أفضل سيارة في حدود سعر 250 الف جنيه؟!

السلام عليكم,
بافكر أشتري عربية ومحتار جداً في الإختيار و محتاج مساعدة الخبراء المحترمين الموجودين هنا في المنتدي. ياريت ترشحولي احسن سيارة (جديدة وليست مستعملة) في حدود سعر 250 الف جنيه، مع ملاحظة اني هنزل من ألماني لظروف خاصة (مرسيدس-بنز c180 2015 و اللي طبعاً لا غبار عليها كركوبة)


يرجي الأخذ في الاعتبار:

1. بلد المنشأ وبلد التجميع:
2. الموتور:
3. العفشة:
4. الثبات:
5. إرتفاع السيارة:
6. البنزين: طبعاً يفضل 92
7. أسعار قطع الغيار وتوافرها:
8. سعر إعادة البيع:
9. الكماليات:

مش فارق معايا إذا كانت سيدان ولا كروس أوفر ...إلخ، المهم عربية محترمة ماطلعش عيني، انا عارف ان لكل عربية مميزاتها وعيوبها.
شكراً مقدماً

بيجو ٥٠٨، انا مجربتهاش بس الكل بيشكر فيها و العربيه تحسها برستيج فعلا، حتجيب الفئه التانيه سعرها ٢٦٩ و حتلاقي فيها كماليات و رفاهيه اكتر من c180 اللي انت نازل منها

اقتباس:

---

المشاركة الأصلية كتبت بواسطة devil_storm

بيجو ٥٠٨، انا مجربتهاش بس الكل بيشكر فيها و العربيه تحسها برستيج فعلا، حتجيب الفئه التانيه سعرها ٢٦٩ و حتلاقي فيها كماليات و رفاهيه اكتر من c180 اللي انت نازل منها

---

الف شكر يا باشا .. انا فكرت في العربية دي فعلاً وعاجباني بس خايف شوية من التوكيل اللي سمعته مش قد كده و في ناس اعرفها تعبت جداً منه

انا جبت باسات 2015 عن اقتناع كامل والحمد لله فرحان بيها جدا برغم ما يثار عن الترنسميشن من لغط .. اﻻ ان فخامة الركوبة شدتنى والنهاردة كنت بجدد رخصة قيادة المدام فى المرور قابلت دكتور. راجع من سفر 15 سنة فى باريس بيقولى البيجو مش مرغوبة بفرنسا وبيفضلو الرينو والستروين وعلى فكرة اصدقائى الفرنسيين بيقولولى من سنين اننا بنفضل ركوب اﻻلمانى على الفرنسى.. التوكيل فى مصر مخيف وقطع الغيار عن تجربة اسعارها جبارة دا غير ان التوكيل فى الخليج عن تجربة مبينصفش الناس الى بتظهر فى سياراتها عيوب..للاسف .. سمعت ان الفنيين فى مصر واخدينها بالدراع خصوصا ان الميكانيكا الفرنسية معقدة ومقرفة فى شغلها.. دة ميمنعش انها ركوبة جبارة وامكانيات غير مسبوقة وانا متعلق بيها لكن والدى وعم مراتى و اخوها كانوا راكبين بيجو ورينو وكانوا بيتعبوا فى الصيانة.. ال 508 موديل 2015 قريت عنها كتير.. انا لسة شايفها عالطبيعة وفاحصها من ساعتين عالمستوى الشخصى الى كان مضايقنى اكتر حاجة ان البيجو لما نزلت ال 301 قبلت بالمنافسة على حساب الكواليتى ودى حاجة عمر ما فولكس فاجن جروب اتجرأت وعملتها.. انا بسأل سؤال محدد.. ماذا يعنى ان مجموعة فولكس تاخد المركز اﻻول فى اوروبا والتانى على العالم بعد تويوتا..؟ و على فكرة سواقة التيبترونيك فيها متعة ﻻن الفتيس بيتلمس لمس زى البى ام بالظبط.. وشاشة الكمبيوتر بتقولك العربية على السرعة الى انت ماشى بيها محتاجة اى غيار.. انت فى المانوال بتاعها بتزود الغيارات بس لكن لما بتهدى سرعتك الغيارات بترجع لوحدها اوتوماتيك يعنى انت فى التيب ترونيك بتشتغل 3/4 اوتوماتيك..ومافيهاش اى مجهود ﻻنك ساند دراعكك على مسند قابل لتغيير اﻻرتفاع .. ويادوب بتلمس الفتيس لمس.. ولو زوت غيارات من غير ما تزود سرعتك التيب ترونيك مش هيستجيب.. يعنى اﻻستجابة لرفع الغيار بتكون وانت على عدد لفات اعلى من 2000rpm وزى مانت عارف اﻻوروبى الحديث بيكون فية مع التيب ترونيك مود( المانوال ) الدرايف مود والسبورت مود وفى العربيات الترانسميشن ال dsg يفضل تسوق على السبورت مود لو زهقت من المانوال..وهو غيار زى اﻻوتوماتيك تمام بس الفرق انة بيأخر النقﻻت وبينقل السرعات على rpm اعلى من الدرايف مود 3500 rpm مثﻻ فبتسمع صوت الموتور زى صوت عربيات السباق.. العربية تقيلة طن ونص وماشاء الله راسية بكاوتشها العريص ونظام الستابيلتى على اى حال دى اراء واذواق.. كانت تحت عينى فى المعارض الهيونداى 35 والكيا سبورتاج والبيجو 508 واﻻوكتافيا امبيشن والبى ام 316 وبصراحة لم اجد ما ينافس الباسات سوى البى ام مع وجود وسع فى الصالون والشنطة وراحة فى الكراسى بمساحات براحها وارتفاعها لصالح الباسات دة غير انها بتتميز عن ال316 ب2 مخرج تكييف خلفى ﻻ يوجد سوى فى ال 320.. و أخيرا بقى ان تعرف انها على نفس الشاسية الخاص باعلى فئات سكودا ( السوبيرب ) و ربنا يوفقك لأصلح اختيار يبسطك و يحققلك مصلحتك

