الموضوع: موظفين الحكومه والقطاع الخاص والتجار

المشاركة الأصلية كتبت بواسطة canner

اخى العزيز احيك فعلا على كلامك و احس فعلا انك عاوز تحل المشكلة و بتتكلم بمنطق لكل واحد و بتقوله معلش انت الكبير تعالى على نفسك و الباقى هو اللى صح و تروح لليعده و تقوله نفس الكلام و عاوز بس ارد على جزء من الكلام اللى انت قولته بالنسبة للقطاع الخاص

لما يكون صاحب العمل مش مضحى بفلوسه و لا حاجة و مبتدى شغل من زمان و اللى شغالين معاه ساعدوه انه يعمل ملايين و مليارات و ما بيخدوش هم غير الفتافيت و بعدين لما تحصل الازمة الاقتصادية و الثورة ورا التانية و الشركة اساسا مش متأثره و المبيعات فى الطالع و محقق مبيعات اكتر من السنين اللى قبليها و يجى يلغى من حقوقك و يلغى المواصلات و المشاريب و الزيادة السنوية و يجى يقولك انت مش شايف حال البلد و لو مش عاجبك الباب يفوت جمل تقوله ايه!!!!!!!

حسبى الله و نعم الوكيل

لا طبعا منطقيا طالما العامل شارك صاحب العمل فى الموضوع من اول لما كان المشروع صغير وكبر المشروع وهم مع بعض يبقى منطقيا هو شريك بمجهوده فى العمل ده ويستحق التقدير ومش من حق صاحب العمل فى اى حال من الاحوال تقليل الراتب المتفق عليه مع العامل "بغض النظر عن وضع المؤسسه" الا فى حاله تقصير العامل انما غير كده مش من حقه وبرضه طالما المؤسسه مش حتغلق بشكل كامل لخسائرها يبقى برضه مش من حق حد فصل العمل بالشكل اللى حضرتك اتكلمت عنه

انا كلامى على الموظف او العامل اللى دخل شركه خاصه قائمه وبيطالب بارباح كحق ليه .
انا مش بعمم فى اى من كلامى انا بتكلم على علاقه بين طرفين كل طرف له حقوق محدده له ياخدها وعلى الطرف الاخر احترام ده
اسف لو كلامى اتفهم غلط وشاكر ليك على التوضيح
تحياتى .

المشاركة الأصلية كتبت بواسطة eslamrace

حضرتك فى حاجه مش واخد بالك منها ان انت مش مطلوب منك تطالب بتغيير الاداره انما لو فى دليل على فساد مش مطلوب غير انك تكشف الموضوع بال3 طرق اللى انا ذكرتهم شكوى اداريه او قضائيه واقل حاجه اعلاميا "ويندرج تحت اعلاميا نشر الموضوع فى مواقع التواصل " على الاقل تكون عملت حاجه انما انت شايف ان المنظومه كلها فاسده وشايف ان كل التروس من اكبرها لاصغرها فاسد وسايب الوضع على هذا الاساس ومش عايز تغيره يبقى حتى "لو انت مش بتقوم بعمل فاسد" انت مشارك فى الفساد برضاك بالوضع وحتى لو غيرنا الترس الكبير "زى محصل قبل كده" حتفضل باقى التروس مش عايزه تتغير

وزى محضرتك فكرتنى بايام ما بعد ثوره 25 يناير وان الناس كانت على استعداد للتغيير تفتكر ليه الوضع متغيرش فى ولا شركه موجوده فى فتره ما بعد الثوره اقولك لان الناس كلها افتكرت زى حضرتك كده ان بتغيير الترس الكبير المنظومه تتصلح لوحدها وده مش صح لان المفترض ان التغيير يحصل من تحت لفوق لان كل انسان مفترض يبدأ بنفسه وبعدين باسرته وبعدين فى مجتمعه الصغير لحد ميوصل للقمه لان لازم تعرف ان اى مسؤل هو واحد من المصريين فلو هو فاسد فده لانه اصلا كان موظف صغير فاسد ومحدش حاسبه ولو اداره فاسده فده لان الاداره دى لما كانت صغيره كانت فاسده ومحدش حاسبها وبالتالى كل جيل حيشتغل فى المنظومه حتى "لو زى مانت بتقول مش فاسد" حيتحول طالما سايب نفسه لفاسد ويكبر لحد ميكون رئيس الاداره وساعتها يفضل برضه الموظف الصغير مستنى انه الاداره اللى تتغير وميعرفش ان حتى لو الاداره اتغيرت حييجى من زمايله برضه فاسد تانى

