الموضوع: مشكلة فى دايو ماتيز عجزت عن حلها ..... ارجو المساعدة

سؤال لولبي حلزوني ..هو ليه البيه الميكانيكي المفتي حط كذا جوان لوش السلندر ..أنا نفسي ربنا يتوب علينا من الميكانيكية اللي دماغهم متوقفه عند العربيات موديل 90 ..يعني النهارده فيه تكنولوجي أحدث من الأفكار القديمه دي ..اللي هي حط جوانين عشان تريح المكنه والشغل اللي كان ماشي بالفزلكه وبالوراثه وأهي ماشيه ...

بص يا سيدي ..التاكيهات بتاعة العربية التلاتة سلندر ال 800 سي سي ليها ضبطه معينة بالفيلر ...بتاخد رقم معين كده في الضبط ..أنا بصراحه مش فاكره بس هي لازم تضبط بالفيلر وعلى الرقم ده ..يدخل في القصه دي برضه السوزوكي التو والسوزوكي ماروتي ..بيتعملهم نفس القصه في ضبطة التاكيهات ...ثانيا ..اللي أعرفه إن المكنه ما ينفعش يتحطلها جوانين وش سلندر..لإن ببساطه الجوانين بيكبروا معاك غرف الحريق أو حجم غرف الحريق ..الكلام ده كان بيتعمل في العربيات القديمة ..اللي هو حط جوانين بدل جوان عشان تريح المكنه ..لكن دلوقتي بعد ما ظهرت البلوكات الألمونيوم أو البلوكات اللي داخل فيها نسبة المونيوم بقى موضوع الجوانين ده درب من دروب الغباء ونظام اللي حافظ مش فاهم .....بصرف النظر بقى عن أمثلة هقعد أضربها لك وأقولك تخيل مثلا إن إرتفاع غرفة الحريق كذا والجوان الفبريكه سمكه كذا يبقى الإجمالي كذا شوف بقى لو حطينا جوانين يبقى كده الحجم بتاع غرفة الحريق زاد وبصرف النظر برضه عن إني هقولك أصل زمان كانت البلوكات بتاعة المحركات زهر والزهر من طبيعته إنه بيخزن الحرارة فعشان كده لما كنا بنحط جوانين كان البلوك بيعوض فرق زيادة غرفة الحريق بزيادة الحرارة فعشان كده مكنتش بتحس بمشكلة قوي وإن البلوك الألمونيوم بيبدد الحرارة بسرعة فعشان كده تكبير حجم غرف الحريق بيعمل مشكلة ....وعشان كبرت حجم غرف الحريق فطبيعي جدا جدا جدا إن السحب يخستع ..وإستهلاك البنزين يزيد ..ووصول العربية لدرجة حرارة التشغيل المثلى ياخد وقت كبير عن الأول ..يعني موضوع السحب ده عادي جدا ..مش كبرت حجم غرف الحريق؟؟؟؟ ..يبقى الكبس عندك ضعف ..عموما ..الحل إيه ؟؟؟؟....ده المهم بقى ..أول حاجه في الحل ..لازم تروح لحد بيشتغل في العربيات الضيقة اللي زي دي ..يعني تروح لحد يكون شغال في الألتو والماروتي والسبارك والماتيز ..أنا مش بقول تروح لحد فاتح مركز متخصص في العربيات دي ..لكن بقولك في ميكانيكية بيشتغلوا في العربيات دي بجانب شغلهم في العربيات التانيه ..وتجيب جوان وش سلندر أصلي ...أنا مش عارف أصلا هو حط جوانين ليييييييييييييه ؟؟؟...!!!!!!!!!!!!! إنت أصلا معندكش مشكلة حرارة ولا العربيه كانت عامله مشاكل في وش السلندر ..يحط ليه جوانيييييييييييين ...؟؟؟؟؟!!!!!!!!!...المهم ..تجيب جوان وش سلندر أصلي ...وأكيد إنت لما برمت عشان تجيب التاكيهات عرفت حاجتها بتتباع فين ..المهم ..والوش يتفك ويتحط الجوان الأصلي الواحد اللي حضرتك جبته ..ويتربط الوش كويس ..وتضبط تاكيهات ..وبعد أسبوع تروح للميكانيكي يعمل كده تحريق على مسامير الوش على الماشي ..يعني مش هيربط الوش تاني ...لأ..أنا بقول يحرق كده على الماشي ..وخلي بالك ..ميكانيكي شغال في العربيات دي ..اللي هي تلاتة سلندر 800 سي سي ..هيبقى عارف رقم الفيلر اللي هيضبط بيه من غير ما تقوله ..لو إنت من إسكندرية كنت ضبطك ضبطة السنين عند كذا ميكانيكي مش ميكانيكي واحد ..بس المهم في سؤالك ..السحب مخستع ليه ؟؟؟...هقولك حط جوان واحد وهي تضبط

المشاركة الأصلية كتبت بواسطة sehs_for_ever

اوا الف شكر على اهتمامك وردك والمعلومة المهمة اللى انت وضحتهالى بخصوص الجوانات .... ومتشكر قوى ان انت كنت هتساعدنى بس للأسف انا من دمياط:e_braces[1]:
بس سؤال مهم ..... هو قالى انه بيعمل كده عشان الوش ده قاشط قبل كده ..... مع العلم انه مطلع منها جوان واحد وفعلا مكانش عندى مشاكل حرارة

شفت بقى الكلام ماشي إزاي .؟؟؟أهو إنت اللي قلت إن هي كانت ماشية بجوان واحد ..مش أنا ..يعني هي أصلا كانت كويسه قبل الإفتكاسه الجاهلة بتاعة الميكانيكي ..اللي هي حكاية جوانين دي ..وعموما ..فكك من الميكانيكي بتاع اللادا ده اللي إنت بتروحله ..مع إحترامي للادا وملاكها ..وشوف حد كويس ..أنا أعرف إن الماروتي كتير عندكم في دمياط وإن ليها ميكانيكية كتير عندكم برضه ..ما تشوف حد منهم يصلحلك العك اللي العكاك الميكانيكي الأولاني عمله

المشاركة الأصلية كتبت بواسطة sehs_for_ever

هو ده اللى هعملة ان شاء الله ...... لس ايه رأيك لو كشفت عليها كمبيوتر الأول يمكن يكون العيب من فلتر البنزين اللى انا غيرته او بخخاخات مثلا؟؟؟؟؟ .... اصلى بصراحة بكرة فك وش السلندر ده

ياباشا مش لما نضبط الأول مشي المكنه نبقى نكشف بالإسكانر؟؟؟