السلام عليكم :
دلوقتى انا مفروض اخد القرار فى خلال ايام . محتار جدا بين الـ 3 عربيات دول مع العلم ان الاغلى فيهم هى الاكسنت بـ 126500 و مستحيل اقدر ازيد عن الرقم ده.
المقارنه بين ( جين 2 \ لوجان هاى لاين \ اكسنت ار بى )
رأيكم هيحسم اختيارى فأرجو الامانه و الرد عن تجربه:
المقارنه من حيت
1- التسارع و السحب.
2- الثبات.
3- العفشه.
4- التكييف و مدى تأثيره على السحب.
5- استهلاك البنزين.
6- الكماليات.
مع العلم انى هسافر بيها كتير. اسف للاطاله وشكرا جزيلا.
لو هتسافر كتير وكل طرقك سفر يبقي الجين2 بلا منازع ..
اول 4 نقاط فى صالج الجين 2 بلا منازع بفارق كبير عن الاتنين التانيين . استهلاكها للبنزين عادى و كماليات عادية برضه . لكن للسفر ممتازة كثبات و سحب و عفشة محترمة اوى و تكييف جيد جدا و تاثيره على السحب يكاد لا يذكر
جين 2 افضل بكتير.......شكل و ثبات و تسارع.....
لوجان حجزها بقى اكتر من 3-4 شهور...مفيش تسليم فورى
ال rb خفيفة جدا و مش ثابتة و الفرامل ضعيفة
بسم الله الرحمن الرحيم
اخى الفاضل
قبل ان ابدا كلامى . . من فضلك اخرج الهيونداى اكسنت من هذه المقارنه تماماً.
الرينو اكثر رفاهية من الجين 2 و بفارق كبير و كذلك اوفر فى استهلاك الوقود من الجين 2 و وكيل افضل
لكن الجين 2 محرك اقوى من الجميع . . ثبات افضل من الجميع . . صاج اثقل من الجميع
انظر فى امرك لتتبين اي المميزات اهم بالنسبه لك.
ان كانت الرفاهيه اشترى الرينو
ان كان الادا القوى اشترى الجين 2
و مهما كان اختيارك او تفكيرك استبعد الهيونداى اكسنت
هداك الله لارشد امرك و اقومه
السلام عليكم و رحمة الله و بركاته
متشكر لردودكم .. لكن ممكن اعرف ليه النفور من الاكسنت بالشكل ده ؟؟ و هل ده عن تجربه ولا سمعه؟
مع العلم ان هى الاغلى فى الـ 3
الجين تو
بس استهلاكها للبنزين عالي وواطية
لأنه لا يقنعنى فى الأكسنت غير المحرك فقط . . . وإذا وضعت محرك قوى على سياره خفيفه فكأنك أعطيت سلاح نارى لمجنون . . . وهذه هى الأكسنتاقتباس:
المشاركة الأصلية كتبت بواسطة crimson_153
عاوز اجيب سيارة فى حدود 120 الف ولقيت اللوجان والجين 2 والبرسونا ومعاهم النيسان الصنى والستروين اليزيه ب 126 الف دلوقت
الجين 2 عاجبانى كان معايا الواجا زيرو قبل كده وكان فيها مشاكل كثير وبعتها بالعافية لذلك خايف
اللوجان بحس انها سيارة عرض فقط لكن هى مش قوية وبتاعت استحمال لكن هى منافس قوى هى اوتو هاى لاين ب 119 تسليم فوري
الصنى الفيس لفت الجديدة ميزات بالهبل وعجنى الى حد ما النواكل الجديدة فى وشها والداخلى بتاعها اتحسن كتير لكن ثبات فى الباي باي فوق 120 كم س
ال ستروين هى هى البيجو 301 صحيح لكن سعر اعادة البيع زبالة وسمعة مش قد كده واوبشنز مش عالى قوي لكن ثبات وتقفيل احسن من اللوجان والجين -2 أو البرسونا