حضرتك شايف ان فى ظل الوضع الحالى صعب تغيير الاداره بلاش تغير الاداره بس لما تشوف موظف فاسد معاك حاول تتحرك انما غير كده يبقى خلاص خللى الوضع يبقى على ما هو عليه ومنستناش تغيير
اسهل حاجه انك تغير رأس الهرم "سواء بفعل او بقضاء من الله"ولكن التغيير ده "كما اثبتت لى الايام" مش بيصلح مجتمع اصلاح المجتمع بيبدأ بالفرد فالاسره فالمجتمع .


اخيرا حضرتك بتقول انك تتمنى انى اسكت وده انا مش قابله تماما لانه مش منطقى ان اى حد بيقول حاجه مش عاجباك يبقى تقوله اسكت والا اقبل برضه ان غيري يحجر عليك ويسكتك ويا ريت تامل كلمه حضرتك دى وانت حتعرف ليه اى اداره لو انت اتكلمت حتعاقبك لانك انت شخصيا مش قابل حد يخالفك فلو بقيت مدير فى يوم ما اظن برضه انك مش حتقبل حد يشتكيك او حتى يختلف معاك .
حضرتك انا حتوقف عند المشاركه دى فى مناقشه حضرتك طالما دى رغبتك ولكن حتابع الموضوع وحتكلم فيه بشكل عام لطرح وجهه نظرى الشخصيه .
تحياتى .

إزاي حضرتك بتقول مش مطلوب مني أطالب بتغيير الإدارة وبعدين تقولي بعدها علطول مش مطلوب منك غير الكشف على الفساد ...طيب خد عندك بقى ..
أنا شغال في شركة حكومة ..يرأسها واحد من خير أجناد الأرض ..لوا جيش يعني ..السرقة عندنا أزكمت الأنوف ..ورؤساؤه عارفين وهقولك في الكلام اللي جاي هما عارفين إزاي ..المهم .الفساد أزكم الأنوف ..والمصيبه بقى ..إن إحنا كعمال معانا ورق يثبت الفساد ده ..زي مثلا فلوس الوزراة صدقت عليها كان المفروض تتصرف للعمال ومفيش حاجه إتصرفت .زي مثلا فلوس بتتصرف للبهوات أعضاء مجالس الإدارة بدون أي بند ..وحاجات من كده ..طالبنا بحقنا ..محدش سمعنا ..عملنا وقفه ..يعني وقفنا لصاحب العمل ...صاحب العمل بما إنه من خير أجناد الأرض إتصل بالشرطة العسكرية ..وبدون الدخول في تفاصيل تم توجيه تهمة الإساءة للجيش المصري وإهانة أحد أفراده ..وتم توجيه الإتهام طبقا للدستور الجديد ..طبعا تم نقل ال 18 عامل إلى مقر النيابة ا لعسكرية..ودول ال18 اللي معروف عنهم إنهم بتوع حق وبتوع لا يضيع حق ووراءه مطالب وكشف الفساد والكلام اللي حضرتك بتقوله دي ..وتم التحفظ عليهم في أحد الأماكن اللي هما نفسها معيرفوهاش ...أتحبسوا 15 يوم بأمر عسكري من النيابة ...آه ..في التحقيق معاهم في النيابة العسكرية لما كانوا بيسألو العمال إنتوا ليه وقفتوا وإنتوا كده أسأتوا للجيش المصري ..كان العامل بيطلع الورق اللي فيه الهبل والفلوس اللي بتتصرف بدون أي وجه حق ..كان المحقق ..وكان مقدم أو نقيب تقريبا ..كان يقولهم أنا مليش دعوه بالكلام ده ..أنا عندي هنا إتهام معين أنا بحقق فيه ..البيه المحقق كان بيحقق من طرف واحد