اقتباس:

---

المشاركة الأصلية كتبت بواسطة عﻻء سالمان

انا جبت باسات 2015 عن اقتناع كامل والحمد لله فرحان بيها جدا برغم ما يثار عن الترنسميشن من لغط .. اﻻ ان فخامة الركوبة شدتنى والنهاردة كنت بجدد رخصة قيادة المدام فى المرور قابلت دكتور. راجع من سفر 15 سنة فى باريس بيقولى البيجو مش مرغوبة بفرنسا وبيفضلو الرينو والستروين وعلى فكرة اصدقائى الفرنسيين بيقولولى من سنين اننا بنفضل ركوب اﻻلمانى على الفرنسى.. التوكيل فى مصر مخيف وقطع الغيار عن تجربة اسعارها جبارة دا غير ان التوكيل فى الخليج عن تجربة مبينصفش الناس الى بتظهر فى سياراتها عيوب..للاسف .. سمعت ان الفنيين فى مصر واخدينها بالدراع خصوصا ان الميكانيكا الفرنسية معقدة ومقرفة فى شغلها.. دة ميمنعش انها ركوبة جبارة وامكانيات غير مسبوقة وانا متعلق بيها لكن والدى وعم مراتى و اخوها كانوا راكبين بيجو ورينو وكانوا بيتعبوا فى الصيانة.. ال 508 موديل 2015 قريت عنها كتير.. انا لسة شايفها عالطبيعة وفاحصها من ساعتين عالمستوى الشخصى الى كان مضايقنى اكتر حاجة ان البيجو لما نزلت ال 301 قبلت بالمنافسة على حساب الكواليتى ودى حاجة عمر ما فولكس فاجن جروب اتجرأت وعملتها.. انا بسأل سؤال محدد.. ماذا يعنى ان مجموعة فولكس تاخد المركز اﻻول فى اوروبا والتانى على العالم بعد تويوتا..؟ و على فكرة سواقة التيبترونيك فيها متعة ﻻن الفتيس بيتلمس لمس زى البى ام بالظبط.. وشاشة الكمبيوتر بتقولك العربية على السرعة الى انت ماشى بيها محتاجة اى غيار.. انت فى المانوال بتاعها بتزود الغيارات بس لكن لما بتهدى سرعتك الغيارات بترجع لوحدها اوتوماتيك يعنى انت فى التيب ترونيك بتشتغل 3/4 اوتوماتيك..ومافيهاش اى مجهود ﻻنك ساند دراعكك على مسند قابل لتغيير اﻻرتفاع .. ويادوب بتلمس الفتيس لمس.. ولو زوت غيارات من غير ما تزود سرعتك التيب ترونيك مش هيستجيب.. يعنى اﻻستجابة لرفع الغيار بتكون وانت على عدد لفات اعلى من 2000rpm وزى مانت عارف اﻻوروبى الحديث بيكون فية مع التيب ترونيك مود( المانوال ) الدرايف مود والسبورت مود وفى العربيات الترانسميشن ال dsg يفضل تسوق على السبورت مود لو زهقت من المانوال..وهو غيار زى اﻻوتوماتيك تمام بس الفرق انة بيأخر النقﻻت وبينقل السرعات على rpm اعلى من الدرايف مود 3500 rpm مثﻻ فبتسمع صوت الموتور زى صوت عربيات السباق.. العربية تقيلة طن ونص وماشاء الله راسية بكاوتشها العريص ونظام الستابيلتى على اى حال دى اراء واذواق.. كانت تحت عينى فى المعارض الهيونداى 35 والكيا سبورتاج والبيجو 508 واﻻوكتافيا امبيشن والبى ام 316 وبصراحة لم اجد ما ينافس الباسات سوى البى ام مع وجود وسع فى الصالون والشنطة وراحة فى الكراسى بمساحات براحها وارتفاعها لصالح الباسات دة غير انها بتتميز عن ال316 ب2 مخرج تكييف خلفى ﻻ يوجد سوى فى ال 320.. و أخيرا بقى ان تعرف انها على نفس الشاسية الخاص باعلى فئات سكودا ( السوبيرب ) و ربنا يوفقك لأصلح اختيار يبسطك و يحققلك مصلحتك

