الموضوع: تعرف علي مسميات اللمبات وفنيات التعامل معها

بسم الله الرحمن الرحيم

السلام عليكم ورحمة الله وبركاته

هنتكلم النهاردة عن موضوع قد يخفي علي البعض ولكنه مهم لينا كلنا

هنتكلم عن لمبات العربيات ومسمياتها

اول لمبة وهي الأشهر علي الأطلاق
لمبات H4 (H4 Bulbs) h ودي اسمها في السوق او عند الصنايعية لمبة 3 شوكة او 3 رجل



وسبب انها 3 شوكه
- فردة للأرضي Ground
- فردة للواطي Low Beam
- فردة للعالي High Beam

اللمبات دي بيكون فيها العالي والواطي مع بعض في نفس اللمبة ودي طبعاً الأكثر شيوعاً في العربيات اللي بيكون الكشاف بتاعها لمبة واحدة فقط

وهنا هتلاحظ ان اللمبة ليها مقاسيين تتقاس بيهم زي 55/60 او 90/100

ثاني لمبة معانا النهاردة وهي بردو مشهورة اوي
لمبات H7



ودي بتكون اما في الواطي او في العالي (علي حسب تصميم فانوس العربية) وساعات بتكون في الواطي والعالي

وهنا فانوس العربية بيكون فيه لمبتين واحدة للواطي وواحدة للعالي
وبالتالي فهي تختلف عن اللمبة السابقة اللي فيها الواطي والعالي مع بعض في فانوس واحدة
واحياناً بيكون العربية فيها فانوسين منفصلين عن بعض زي الBMW القديم واللادا والفيات 132
بس العربيات الفيات القديمة بتستخدم لمبات بشكل تاني خالص

وكل واحدة من الأثنين بيكون ليها مقاس غير التانية
مقاس (قدرة) للواطي ومقاس للعالي

ثالث لمبة معانا بس مش مشهورة اوي زي الأثنين اللي فاتو
لمبات H1



ودي عادةً بتكون في الواطي
وجايز جداً ان يكون فانوس العربية متصمم علي ان العالي يكون H7 والواطي يكون H1

وبردو زي اللي اللمبة اللي فاتت - كل واحدة وليها قدرة (مقاس) غير التانية

لحد هنا والكلام السهل خلص

لو بتحب الكلام التكنيكال والكهرباء كمل معانا

-----------------------------------------

للأسف كتير مننا مش بيعجبه نور عربيته وبيروح يشتري لمبة بوات اعلي من الوات بتاع الفبريكة
ولأن الصنايعية معظمهم بيكون مش فاهم فبيركب وخلاص وفاكرها لمبة قلاووظ زي بتاعة النجفة
لكن بصراحة الموضوع محتاج مننا بحث شوية وتوضيح للأمور

وحدة القياس للمبات بتكون بالـ Watt وات (القدرة الكهربية)

جدير بالذكر ان الوات هو حاصل ضرب الفولت × الأمبير
القدرة الكهربية = فرق الجهدية × شدة التيار

وعشان تعلي بالوات (قدرة اللمبة) يبقي لازم هتعلي أما بالفولت او بالأمبير
ولأن الفولت ثابت (12 فولت خرج الدينمو والبطارية) فبتعلي بالأمبير (وحدة قياس شدة التيار)
ونتيجة كدة ان لما الأمبير بيعلي بيحرق دراع النور
فالحل انك تغير الكتاوت Cut Out او بيسموها الريلاي Relay عشان تقدر تتعامل مع الأمبير الأعلي بتاع اللمبة الجديدة

ولو هتسألني انا شخصياً
انا مش بحب أغير في الشغل اللي عامله الخواجة

وفي حلول أخري لتحسين الأضاءة
زي انك تنظف الباغة بتاعة الكشاف او تغيرها خالص ان لزم الأمر
الباغة عليها دور كبير جداً في انها تنقل شعاع النور من غير ما تضعفه
كمان دورها انها بتشتت الشعاع الخارج من اللمبة وتفرشه بحيث انها تنورلك اكبر زاوية ممكنة

في حل تاني زي انك تغير اصلاً نوعيه اللمبة المستخدمة

حل ثالث انك تغسل الفانوس وتنظف العاكس بتاعه

كمان في ملحوظة حابب انوه عنها هي ازاي تمسك اللمبة
مبدئياً اوعي تمسك اللمبة وهي لسة مطفية لأنها بتكون سخنة جداً

ثانياً اللمبة عادة بتتمسك من الطبق المعدني وليس من القمع الزجاجي




ومن ضمن الفتي بتاع الصنايعية انهم احياناً بيلغوا العاكس بتاع الفانوس عن طريق كسره
والحجة عشان يحسن الأضاءة
العاكس دة بيكون زي الطبق واللمبة لما بتركب بتكون وراه
ودوره انه يقسٌم العالي والواطي ومايدايقش العربيات في الأتجاه المقابل




في نهاية موضوعي اتمني اكون وضحتلك مسميات اللمبات الشائعة
والنقاط الفنية التي يجب اخذها في الأعتبار عند التعامل مع أضاءة العربية

كمان في لمبات تانية كتيرة اوي زي بتاعة الفوجات والشبورة بس مش شائعة الأستخدام زي الـ3 اللي انا وضحتهم




تحياتي للجميع

والله المستعان
،
،