واحد زميلنا هنا كان بيعمل زي ما إنت عايزني أعمل ...وكان بينشر حاجات على الفيس بوك عن الفساد اللي موجود في أجهزة الدولة ..وكان طبعا من ضمن الأجهزة اللي فيها فساد ..الجيش المصري العظيم ..واحد زميلنا تاني ..من اللي بنسميهم في سوق اليومين دول ..أمنجي...بلغ عنه إدارة الشركة ..ولولا إن زميلنا اللي بيحارب الفساد عبر الفيس بوك ده ليه واحد في المخابرات ...كان إتعمل علية حفلة السنين ...وكان راح مع اللي راحوا ..

أنا مثلا ...بحارب على النت ..وشغال نشر في صورة واحده في الشهر العقاري بتقشر كوسه ..وواحد موظف فاتح درجه عشان ياخد رشوه ..والمشاكل اللي حاصله في موضوع قناة السويس الجديده ..ومشكلة سد النهضة ..ما كله فساد ..ومع إني مش كاتب إسمي الحقيقي على الفيس بوك ..ومع إني خافي معلوماتي من على الفيس بوك ..إلا إني بلاقي ناس صحابي أنا ضايفهم بيحذروني من الكلام ده ..وبيقولوا لي خلي بالك ..وده اللي خلاني أعمل حساب تاني على الفيس بوك عشان لو لاقدر الله وقفت في كمين وإتسألت على الموبايل يبقى وقتها اللي مفتوح الحساب الوهمي


هنا مثلا في المشاركة اللي أنا بكتبها دي ..لو حضرتك طلبت مني أي بيانات تخصني ..زي مثلا رقم تليفوني أو عنواني ..أكيد هرفض إني أتواصل مع حضرتك ..لإني مضمنش بعد الكلام اللي أنا كتبته ده ..ممكن يحصل معايا إيه ..

قبل ما أنسى ..حضرتك بتحاول تبسط الموضوع ...وبتحاول تقنعنا إن هي مشكلة فساد وبس خلاص ..وكأن في أجهزة في الدولة هتقدر تكشف الفساد ده ..رغم إنك في تاني مشاركة ليك بتقول المفروض يبقى المطلب تغيير الإدارة ..وبعدين رجعت قلت إنت مش مطلوب منك تغير الإدارة ..حضرتك ذات نفسك شايف إن الموضوع كبير ..بس عمال تجيبها من الأول شوية ومن الآخر شوية ..وأنا قلتلك ..هي بادئة بترس كبير ..منتهية بترس صغير ..اللي هو الموظف اللي فاتح درجه ...وبعدين حضرتك بتتكلم كأن في حساب في البلد دي وكان الفاسد بيتحاسب بجد ..والله العظيم أنا شفت واحد ممسوك في قضية إتجار في حبوب مخدره وواحد تاني إخوان ..سابو اللي متهم في قضية حبوب مخدره وطلع بكفالة 1000 جنيه ..وحبسوا الإخوان ..وبعدين عايز تتكلم ..عندك الفيس بوك ..عندك الشارع ..أقعد كده مع الناس وكلمهم عن فساد الإدارة وعن فساد الدولة ...بس إبقى خلي بالك لحد يبلغ عنك

