الموضوع: مشكلة فى الجنب اليمين لاحظتها ومش لاقيلها حل(ربنا يسترها)

المشاركة الأصلية كتبت بواسطة graffittiii

_
ياباشا وليه تمشي من غير مراية يمين سواء كانت هي السبب أو لأ
ماتخلينا نحاول نهيأ أفضل ظروف الرؤية بدل مانرجع نلوم نفسنا .


مانت حاسس إن الطريق فاضي علي يمينك عشان مافيش مراية توريلك الطريق


بص هي كل عوامل وراد إنها تكون السبب ولو تخلي حد صاحبك بيسوق من زمان يركب يجرب العربية عشان يشوف إيه المشكلة يبقي أحسن .

المشاركة الأصلية كتبت بواسطة m_m_sh_a

كل كلامك بيقول إن عندك مشكلة بسبب عدم وجود مراية في اليمين ..خلي بالك مراية الصالون خداعة شوية في كشف الجنب اليمين بتاعة ا لعربية ..وخصوصا لو مرايا كبيره بانوراما ...هي فعلا بتكشف معاك وبتقضي الغرض ..يعني مش هتعمل معاك مصايب ..اللي هي مراية الصالون يعني ..إعتمادك عليها مش هيلبسك في مصيبة ..لكن برضه فيه نقط كده مراية الصالون مش هتلمها معاك ..ركب مراية يمين وإتعود عليها ..وخلي مراية الصالون دي للرؤية الخلفية فقط ..صدقني هتفرق معاك المراية اليمين وهتخليك تسيطر كويس

المشاركة الأصلية كتبت بواسطة pepo2011

ياباشا ركب مرايا يمين وريح دماغك طالما كل مشاكلك في الجنب اليمين ومش هاتخسر حاجة بالعكس وبعدين موضوع العربية اللي بتحدف ولا انت دا سهل تعرفة انك تمشي طوالي وتثبت ايدك لو حدفت يبقي العربية

اشكركم على الردود ولكن لما اتعلمت السواقة على عربية المدرس كنت بشتغل بالمراية اليمين كويس ومحصلتش المشكلة معايا ولما دخلت هنا على المنتدى لاقيت ناس بتقول انها مش بتستعمل المراية اليمين الا لما بتركن بس حتى والدى قالى انا عمرى ما استخدمت مراية يمين وكنت بمشي بمراية الصالون الكبيرة مع انى بصراحة اكتشفت غير كدة ان فعلا لازم اركب المراية اليمين وهتسهل الدنيا وهتقلل حدوث المشاكل
تانى نقطة انى قريت برضو على المنتدى هنا ان مينفعش حد يعدى من يمين حد ودى تعتبر غلطة فادحة يعنى انا ترجمتها ان سواق المكروباص غلطان لانى لاقيت الطريق فاضى وهو كان على يمينى وفجاة كسر عليا وانا طالع بسرعة وهو بسرعة مع انى كنت جنب الرصيف واليوتيرن قدامى هل دة صح ولا انا غلطان؟
تالت نقطة انى اكتشفت فى مصر برضو لما بدى اشارة يمين او شمال الاقى العربية بتكبس بطريقة جامدة وابص ف مراية الصالون الاقي اللى عمال يجيلى يمين ويجيلى شمال ويكبس ومحسسنى انى واكل الطريق منه مع انى ماشي بسرعة مش براحة وبيخلينى اركز معاه ومركزش قدامى فى الطريق
انا سمعت كلامكوا دلوقتى ونزلت العربية مبتحدفش ولا حاجة وكمان فى الملفات بمشي كويس وحتى لو مشيت فى شارع ضيق وعربية جاية ع الشمال بقيت اعرف ابعاد العربية هتجبنى ولا لا, لدرجة ان في ناس لما بتيجى عكسي ف شارع صغير بخليهم يعدوا بسهولة وبيبقوا خايفين لاحسن تبقى ضيقة ويتخبطوا بس بيكتشفوا انها واسعة وبقيت ارشدهم كمان :d وبقيت حافظ ابعاد العربية بس برضو حاسس ان فى مشكلة
ف ماشي لما اركب المراية اليمين اعتقد برضو هيبقى فى مشكلة وهو ازاى اتعامل مع الجنب اليمين فى طريق سريع او لما اغير اتجاهى لليمين
كل الحكاية انى فاكر انى مينفعش اعدى حد من اليمين لانى بلاقى كتير كابسين من يمين العربية ودة اللى بيعمل مشاكل
وشكرا على افادتكم لان الموضوع دة عامللى توتر شوية مع انى والله اتحسنت جامد عن الاول وبقيت بركن كويس وامشي كويس
بس المشاكل اللى قولتلكوا عليها دى بتحصل على الطرق السريعة والشوارع الماشية الواسعة دايما اليمين بتفاجئ بيه
معلش مصدعكوا بس ربنا يجازيكوا خير ويبعد عنكم المشاكل ويستر طريقنا جميعا ياااااااااااارب بس كلامى صح كدة ولا ايه؟؟؟

