هل يجوز كتابة شيك على الزوج بدلا من قائمة المنقولات الزوجية ؟؟؟

**أحمد كمال** · 12-05-2015 12:05 PM

يعني مآمنني على لحمه و دمه و خايف على شوية فلوس

ده تخلف

**ahmed1981** · 12-05-2015 09:36 PM

المشاركة الأصلية كتبت بواسطة 4fun14

بس بصراحه موضوع القايمه والشيكات ده قلة ادب..
طب مانا ايه يضمنلى ان مراتى مش هتسرق الفلوس اللى ف البيت او تبيع العفش وانا ف الشغل؟امضيها على شيكات انا كمان

على فكرة
القايمة اللي بيتقال عليها إنها قلة أدب اخترعوها الناس لمساعدة الرجالة على الزواج بدون مهر

بدل دفع مهر بتدي الزوجة ورقة الزوجة تبلها وتشرب ميتها ولا بتستفيد منها أي حاجه إلا أحياناً لو حصل طلاق أو بعد موت الزوج
=
سيبك من القايمة اللي مضايقاك دي خالص ونرجع للأصل
إيه الأصل
الزوج مطلوب منه بيت مجهز على قد ظروفه
ومطلوب منه يدفع مهر مالي للزوجة
والزوجة شرعاً غير مكلفة بأي مليم أحمر
=
حل من إتنين
يا ناخد بالقايمة
يا نرجع للأصل قبل إختراع القايمة

ـ

**Secret-Man** · 13-05-2015 05:49 AM

مفاسد وأضرار المغالاة في المهور - islamqa.info

**Secret-Man** · 13-05-2015 05:50 AM

حكم إدخال قائمة الأثاث في المهر - islamqa.info

**mido3_gho** · 13-05-2015 09:03 AM

اعرف واحد مضي على شيك بدل القايمة لضمان حق البنت

حصل خلاف بينهم وبردوا كانت مسافرة معاه

البت رجعت .. ابو البنت نفخه بسبب حوار الشيك دا

**4fun14** · 13-05-2015 10:31 AM

المشاركة الأصلية كتبت بواسطة ahmed1981

على فكرة
القايمة اللي بيتقال عليها إنها قلة أدب اخترعوها الناس لمساعدة الرجالة على الزواج بدون مهر

بدل دفع مهر بتدي الزوجة ورقة الزوجة تبلها وتشرب ميتها ولا بتستفيد منها أي حاجه إلا أحياناً لو حصل طلاق أو بعد موت الزوج
=
سيبك من القايمة اللي مضايقاك دي خالص ونرجع للأصل
إيه الأصل
الزوج مطلوب منه بيت مجهز على قد ظروفه
ومطلوب منه يدفع مهر مالي للزوجة
والزوجة شرعاً غير مكلفة بأي مليم أحمر
=
حل من إتنين
يا ناخد بالقايمة
يا نرجع للأصل قبل إختراع القايمة

ـ

الكلام ده تقوله أيام زمان..ايام ماكان ممكن اجيب واحده تتجوز ف بيت ايجار او اجيب بيت ف مكان شعبى..انما اللى حاصل دلوقت انك لازم تجيب شقة تمليك ف مكان كويس..زمان مكنتش الست بتشتغل الا بموافقه جوزها,قالها سيبى الشغل تسيب الشغل..هل ده حاصل دلوقت؟
عموما انا موافق اجيب بيت على قدى واشطبه على قدى وافرشه على قدى وشبكه على قدى"وهو ده المهر" بس في المقابل محدش يطالبنى بهدايا فتره الخطوبه ولا حد يكتبنى مؤخر كبير كضمان انى مطلقش,ولا حد يقولى الشقة صغيره او مكانها مش قد كده او عاوز فرح يليق بعيلتنا وستان العروسة عليك و شهر عسل ف أوروبا وهو احنا هنفرح كام مره...
طالما الكلام ده موجود متجيش تقولى انا عاوز شيك ولا قايمه عشان انا مش مستأمنك..يا اخى احمس
مين فينا اللى يامن للتانى ..جايبلها شقة "تباه من حقها لو حصل انفصال"ومشطبها على اعلى مستوى وجايب هدايا وشبكه وتقولى امضيلى شيكات؟لا ده كده كتير جدا وفعلا قلة ادب..
نفترض ان العفش من صميم حقها زى مانت بتقول..تمضينى على شيكات؟طب انا ايه يضمنلى انك متصرفش الشيك او تسجننى بدون سبب؟ايه يضمنلى انها متبيعش العفش وتتهمنى انى انا اللى بعته؟ايه يضمنلى انها متخوننيش وتاخد العيال وتمشى وتصرف الشيك بتاعى كمان؟ياعم الكلام ده عيب جدا في حق الراجل