المشاركة الأصلية كتبت بواسطة m_m_sh_a

إزاي حضرتك بتقول مش مطلوب مني أطالب بتغيير الإدارة وبعدين تقولي بعدها علطول مش مطلوب منك غير الكشف على الفساد ...طيب خد عندك بقى ..
أنا شغال في شركة حكومة ..يرأسها واحد من خير أجناد الأرض ..لوا جيش يعني ..السرقة عندنا أزكمت الأنوف ..ورؤساؤه عارفين وهقولك في الكلام اللي جاي هما عارفين إزاي ..المهم .الفساد أزكم الأنوف ..والمصيبه بقى ..إن إحنا كعمال معانا ورق يثبت الفساد ده ..زي مثلا فلوس الوزراة صدقت عليها كان المفروض تتصرف للعمال ومفيش حاجه إتصرفت .زي مثلا فلوس بتتصرف للبهوات أعضاء مجالس الإدارة بدون أي بند ..وحاجات من كده ..طالبنا بحقنا ..محدش سمعنا ..عملنا وقفه ..يعني وقفنا لصاحب العمل ...صاحب العمل بما إنه من خير أجناد الأرض إتصل بالشرطة العسكرية ..وبدون الدخول في تفاصيل تم توجيه تهمة الإساءة للجيش المصري وإهانة أحد أفراده ..وتم توجيه الإتهام طبقا للدستور الجديد ..طبعا تم نقل ال 18 عامل إلى مقر النيابة ا لعسكرية..ودول ال18 اللي معروف عنهم إنهم بتوع حق وبتوع لا يضيع حق ووراءه مطالب وكشف الفساد والكلام اللي حضرتك بتقوله دي ..وتم التحفظ عليهم في أحد الأماكن اللي هما نفسها معيرفوهاش ...أتحبسوا 15 يوم بأمر عسكري من النيابة ...آه ..في التحقيق معاهم في النيابة العسكرية لما كانوا بيسألو العمال إنتوا ليه وقفتوا وإنتوا كده أسأتوا للجيش المصري ..كان العامل بيطلع الورق اللي فيه الهبل والفلوس اللي بتتصرف بدون أي وجه حق ..كان المحقق ..وكان مقدم أو نقيب تقريبا ..كان يقولهم أنا مليش دعوه بالكلام ده ..أنا عندي هنا إتهام معين أنا بحقق فيه ..البيه المحقق كان بيحقق من طرف واحد

واحد زميلنا هنا كان بيعمل زي ما إنت عايزني أعمل ...وكان بينشر حاجات على الفيس بوك عن الفساد اللي موجود في أجهزة الدولة ..وكان طبعا من ضمن الأجهزة اللي فيها فساد ..الجيش المصري العظيم ..واحد زميلنا تاني ..من اللي بنسميهم في سوق اليومين دول ..أمنجي...بلغ عنه إدارة الشركة ..ولولا إن زميلنا اللي بيحارب الفساد عبر الفيس بوك ده ليه واحد في المخابرات ...كان إتعمل علية حفلة السنين ...وكان راح مع اللي راحوا ..

أنا مثلا ...بحارب على النت ..وشغال نشر في صورة واحده في الشهر العقاري بتقشر كوسه ..وواحد موظف فاتح درجه عشان ياخد رشوه ..والمشاكل اللي حاصله في موضوع قناة السويس الجديده ..ومشكلة سد النهضة ..ما كله فساد ..ومع إني مش كاتب إسمي الحقيقي على الفيس بوك ..ومع إني خافي معلوماتي من على الفيس بوك ..إلا إني بلاقي ناس صحابي أنا ضايفهم بيحذروني من الكلام ده ..وبيقولوا لي خلي بالك ..وده اللي خلاني أعمل حساب تاني على الفيس بوك عشان لو لاقدر الله وقفت في كمين وإتسألت على الموبايل يبقى وقتها اللي مفتوح الحساب الوهمي


هنا مثلا في المشاركة اللي أنا بكتبها دي ..لو حضرتك طلبت مني أي بيانات تخصني ..زي مثلا رقم تليفوني أو عنواني ..أكيد هرفض إني أتواصل مع حضرتك ..لإني مضمنش بعد الكلام اللي أنا كتبته ده ..ممكن يحصل معايا إيه ..

