السلام عليكم ورحمة الله
إخوانى الإعزاء اللى زى حالاتى اللى خبرتهم على أدهم فى ميكانيكا السيارات ..
بدايةً إشتريت سيارة دايو ليجانزا موديل 99 مانيوال الحالة أساسيات ممتازه .. موتور فيه نسبة دخنه ملحوظه بعد العربية ما تسخن .. المهم على أد الفلوس اللى كانت معايا ونظافة العربية كأساسيات إشتريت العربية وانا عارف إن بعد سنه أو سنتين بالكتير ها غيره .. ابديت اعمل الصيانات الأولية بتاعت تغير بوجيهات وسير المجموعة والكشف على زيت الباور وخلافه .. نيجى بقى لزيت الموتور :3mla:
تم تغيير الزيت القديم بزيت شيل الأصفر 20_50 وتغير الفلتر وتغيير جوان غطا التاكيهات مع غطاء الزيت وكلها حاجات أصلية GM المهم بعد ما عملت الشغلانه دى وكله تمام يا فندم هابتدى بقى أجرب الأداء .. مشوار والتانى بتاع 300 كيلو وإذ بالزيت نقص من الميكس لـ المنيمم وعلى فكرة طريقتى فى القيادة مثالية بمعنى إنى لا بحرق على الغيار والا بأمريك سواقة أواخر السبعينات .. المهم روحت لمركز صيانة أشوف الموضوع شاروا عليا بزيت بإضافة الشنبر :36_1_40[1]: هو الحل لمنع نقص الزيت .. روحت جبت عبوة زيت شنبر ثمنها 20 جنيه عبوه لونها أخضر مرسوم عليها بستم وتم إضافة محتواياتها بعد إضافة مقدار كيلو من زيت شيل الأصفر لتعويض النقص وإدارة الموتور مدة 15 دقيقة للتسخين ومن ثَم إضافة زيت الشنبر العبوه 443 مللى زيت أشبه بالعسل الأبيض فى لونه ولزوجته وكشفنا على منسوب الزيت تانى كله تمام يا فندم .. خدت العربية علشان أجرب بقى واحس بالفرق وإذ بالصدمه صوت الموتور عالى فى الضغط على البنزين .. سحب العربية اتخنق عن الأول .. إستهلاك البنزين زاد عن الأول .. نقص الزيت وتأكله قل بنسبه كبيرة .. بس العربية بقت زفت فى كل حاجه .. فما كان منّى غير إنى فضيت الزيت كله تانى بالفلتر بعد ما مشيت بالعربية مسافة 240 كيلوا وظهرتلى كل المشاكل دى:_Alshmokh08[1]: وجبت شيل الأحمر اللى بيقولوا عليه 3000 وخسرت فى الموضوع ده 135×2 = 270 + 100 +20+85=475 جنيه وكله تحت مشورة مركز الخدمة مش أنا وبقيت ماشى بجركن زيت شيل الأحمر فى شنطة العربية كل ما الزيت ينقص أزود :crying1::crying1:فا نصيحة إياكم من اللجوء لزيت الشنبر لو الموضوع دخنه خفيفة مع نقص فى الزيت :Copy of majd(4):لو العربية نوعاً ما حديثة إنما أنا معرفش لو العربية من مركات الفيات واللادا وغيرها من موديلات السبيعنات ممكن بينفع معاهم
:36_2_49[1]: الحل .. يا تغير الموتور لو لاحظت نقص فى الزيت بإستمرار أو تعمره ... أو تمشى بجركن زيت يكون زيت ثقيل نسبياً فى شنطة العربية وسيبك من موضوع ده زيت 10000 وده زيت 5000 والإشتغالات اللى بتحصل ساعة النغيير كله هايتاكل وينقص
سا محونى أطلت عليكم