**msobhy** · 13-05-2015 12:23 PM

شيك - أكيد حضرتك بتهزر - شيك ايه يا راجل
أحب أقولك انكم لازم تكتبوه شيك على بياض بالاضافه للقايمه
ويكتب تعهد على نفسه فى حالة وفاته ان كل أعضاء جسمه متبرع بيها لأهل مراته ومراته - برضو لازم ندور على حق البنت
وأوعوا تنسوا انه لازم يكتب الشقه بأسم البنت (الاحتياط واجب برضو)
أما بخصوص الشرع - بص يا سيدى - الشرع بيقول ان الزوج مسئول عن تأسيس وتأثيث منزل الزوجيه على حسب امكانياته (يعنى انتوا عايزين بنتكم تدخل بعفش ودولاب فضيه ونيش زى بنت خالتها يبقى تدفعوا وانتوا ساكتين)- فى حالة الطلاق اذا الزوج اهدى للزوجه حاجه لا يحق له بإسترجاعها ويجب عليه دفع المؤخر والنفقه وما شابه - واذا كان الطلاق بناءا على طلب الزوجه (خلع) يجب على الزوجه رد كل ما دفعه الزوج لها

الله طيب والقايمه !!!!!!!!!!!!!!!!!
يمين عظيم ديه تأليفه مصريه - وبما اننا بنمشى بالشرع والعرف فبقت تعامل معاملة وصل الامانه بما انها عرف مصرى اصيل

وقبل ما اى حد يقول لى كلمتين من بتوع ما هو لو اختك أو بنتك مكنتش عملت كده
أختى اتكتب لها قائمة منقولات ملهاش اى 30 لازمه
بنت عمتى اتجوزت من غير قايمه اساسا
اغلب البنات المحترمه أوى وولاد الناس اوى بيتجوزوا من غير قايمه

ربنا يسامحنى على الكلمه - كل واحده عارفه نفسها - الشمال هيه واهلها بيجروا على القايمه والمؤخر بشكل هيستيرى ونهاية الموضوع بيبقى فى المحاكم

بنت الاصول بتدور بس على الزوج المحترم الصالح

يا رب نفسى لما موضوع زى ده يتطرح مردش عليه

**ahmed1981** · 14-05-2015 01:28 AM

إزاي ؟؟؟؟؟؟؟؟؟؟؟؟؟

المشاركة الأصلية كتبت بواسطة msobhy

أختى اتكتب لها قائمة منقولات ملهاش اى 30 لازمه

اللي فوق كلامك
واللي تحت الجارح ده كلامك برضه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

المشاركة الأصلية كتبت بواسطة msobhy

اغلب البنات المحترمه أوى وولاد الناس اوى بيتجوزوا من غير قايمه
.
ربنا يسامحنى على الكلمه - كل واحده عارفه نفسها - الشمال هيه واهلها بيجروا على القايمه والمؤخر بشكل هيستيرى ونهاية الموضوع بيبقى فى المحاكم

-

-

الموضوع: هل يجوز كتابة شيك على الزوج بدلا من قائمة المنقولات الزوجية ؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

الانسجام مع اهل الزوج من عوامل نجاح الحياة الزوجية.. اليك اهم النصائح

عايزين قائمة بيضاء و قائمة سوداء لشركات التأمين

الزوج المثالي

الكلمات الدلالية لهذا الموضوع

المفضلات

المفضلات

ضوابط المشاركة