قبل ما أنسى ..حضرتك بتحاول تبسط الموضوع ...وبتحاول تقنعنا إن هي مشكلة فساد وبس خلاص ..وكأن في أجهزة في الدولة هتقدر تكشف الفساد ده ..رغم إنك في تاني مشاركة ليك بتقول المفروض يبقى المطلب تغيير الإدارة ..وبعدين رجعت قلت إنت مش مطلوب منك تغير الإدارة ..حضرتك ذات نفسك شايف إن الموضوع كبير ..بس عمال تجيبها من الأول شوية ومن الآخر شوية ..وأنا قلتلك ..هي بادئة بترس كبير ..منتهية بترس صغير ..اللي هو الموظف اللي فاتح درجه ...وبعدين حضرتك بتتكلم كأن في حساب في البلد دي وكان الفاسد بيتحاسب بجد ..والله العظيم أنا شفت واحد ممسوك في قضية إتجار في حبوب مخدره وواحد تاني إخوان ..سابو اللي متهم في قضية حبوب مخدره وطلع بكفالة 1000 جنيه ..وحبسوا الإخوان ..وبعدين عايز تتكلم ..عندك الفيس بوك ..عندك الشارع ..أقعد كده مع الناس وكلمهم عن فساد الإدارة وعن فساد الدولة ...بس إبقى خلي بالك لحد يبلغ عنك

مع احترامى لرأيك احتفظ برايي الشخصي لان نقاشنا اكتر من كده مش جيوصلنا لحاجه وحيتحول لجدل مفيش داعى ليه لان احنا واضح اننا مختلفين فى الرؤيه العامه للمشكله وكذلك طبيعه الحل

بس ملحوظه بسيطه فى ظل اى دوله بوليسيه الحكومه مش محتاجه حد يكتب رقم تليفونه وعنوانه او اسمه حتى علشان تقدر تجيبه الموضوع اسهل من كده .
تحياتى .

اولا .. احب اشكر حضرتك و موضوعك على سلامة قصدك .. و حبك لبلدك . ثانيا .. اريد ان اعلق على جزئية القطاع الخاص تحديدا .. لعلمي و اشتغالي به لعدة سنوات من حياتي العملية .. الكلام بان الموظف قد اترضى المرتب فلا يجوز له المطالبة بزيادته ! .. طرح غير دقيق .. و هل اعباء و مسؤوليات الموظف الوظيفية لا تزداد بالتقادم ؟ .. بل تزداد احيانا ايضا بسبب تقليص صاحب العمل لموظفيه مع بقاء حجم العمل دون انكماش ! .. و هل اسعار الخدمة او المنتج المقدم من مؤسسته او شركته لا تزداد تحت ضغط التضخم و تحريك الاسعار كغيرها من السلع الاستهلاكية الضرورية لموظفيه و اسرهم ! .. و هل تعاقد صاحب العمل مع موظفين لا تتغير ظروفهم الاجتماعية كباقي البشر من العزوبية الى الزواج ثم الى الاعالة بل من الصحة الى المرض ! .. و الحقيقة ان معظم العمل الخاص يستنزف افراده جسديا و عصبيا بأضعاف غيره من قطاعات .. فأين المقابل ؟ .. كما ان العمل الخاص عادة يدير ظهره لموظفيه عند المرض المزمن او الكبر .. فإذا لم يأخذ الموظف كامل حقه سليما معافا .. فمتى سيأخذه ؟ .. كل ما فات على اعتبار ان صاحب العمل لا يتحايل على القوانين لسلب الموظفين حقوقهم و امتيازاتهم في العمل او بعد التقاعد .. وفي الختام .. من يدفع فعلا فاتورة اخفاق العمل الخاص ؟ .. لا شك بأن صاحب العمل قد جازف بأمواله .. و لكن هناك من موظفيه من يجازفون بشبابهم و مستقبل ذويهم .

