خبر أكيد :ـ قرار بصرف الدولار للعملاء بفئة 20 دولار من البنوك المصرية

**احمد فهمى** · 12-05-2015 03:21 PM

مع احترامي للجميع الحوالات بيتم تخيير المنتفع ياخدها بدولار او مصري مفيش اجبار والبنك بياخد عموله 3 دولار تقريبآ علي العمليه وافضل طريقه تفتح حساب بالدولار فى البنك الاهلي ﻷنو وده اللى الخليج كلو بيحول له بسهوله هو وبنك اسكندريه وكام بنك تاني مش فاكرهم وكده البنك مبياخدش عموله ﻷن الحواله بتودع فحسابك وده كلام عن تجربه وبالنسبه للسحب طبعآ قصة ال20 و10 دولار دى قديمه جدآ مش جديده وبتتعمل مع الحوالات او العملاء الجدد ومش الدولار بس حتي المصري ﻷن البنك بيحاول يخلص من الفكه وهدو نفسكو يا جماعه الموضوع ابسط من كده والهدف نساعد بعض مش نتحدي بعض واتمنى اكون افدتكم

**ehabouf** · 12-05-2015 05:17 PM

بنك القاهرة بنك حكومي
يوجد (نقص) بالفعل في الدولارات فئة 100 دولار لذلك يتم تصريف الفئات الصغيرة (بدون اوامر فعلية) لغير عملاء البنوك
انا لما كنت بستلم 2300 دولار من بنك القاهرة الموظف (رفض) يديهملي كلهم فئة 100 واستلمت 19 ورقة 100 + 8 ورقات 50 (في الأول كان عايز يديني 1500 دولار فقط فئة 100)

**lonedoctor** · 12-05-2015 08:44 PM

الاخ اللى بيقول الكلام ده قديم باقولك كلامك غير صحيح
انا عايش فى السعودية من 15 سنة وكل فلوسى بابعتها دولارات واول مرة موضوع الفكة يحصل مع زوجتى من كام اسبوع فاتوا
الحوالات اجبارى تتغير مصرى من البنك ولن تستلمها دولارات وفى قرار صدر حديثا من شهر تقريبا بكدة
البنوك الخاصة ليس عندى فكرة عنها لان انا باحول بايداع فى الحساب واحيانا حوالات على البنك الاهلى

**YahiaAshraf** · 12-05-2015 09:06 PM

طب لو فيه دولارات مبعوتالى عبر الويسترن يونيون هيبقى ليهم نسبة عمولة برده والنظام ده ولا ايه

**فتح الباب** · 12-05-2015 09:46 PM

تحيا جمهوريه مصر العربيه يا وطنى يا اغلى الاوطان

**volociximab** · 13-05-2015 09:58 PM

المشاركة الأصلية كتبت بواسطة احمد فهمى

مع احترامي للجميع الحوالات بيتم تخيير المنتفع ياخدها بدولار او مصري مفيش اجبار والبنك بياخد عموله 3 دولار تقريبآ علي العمليه وافضل طريقه تفتح حساب بالدولار فى البنك الاهلي ﻷنو وده اللى الخليج كلو بيحول له بسهوله هو وبنك اسكندريه وكام بنك تاني مش فاكرهم وكده البنك مبياخدش عموله ﻷن الحواله بتودع فحسابك وده كلام عن تجربه وبالنسبه للسحب طبعآ قصة ال20 و10 دولار دى قديمه جدآ مش جديده وبتتعمل مع الحوالات او العملاء الجدد ومش الدولار بس حتي المصري ﻷن البنك بيحاول يخلص من الفكه وهدو نفسكو يا جماعه الموضوع ابسط من كده والهدف نساعد بعض مش نتحدي بعض واتمنى اكون افدتكم

افتح حساب ادخاري و ليس استثمارى بدون فوائد فى بنك فيصل

**Anaslbda** · 13-05-2015 10:09 PM

لا أنصح بفتح حساب جاري بالدولار واستقبال حوالات عليه من الخارج خصوصاً اذا كانت حوالات منتظمة.
عشان ماتتفجئش في يوم حد يجيلك يقولك من اين لك هذا.
واللبيب بالإشارة يفهم.