مشكلة انك عاوز تأخد كل حاجة دي صعبة قوي واللى بيحسم الموضوع الراحة النفسية لما تشوفهم واهم حاجة اللون لأن العربية لون زي ما الكورة أجوان
وبعدين السعر وبعدين التسليم وبعدين الأوبشنز
ولكم مني السلام
اقتباس:
المشاركة الأصلية كتبت بواسطة Sindibad
انا كمان كان معايا واجا من الزيرو وكان فيها مشاكل كتير وبعتها بس بعتها عشان حادثة غير كدة مكنتش هفرط فيها ولحد دلوقتي زعلان عليها بس جبت gen2 عشان عارف البروتون مشيها ايه ومميزاتها ايه ... لو بصيت في الفئة دي مش هتلاقي غير الجين2 والباقي يااما خفيف جداً وفرامل وحشة زي الاكسنت يااما خفيفة وتقفيل مصري وفيها بردو مشاكل مقرفة في الفرامل وكمان شكلها مكعبر زي الصني ومثلاً عربية فيها مشاكل كتير في السحب والفتيس والفرامل وناس بتشتكي من الثبات بتاع البيجو 301 ... اعتقد كدة مفيش عربية تانية تتجاب غير gen2 او برسونا لان مشاكلهم عبيطة اوي وبتتحل بسهولة مفيش مشاكل في الفرامل ولا الموتور ولا الفتيس ولا معرفش ايه زي باقي عربيات الفئة دي
وحاجة كمان حضرتك لو قارنت اسعار الصيانة وقطع غيار الجين2 بالباقيين هتلاقيها ارخصهم
انا مع الرأي القائل
جين 2 لو المطلوب الاداء
لوجان لو المطلوب الرفاهية
متشكر جدا لردودكم و مساعدتكم .. انا النهارده روحت معرض عشان اشوف الجين .. اول حاجه لفتت انتباهى صوت موتورها العالى و ده معجبنيش .
و لما ركبتها حسيت ان خاماتها من جوه فقيره جدا .. للاسف انا مركبتهاش و هى ماشيه بس اسمع ان استهلاكها عالى للبنزين.و ده مش هيناسبنى لانى مشاويرى كتير يوميا.
انا مازلت ميال اكتر للاكسنت . كان نفسى لو حد معاه الاكسنت الجديده يقولى ايه اخبارها.
بس حاسس انها عمليه اكتر و هتريحنى فى الصيانه و البنزين و اعادة البيع بالاضافه انى مش من هواة الجرى فوق الـ 120
ارجو انى اكون موفق فى اختيارى و ماندمش .
و النقاش مازال مفتوح لجميع الاراء .. انا مبسوط بأرائكم ز شكرا جزيلا
خايف اكرر تجربة الواجا كانت فيها 11 مشكلة كبيرة أذكر منها باور تقيل - دركسيون بيتهز هزه غبية لما تقف وانت ناقل الفتيس على ال درايف - حدفة يمين غبية حاولت اعالجها مفيش - بتسف بنزين بغباوة - موتورها بيتقل والسحب بيضعف لو شغلت التكييف - صوت الموتور عالى جدا لدرجة غبية - صوت عزل الريح الخارجى مرعب لدرجة انك لو وصلت ل 140 كم س بتحس انك على سرعة 200 مش 140 - سخونية جايه من الموتور تحت التابلوه لما متشغلش التكييف وانت قافل الهواية - حرارة تحت الكرسى اليمين جنب السواق لدرجة انها تخلي الدواسات تنشف - شنطة ضيقة لأن اتساع فتحتها قليل - فرامل مش جامدة قوي خاصة ان عزم الموتور شديداقتباس:
المشاركة الأصلية كتبت بواسطة eng f3lix
مكانش فيها غير عزم عالى للموتور وثبات جامد ووسع الصالون وعفشة مريحة فى الخلف وتابلوه جلد شيك الى حد ما بالنسبة لسعرها