المشاركة الأصلية كتبت بواسطة forever.leo

اولا .. احب اشكر حضرتك و موضوعك على سلامة قصدك .. و حبك لبلدك . ثانيا .. اريد ان اعلق على جزئية القطاع الخاص تحديدا .. لعلمي و اشتغالي به لعدة سنوات من حياتي العملية .. الكلام بان الموظف قد اترضى المرتب فلا يجوز له المطالبة بزيادته ! .. طرح غير دقيق .. و هل اعباء و مسؤوليات الموظف الوظيفية لا تزداد بالتقادم ؟ .. بل تزداد احيانا ايضا بسبب تقليص صاحب العمل لموظفيه مع بقاء حجم العمل دون انكماش ! .. و هل اسعار الخدمة او المنتج المقدم من مؤسسته او شركته لا تزداد تحت ضغط التضخم و تحريك الاسعار كغيرها من السلع الاستهلاكية الضرورية لموظفيه و اسرهم ! .. و هل تعاقد صاحب العمل مع موظفين لا تتغير ظروفهم الاجتماعية كباقي البشر من العزوبية الى الزواج ثم الى الاعالة بل من الصحة الى المرض ! .. و الحقيقة ان معظم العمل الخاص يستنزف افراده جسديا و عصبيا بأضعاف غيره من قطاعات .. فأين المقابل ؟ .. كما ان العمل الخاص عادة يدير ظهره لموظفيه عند المرض المزمن او الكبر .. فإذا لم يأخذ الموظف كامل حقه سليما معافا .. فمتى سيأخذه ؟ .. كل ما فات على اعتبار ان صاحب العمل لا يتحايل على القوانين لسلب الموظفين حقوقهم و امتيازاتهم في العمل او بعد التقاعد .. وفي الختام .. من يدفع فعلا فاتورة اخفاق العمل الخاص ؟ .. لا شك بأن صاحب العمل قد جازف بأمواله .. و لكن هناك من موظفيه من يجازفون بشبابهم و مستقبل ذويهم .

لا حضرتك فهمت كلامى غلط انا بتكلم فى جزئيه الارباح مش زياده المرتب لان طبيعى ان اى موظف او عامل بيزيد مرتبه سنويا او كل فتره على الاقل لمواجهه التضخم لانى لو قولت ان العامل يفضل ياخد نفس المرتب فيعد 5 سنين مرتبه مش حيكفيه مواصلات
ولكن اللى بتكلم فيه ان بعض العاملين بيطالب بجانب زياده مرتبه جزء من ارباح المنشئه وده اللى انا شايفه مش منطقى لان الارباح بعد اقتطاع المرتبات والضرائب وباقى المصروفات مفترض انها خاصه بصاحب العمل له حريه التصرف فيها
واكيد من حق كل موظف فى القطاع الخاص طالما مجهوده بيزيد او بتغيير وضعه الوظيفي انه مرتبه يزيد واذا كان فى عمل اضافى ليه خارج عمله المحدد فحقه الحصول على بدلات تكافى جهده وده حق انا مقدرش اتكلم فيه
تحياتى.

عندي قناعة ان مصر لا تنقصها الموارد .. مصر .. قطاع عام او خاص او اي قطاع ! .. ينقصه عدالة التوزيع .. مطلوب التوقف .. عن تمييز افراد او فئات طفيلية لا تستحق .. على حساب اصحاب الكفاءة و الموهبة .

المشاركة الأصلية كتبت بواسطة forever.leo

عندي قناعة ان مصر لا تنقصها الموارد .. مصر .. قطاع عام او خاص او اي قطاع ! .. ينقصه عدالة التوزيع .. مطلوب التوقف .. عن تمييز افراد او فئات طفيلية لا تستحق .. على حساب اصحاب الكفاءة و الموهبة .