---

الف الف شكر أستاذ علاء علي مشاركة تجربتك مع الباسات و مبروك العربية وربنا يباركلك فيها ويكفيك شرها، الباسات سمعتها حلوة ومحبوبة من قطاع كبير من المستخدمين. بالنسبة للبيجو فعلاً ليها مخاوف كتير بالنسبة للوكيل بالرغم من الشكل و الكماليات الروعة.

بس بعد إذنك هاتعبك في كام سؤال بخصوص الباسات،
1. انا عارف ان موتورها تيربو 1.4- 125 حصان، فهل بتحطلها بنزين 95 ولا 92؟ وايه اللي مكتوب في مانيوال العربية رسمياً بخصوص البنزين؟ و لو 95 هل مضيت علي إقرار عند إستلام العربية باستخدامه فقط؟
معلش اصل موضوع البنزين ده يفرق معايا اوي خصوصاً اني باسافر كتير و ال95 مش متوفر.

2. ايه اخبار اسعار قطع الغيار و سمعة الوكيل؟ (معلش انا ماجربتش الفولكس قبل كده)

3. هل هي تقفيل ألماني؟

بالنسبة لسكودا أوكتافيا، هي في بالي برضه. وانا فكرت كتير ف الهيونداي IX35 توب لاين و كيا سبورتاج توب لاين، لكن ناس كتير مخوفاني من اني انزل من الألماني علي الكوري ، و مش عارف اذا كان الكلام ده مظبوط ولا لأ. (بيتهيألي مش هيحسمها الا الTest Drive) بس محتاج رأيكم جداااااا في الموضوع ده.

و شكراً ليك مرة تانية أستاذ علاء.

انا مع الرائ انسب عربيه فى الرنج ده ال ٥٠٨ الفيس ليفت و شغاله ب ٩٢ بلا ادنى مشاكل ....
التوكيل مش حيبقى متعب لان العربيه نفسها بلا اى مشاكل ...
تحياتى ...

اقتباس:

---

المشاركة الأصلية كتبت بواسطة Batman372

انا مع الرائ انسب عربيه فى الرنج ده ال ٥٠٨ الفيس ليفت و شغاله ب ٩٢ بلا ادنى مشاكل ....
التوكيل مش حيبقى متعب لان العربيه نفسها بلا اى مشاكل ...
تحياتى ...

---

الف الف شكر م/صفوت .. هاروح اشوفها في المعرض و اتفرج عليها و اعمل Test Drive .. مش هاخسر حاجة.
الفيس ليفت قعلاً تحفة.

اقتباس:

---

المشاركة الأصلية كتبت بواسطة BassemB

الف الف شكر أستاذ علاء علي مشاركة تجربتك مع الباسات و مبروك العربية وربنا يباركلك فيها ويكفيك شرها، الباسات سمعتها حلوة ومحبوبة من قطاع كبير من المستخدمين. بالنسبة للبيجو فعلاً ليها مخاوف كتير بالنسبة للوكيل بالرغم من الشكل و الكماليات الروعة.

