لو شلت البطاريه ممكن العربيه تدور زق؟؟؟؟؟؟؟؟؟؟؟؟
تم تعديل العنوان
م.ع 7
عرض للطباعة
لو شلت البطاريه ممكن العربيه تدور زق؟؟؟؟؟؟؟؟؟؟؟؟
تم تعديل العنوان
م.ع 7
مش هتدور وهتخرب الدنيا
لا مش هتدور لكن ممكن تشيلها وهى دايرة...
هو إجراء غلط عموماً
ومنصحكش تعمله
لكن حسب تجربتي في عربية 128 قديمة
أيوه هتدور
ما أنا كنت عاوز أقول إنها هتدور فعلا ..لإن فيه ديناموا ..والدينامو بيلف وبيولد كهربا ..هي صحيح قليلة لكن ممكن مع الزقه الجامده وصبر اللي هيرمي للعربيه إن العربيه تجمع سرعة كويسة ويا سلام لو على منزل ..يبقى هتدور ..مش هتدور ليه ..ما بديل البطارية الدينامو...وبديل المارش حركة العجل اللي إنتقلت لغاية ما وصلت لعمود الكرنك وده من خلال الرميه اللي بتتعمل وهي العربيه بتتزق ..إيه اللي مش هيخليها تدور ؟؟؟؟..معلش أنا عاوز أعرف وجهة نظر السادة الأعضاء اللي قالو مش هتدور
العربية مستحيل تدور من غير بطارية.....مفيش اصلا كونتاك هيفتح ولا مارش هيلقط و لا دينامو هيشتغل....ازاى تدور بقى..
تدور وتمشى وتقيد نور عادى خالص ياما دقت على الراس طبول ده احنا اللى بدعنا الفقر فى الجمهوريه هههههه وشوفو بقى لما حد مصرى يبدع
اللى اعرفه ان الدينامو بياخد تغذيته(المجال المغناطيسى للعضو الثابت ) من البطاريه
لكن الدينامو الصغير اللى بنركبه ف العجله عشان ينور كشاف فيه مغناطيس دائم لا يحتاج تغذيه والكشاف بينور
اللى انا مش عارفه دينامو العربيه فيه مغناطيسيه متبقيه ضعيفه ولا لأ
عشان كده مش عارف هتدور ولا لأ ؟؟؟؟؟؟
فاضل نجاوب ع السؤال
العربيه هتدور عادى جدا وانا متأكد من كلامى لان العربية اخترعت قبل مايكون فى حاجة اسمها بطارية وكانوا بيدورا العربيات بالمنفلة اللى بتكون موجده فى مقدمة العربية طلع لها عمود من الماتور وده اللى استبدلناها بالبطارية والمواتير اللى اعتمادها الكلى على الكهربة وهنا نقدرنقول انى المنفلة زمان = الزقه دلوقتى http://i.ytimg.com/vi/DArvPMlxHeQ/hqdefault.jpg
طب ليه كل عضو معاه عربيه ,يشيل البطاريه ويجرب وان دارت يمشي ويدوس بيها ,وكمان اللي عنده بطاريه يدور والمكنه دايرة يشيلها ونشوف هيجري اييه ,والبكا يبا علي راس الميت
عادى جدا المهم العربية تدور وبعد ماتدور كل حاجة هتشتغل على كهربة الديناموا لان البطارية ملهاش شغل غير انها تدى كهربه للبوجيهات اللى بتعمل شرارة كهربية فى غرفة الاحتاق اللى بتساعد علىى حرق البنزين اللى بيعمل على دفع البساتم اللى من دورها بتدور كل حاجة فى الماتور من ضمن الحاجات دى الديناموا فا احنا لو استبدلنا ده كله بزقة يبقى انت بتقلب النظام مش اكتر بتحرك العجل اللى بيحرك التروس اللى بتحرك الدينموا اللى بتحرك البساتم بالعكس بس كدا
الى صاحب الموضوع:
جرب وقولنا النتيجه
لن تعمل السياره لان مجال الدينامو يأتى من البطارية
وعلى فكرة دا اخر كلام !!
السيارات القديمة (الكربراتير ) وطلمبة بنزين عادية بيتشتغل عادى زق بدون اى مشاكل من غير بطارية
انما السيارات الانجيكشن وطلمبة كهرباء لن تعمل
وطبعا فى الحالتين فتيس مانيوال
وفى الحالتين لو السيارة شغالة وفكيت البطارية تفضل شغالة عادى لأن الدينامو هى اللى بيغذيها بالكهرباء مش البطارية وتقدر تشغل كل احمالك عادى من نور ومكيف وخلافة
بس ديما لما تفك كابلات البطارية تفك الارضى الاول ودا مهم جدا
ودى تجربتى العملية
بسم الله الرحمن الرحيم
لدوران السيارة يلزم وجود اشعال للوقود...هذا الاشعال يأتى عن طريق البوجيهات....هذه البوجيهات تأخذ الشرر موزعا عن طريق الdistributer (الاسبراتير)......هذه الاسبراتير يأخد الجهد العالى المحدث للشرر عن طريق ملف رومكورف اللى هو البوبينة....هذه البوبينة تحتاج لجهد عمل 12 فولت و ممكن تشتغل مع جهد اعلى بقليل او اقل بقليل
المصدرين الرئيسيين للجهد و الوحيدين هما البطارية و الدينامو
وظيفة البطارية تغذية موتور التقويم للسيارة اللى هو المارش
فى حالة ضعف جهد البطارية و عدم وجود شحنة كافية لتدوير المارشلكنه فى نفس اللحظة قادر على إمداد ملف رومكورف اى البوبينة بالجهد اللازم بشرط عدم الانخفاض الحاد فى جهدها لغاية 10 فولت ممكن
هل يمكن إمداد السيارة بالكهرباء اللازمة دون الحاجة للبطارية ؟
العربية اساسا مش شغالة على البطارية غير فى لحظة البدأ فقط و بعد هذه اللحظة الدينامو يقوم بكامل عملية التوليد الكهربية بدأ من توليد الجهد الكهربى للبوبينة بل و شحن البطارية ايضا و انارة الكشافات و المراوح.....إلخ
هل يمكن فى لحظات البدأ الاستغناء عن البطارية (لو شلت البطاريه ممكن العربيه تدور زق) ؟
على حسب سرعة الزق لان الجهد المتولد من الدينامو متناسب مع سرعة العربية
الحديد بتاع الدينامو مادته مادة مغناطيسية ، لما يعدى عليها مجال مغناطيسى و بعدين تقطع عنها التيار بيبقى فيها فيض مغناطيسيى متبقى (من علاقة ال B-H curve) اللى اسمه Remanent flux
يعنى ينفع بشرط سرعة العربية ..سرعة العربية لا تقل عن متوسط سرعة الغيار الاول
هتدور لو علي سرعة عالية شوية و غيار اقل الاول مثلا علشان تنجز لو منزل علي التاني هتدور
العربية مستحيل تدور من غير بطارية
ايه اللى بيحصل
فى حاله دوران العربيه مارش
وفى حاله دوؤرانها بالزق
هجرب الوضوع ده