بالفعل مصر لا تنقصها الموارد ولكن ينقصها من يدير الموارد بشكل كامل وامثل
ولكن الحل الاسهل والاسرع لاى حكومه علشان تقدر تسد العجز المالى بشكل عاجل فرض ضرائب وزياده اسعار ولان استغلال الموارد بيحتاج وقت علشان يتم تفعيله ويصبح مصدر للدخل القومى فنتمنى ان اى حكومه حاليه او قادمه تكون شغاله فى الحلول العاجله والحلول اللى بتحتاج وقت لعلها تخفف الضغط على الافراد من السياسات المتمثله فى الجبايه فقط .

عداله التوزيع بالرغم انها احد مشاكل المجتمع ولكنها صعب يتم حلها بشكل ادارى لان موضوع العداله نسبي فاللى حد بيشوفه عادل غيره بيشوفه غير عادل وبالتالى حلها فى بناء الضمير المجتمعى اللى حيخللى الاجيال اللى جايه تحط كل شئ فى موضعه وحتى الخطأ بتاعهم حيكون غير مقصود انما غير كده صعب نغير موضوع المحسوبيه واصحاب الثقه عن اصحاب الكفاءه لان من الممكن جدا ان يكون احد اصحاب الثقه "ما نسميه محسوبيه" يكون نفس الشخص صاحب الكفاءه "ده غالبا بيكون مش صح ولكنه وارد"
الحل الاسهل فى موضوع التمييز "من وجهه نظرى "اعطاء فرصه اكبر للشباب داخل الادارات فمهما اتلوث باشكال الفساد مش حيبقى زى اللى بقاله سنوات عايش فيه لحين ظهور اجيال تعرف معنى الضمير المهنى داخل المؤسسات .
تحياتى .

المشاركة الأصلية كتبت بواسطة eslamrace

بالفعل مصر لا تنقصها الموارد ولكن ينقصها من يدير الموارد بشكل كامل وامثل
ولكن الحل الاسهل والاسرع لاى حكومه علشان تقدر تسد العجز المالى بشكل عاجل فرض ضرائب وزياده اسعار ولان استغلال الموارد بيحتاج وقت علشان يتم تفعيله ويصبح مصدر للدخل القومى فنتمنى ان اى حكومه حاليه او قادمه تكون شغاله فى الحلول العاجله والحلول اللى بتحتاج وقت لعلها تخفف الضغط على الافراد من السياسات المتمثله فى الجبايه فقط .

عداله التوزيع بالرغم انها احد مشاكل المجتمع ولكنها صعب يتم حلها بشكل ادارى لان موضوع العداله نسبي فاللى حد بيشوفه عادل غيره بيشوفه غير عادل وبالتالى حلها فى بناء الضمير المجتمعى اللى حيخللى الاجيال اللى جايه تحط كل شئ فى موضعه وحتى الخطأ بتاعهم حيكون غير مقصود انما غير كده صعب نغير موضوع المحسوبيه واصحاب الثقه عن اصحاب الكفاءه لان من الممكن جدا ان يكون احد اصحاب الثقه "ما نسميه محسوبيه" يكون نفس الشخص صاحب الكفاءه "ده غالبا بيكون مش صح ولكنه وارد"
الحل الاسهل فى موضوع التمييز "من وجهه نظرى "اعطاء فرصه اكبر للشباب داخل الادارات فمهما اتلوث باشكال الفساد مش حيبقى زى اللى بقاله سنوات عايش فيه لحين ظهور اجيال تعرف معنى الضمير المهنى داخل المؤسسات .
تحياتى .

متفق مع حضرتك في معظم كلامك .. و لكن ارى ان العدالة لا تحتاج الوقت .. تحتاج فقط الارادة الصلبة .. احد الحلول المجنونة في مخيلتي .. اذا كان التغيير العاجل و الملح صعبا .. .. هو انشاء مؤسسات موازية .. تتمتع بالكفائة و العصرية و نظافة اليد و الضمير .. مع الابقاء على المؤسسات الحالية .. كمؤسسات متحفية .. تزكم الانوف .. و تلقى العبرة للناظرين .. الى حين القاء قاطنيه في سرداب المعاش الى الابد .. غير مأسوف عليهم .