بس بعد إذنك هاتعبك في كام سؤال بخصوص الباسات،
1. انا عارف ان موتورها تيربو 1.4- 125 حصان، فهل بتحطلها بنزين 95 ولا 92؟ وايه اللي مكتوب في مانيوال العربية رسمياً بخصوص البنزين؟ و لو 95 هل مضيت علي إقرار عند إستلام العربية باستخدامه فقط؟
معلش اصل موضوع البنزين ده يفرق معايا اوي خصوصاً اني باسافر كتير و ال95 مش متوفر.

2. ايه اخبار اسعار قطع الغيار و سمعة الوكيل؟ (معلش انا ماجربتش الفولكس قبل كده)

3. هل هي تقفيل ألماني؟
تقفيل المانى طبعا موتور 122 حصان اقصى سرعة 203 تسارع من صفر ل 100 فى 10.5 ث الفرنسيين فى مقارناتهم ليها مع ال508 بيقولو الشياكة الفرنسية فى مواجهة التكنولوجيا اﻻلمانية .. سمعة الوكيل طيبة مكتوب على غطا التانك من الداخل بنزين 92-95 المقارنة صعبة اقرا كويس عن السيارتين وما يكافئهم انا وجهة نظرى باخدها من برة بمعنى انى مببصش للسوق المصرى وﻻ بتأثر بتوجهاتة فى اختيارى..العربية زى الزلطة يعيبها انها وا كتافيا مفهمش مصفحة من تحت لكن البيجو ال 405 كان فيها مصفحة وعلى اﻻرجح ال508 فيها..وخلى بالك ان ا لالمانى واﻻوروبى عموما ممكن يتأثر بالحر الشديد انا سمعت انهم بيغيرو برنامج سرعه غلق الزجاج فى ال 508بسبب مشاكل الحر فى الخليج الى بيأثر على ماكنة الزجاج.. اقرا كويس وقارن وشوف ارتياحك النفسى رايح فين واﻻستخدام عامل مهم جدا مثﻻ انا استخدامى مش كبير واغلبة على طرق مفتوحة
بالنسبة لسكودا أوكتافيا، هي في بالي برضه. وانا فكرت كتير ف الهيونداي IX35 توب لاين و كيا سبورتاج توب لاين، لكن ناس كتير مخوفاني من اني انزل من الألماني علي الكوري ، و مش عارف اذا كان الكلام ده مظبوط ولا لأ. (بيتهيألي مش هيحسمها الا الTest Drive) بس محتاج رأيكم جداااااا في الموضوع ده.

و شكراً ليك مرة تانية أستاذ علاء.

---

الف شكر أستاذ علاء

Opel Insignia 2015 or Peugeot 3008 if cross over

508
انسيجنيا

508 فيها معظم الى حضرتك محتاجة يعنى 85% بس شوفها وسوقها وانت تعرف

اقتباس:

---

المشاركة الأصلية كتبت بواسطة mariachi

opel insignia 2015 or peugeot 3008 if cross over

---

الف شكر لحضرتك .. بس كنت عايز اعرف اذا كانت الopel insignia بتحتاج بنزين 92 ولا 95؟

اقتباس:

---

المشاركة الأصلية كتبت بواسطة j a g u a r

508
انسيجنيا

---

الف شكر لحضرتك .. بس كنت عايز اعرف اذا كانت انسيجنيا بتحتاج بنزين 92 ولا 95؟
وهل ليها مشاكل تانية الناس اتكلمت عليها

508 هاروح اجربها ان شاء الله

اقتباس:

---

المشاركة الأصلية كتبت بواسطة kaboka90

508 فيها معظم الى حضرتك محتاجة يعنى 85% بس شوفها وسوقها وانت تعرف

---

الف شكر لحضرتك .. انا فعلاً قررت اروح اجربها ان شاء الله

لما تجربها قولى رأيك فيها اية والى عجبك فيها او الى مش عجبك فيها وشكرا

انا جربت الاثنين الانسجنيا و 508 ومشيت بال 508 تقريبا على سرعة 200 بصراحه العربية تحفة موتور قوي وثبات وفخامة وصالون واسع بس انا استريحت اكتر مع الاوبل بس مجرتش بيها والحاجه الوحيده اللي مش عجباني فيها ان الصالون مش واسع زي البيجو بس هيا فيها اوبشن اعلى من البيجو
ارجو معرفة اراء الخبراء لاني محتار بردو