطر على بالى موضوع قلت أشارككم فيه الحوار ألا وهو انتاج السيارة لانوس تحت العلامة الجديدة شيفورليه ومن المعروف انه منذ خمس سنوات اشترت شركة GM شركة دايوو وقررت ان تنتج السيارة لانوس من جديد وكل دة شيئ عادى ولكن هناك عدة اسئلة :
1- لماذا لم تترك العلامة القديمة وهى علامة دايوو
2- وهل انتاج سيارة قديمة منذ 10 سنوات يعتبر افلاس من جى ام
3 -لكى يستفيدوا من النجاح التى حققته دايوو فى مصر
4- لكى يمسحوا عار الافيو المصرية
يلا نبدا الحوار
للعلم اول مشارك هياخذ جائزة نوفل

**mohamed_rhem** · 12-11-2008 04:26 PM

طيب انا اول مشارك ومستني الجايزه يا عم نوفل

لم تترك شيفورليه العلامه اسوة بشركه Hp عندما اشترت Compaq
وظهر حيل جديد اسمه HP COMPAQ
وده لاسباب تسويقيه بحته لثقه العميل في الشركه المشتراه وحقاظاً علي سمعه السيارات القديمه والاستمتاع بالشهره الموجبه للشركه المشتراه

لا يعني انتاج سياره طراز قديم انها افلست وانما انتاج سياره تناسب فئه معينه في سعر معقول ولا يتوافر لديها طراز تقدمه بنفس الثمن كي تضمن الحصول علي شرائح مختلفه من الزبائن

وبمما ان العربيه شعبييه وسمعتها ممتازه شجع جنرال موتورز علي الاستمرار في انتاجها

الافيو المصريه ليست علي المستوي الرديء بالنظر لسعرها

**MMamdouh** · 12-11-2008 04:48 PM

عربية ناجحة و مطلوبة فى السوق = ربح للمصنع... يبقى ليه ما ابيعش؟؟

اسم دايو اختفى من العالم من 2003 و فى 2008 انتهى تعاقد ابو الفتوح مع GM يبقى نكمل انتاج العربية الناجحة تحت اسم اقرب ماركة فى البلد... سيفرولية

الموضوع لا افلاس ولا تغطية لفش عربية و لا اى حاجة من دى... دى قرارات تسويقية بحتة

MMamdouh

**ahmadSayed** · 12-11-2008 11:52 PM

منصور اكيد كان مستنى عقد ابو الفتوح يشطب علشان يبدأ يطلع حاجه قدام الفرنا فبالتالى منصور دخل فى الفئه السعريه ده اتمنى ان المتافسه ده تيجى بفايده على تحسين كفاءة الانتاج للعربيتين دول.

**tooltool123** · 14-11-2008 03:20 PM

هي العربية الانوس شيفورلية دية تقريبا سعرها كام بالنسبة للكاملة مانيوال وهل في فروق بينها وبين الانوس العادية غير العلامة وهل الانوس العادية لسة بتنزل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

**malino** · 17-11-2008 01:26 AM

هى نازلة ياباشا ابتداء من 66000 جنيه وتم اضافة كاسيت mp3 واتغيرت الشبكة الامامية بقت شبه الاوبترا كده

**tooltool123** · 18-11-2008 11:21 PM

شكرا يا milano علي الرد
اصل انا معايا لانوس 2001 وبفكر ابيعها واجيب الانوس الجديدة دية

وياريت لو حد في المنتدي يعرف اسعار العربيات المستعملة يقوللي سعر تقريبي للعربية اللي معايا هي لانوس 2001 كاملة مانيوال فابريقة دواخل كلها ماعد الستارة القدمانية ورشة برة