خايف انى أجيب الجين - 2 وألاقى نفس المشكلة ايه رأيك؟؟؟
سألت على سعر الجين -2 بكام؟ ممكن تعرفني من فضلك اي معرض كنت فيه ولك الشكراقتباس:
المشاركة الأصلية كتبت بواسطة crimson_153
هو كان في فعلاً مشاكل من اللي حضرتك قولتها دي عندي مش كلها زي هزة الطارة دي من القواعد .. السحب الغلس مع التكييف وده اختفي في الجين2 الموديلات الجديدة من اول 2009 .. الفرامل انا بالنسبة ليا مكانش فيها مشاكل .. العزل مكانش كويس اوي بالنسبة ليا لان صوت الموتور مكانش واطي ولا ناعم والباور تقيل ده طبيعي في البروتون كله ..سفاحة بنزين فعلاً بس قبل ماابيعها بفترة اكتشفت ان عندي مشكلة في المنافولد وغيرته لقيت الاستهلاك اتظبط بس بعد 4 سنين استهلاك ههههههههههه وموضوع الحرارة ده مكانش عندي خالصاقتباس:
المشاركة الأصلية كتبت بواسطة sindibad
بس هقولك علي حاجة عايزك تجرب الجين2 وتشوف هتغير رايك ولالا هو انا من وجهة نظري الجين2 مش حلوة في العزل مع ان الموتور انعم من الواجا وملهوش صوت ملحوظ زي الواجا بس العزل عمتاً في صوت الهوا والاصوات الخارجية مش حلو .. وعيبها كمان انها ديقة وتقفيلها اقل من الواجا من ناحية جودة الخامات
الثبات مش مجرد جري فوق ال120 ... ممكن تحتاج الثبات ده علي سرعة 90 لاقدر الله قدامك موقف مفاجئ عايز تتفاداه هتلاقي الاكسنت مش هتسعفك نهائي ... تخيل السيراتو عومن بيا علي ال40 او ال 50 عشان كسرت دريكسيون فجأة عشان لقيت بلاعة مفتوحة نص فتحة مابالك الاكسنتاقتباس:
المشاركة الأصلية كتبت بواسطة crimson_153
هو طبعاً المشاكل اللي حضرتك كتبتها دي حقيقية يعني جودة البلاسيتك اللي جوة في الجين2 مش هتحس انها كويسة غير لو لمعت التابلوه والبلاستيك جوة هتلاقيه مضيف وشكله كويس جداً لكن طول مالعربية متربة وشكلها يقرف هتقرف منها ... بالنسبة لصوت الموتور هو عالي بالنسبة لعربية زي الاكسنت طبعاً اللي صوت موتورها مش موجود تقريباً
...
حبيت اوضح لحضرتك نقاط معينة ولك حرية الاختيار .. علي فكرة اللوجان الاوتو سحبها حلو جداً وانا شايف طلعتها احسن من الجين2 عشان وزنها خفيف جداً وكمان الموتور بتاع الميجان2 حلو اوي عليها دي بيخليها بتجري كويس وفراملها بردو كويسة جداً وانصحك بيها بدل الاكسنت .. يعني المفاضلة دلوقتي بين الجين2 واللوجان
الاوتو ب 119 الف دلوقتياقتباس:
المشاركة الأصلية كتبت بواسطة sindibad
سألت عليها عند القرش فى المريلاند امبارح قالى ب 117
و سألت النهارده عند الاحمدى اللى فى الحى السابع مدينة نصر قاللى 119.
هى تقريبا سعرها الرسمى بقى 119.
عن تجربة ال 2 على طريق سفر زي ماحضرتك اشرت
الجين 2 تتفوق عالسرعات العاليه
عفشتها نوعا ما رياضيه فمش هتحس بالهوا لو معدي من جنبك تريللا....الخ