المشاركة الأصلية كتبت بواسطة m_m_sh_a

خلي بالك ..نص القانون بيقول ..إذا أعلن قائد المركبة نيته فى الاتجاه إلى اليسار وإنتظم فى حركة المرور بعد دخوله فى اليسار فعلاً ، جـاز للغـــــير تخطيه من اليمين .

الكلام ده نصا من قانون المرور ..اللي فيه فقره خاصة بالتخطي وشروطه ..يعني أي حد هيحاول يخطيك من اليمين هيقول إنت كنت ماسك الشمال وقاعد فيه ..ركب المرايه أحسن

حاضر يا بشمهندس ربنا يسترها لان الموضوع دة زود التوتر عندى شوية بس الحمد لله انى لحقت اخد بالى من حاجة زى كدة وربنا يستر طريقك وطريقنا كلنا يارب
انا ليا مواضيع كتيرة هنا كنت متوتر وعندى مشاكل كتير ومش بتعلم الا هنا طبعا
انا واخد الموضوع بجد اوى علشان السواقة ف مصر فعلا مشكلة لوحدها ونفسي اتعلم انى مثلا يبقالى رد فعل اكتر وازاى اعرف افكر بسرعة من غير متحصل اى مشاكل باذن الله لان فى مصر توقع المصايب دايما
انا بنصح الناس كلها اللى عايزة تتعلم سواقة فى ظروف سودا و منيلة تنزل شارع بورسعيد من اول كوبرى غمرة لحد مسطرد والوايلى والاماكن دى
هيلاقوا كل انواع مخاطر الطرق (نقل-تكاتك-مكروباصات تقف كل شوية-مكروباصات بتجرى-تكاتك ماشية عكس بسرعة-مطبات تودى فى داهية وتتفاجئ بيها- طريق مفيهوش نور الا ضعيف اوى وتبقى ماشي شايف بالعافية- يوتيرنات كتير وناس بتلف غلط من عليها وبسرعة-مقطورات بتعمل غرز-ناس مش فارق معاها روحها وبتعدى قدامك عادى جدا وانت ماشي بسرعة-عربيات عاملة يوتيرن من فوق الرصيف وتتفاجئ بيه نازل فى وشك) دة غير طبعا اخلاق الناس الخلوقة من شتايم وقلة ادب وسب مع انهم غلطانين
مع انى بمشي فى الزمالك ورمسيس والعباسية ومفيش قلة الادب دى والناس محترمة وبتعرف يعنى ايه سواقة :D :D

المشاركة الأصلية كتبت بواسطة m_m_sh_a

ولا اي إندهاشه ..إنت في مصر

طب النهاردة ماشي فى شارع رمسيس فى يمين الشارع فجاة لاقيت تاكسي ادى انتظار ووقف فجاة وكان رد فعلى انى طبيعى ادى اشارة شمال والف براحة لان المسافة كانت بعيدة بس كان في تاكسي تالت بيننا ماشي قدامى ولف شمال فجاة ع طول من غير ميدى اى اشارة ولا حتى يشاور بايده وكنت هلبس فيه لولا انى فرملت ولما وقفت ورا عربيته لاقيته قام وقف فجاة قدامى من غير اى مقدمات عشان يركن من غير انتظار ولا اشارة ولا حتى لمبة الفرامل كانت شغالة عنده بس طبعا مسكت اعصابى ومردتش اعمل اى حاجة هل انا كدة غلطان ولا ايه ولا هو اللى غلطان
انا اتخنقت انا كل ماركب العربية تحصل حاجة معرفش العربية دى ملبوسة و لاايه ولا انا اللى متخلف وغبي