الموضوع: موظفين الحكومه والقطاع الخاص والتجار

حضرتك بادئ من قاع الهرم ..أو أقدر أقول بادئ بوضع العربه أمام الحصان ..أو عاكس الموضوع

السيد العضو اللي قال إنه سأل موظف حكومي قاله إنت عامل إضراب ليه مع إن الشركة بتخسر ..؟؟؟؟أنا عاوز أقوله إن مفيش حد فيكي يا مصر إلا وعارف إن فيه سرقه ..وفيه فساد ..وإن الشركة لما بتخسر الوحيد اللي بيخسر مع الشركة دي العامل الغلبان ..والوحيد اللي مش من حقه يطالب بحقه ..لأ وإيه ..مطلوب منه يتنازل كمان عن حقه عشان الشركة بتخسر ..هو العامل الغلبان ..طيب بالنسبه لرئيس مجلس الإدارة بتاع الشركة ..إيه ظروفه ..؟؟ما بيقبض مرتبه كامل شامل بمكافأته رغم إن الشركة بتخسر ..طيب بالنسبه للسادة أعضاء مجالس الإدارات ..اللي بقوا بالتعيين دلوقتي ..بعد ما كانوا بالإنتخاب وده في شركات كتير ..إيه ظروفهم ..ما بدلاتهم بياخدوها كامله مكمله ..كل اللي عاملين إضراب عارفين إن سبب خسائر الشركات دي هي السرقة ..وعشان كده هو مش هيتضامن ومش هيتعاطف مع الشركة إنها بتخسر لإن هو عارف إن اللي خسرها السرقة ..هديك مثال ..فاكر بعد تنحي مبارك مباشرة ..اللي هي الفترة على الأقل يعني من 11 فبراير لغاية 19 مارس 2011 .. ..فاكر الحالة المعنوية بتاعة الناس كانت عامله إزاي ..سمعت من حد في الفترة دي أي مطالب فئوية ..سمعت أي حد بيتكلم عن زيادة المرتبات أو إرتفاع الأسعار ..بالعكس ..ده كان في حالة من التفاؤل والسعادة عند الناس غير عادية ..هو صحيح بيطلع علينا دلوقتي قرف وزهق وعكننه ..من نور بيقطع وبنزين هيغلى وجدول أجور بيفرم فيه الناس الغلابه أكتر ما هي مفرومة ..بس الناس وقتها كان عندها حالة من التعاطف العام مع حالة البلد ككل ..فاكر البوسترات اللي كانت ماليه الشوارع بتاعة مش هدفع رشوة ..مش هكسر إشارة.. مش هرمي زبالة ..فاكر الكلام ده ..فاكر الشباب اللي كانوا بينزلوا يدهنوا الأرصفه بالألوان ..فاكر ..كل ده ليه ..عشان الناس كانت حاسه إن ليها قضية ..قضية بلد هما بيحبوها ..إنما دلوقتي ..حضرتك جاي تكلم موظف حكومه طالع عينه أصلا وتقوله عيب ..الشركة بتخسر ..إزاي عايز مرتبك يزيد؟؟؟ ..هيرد عليك ويقولك هو أنا اللي خسرتها ..هو عايز يقولك هو أنا اللي سرقتها ..بس هو عشان مش قادر يمسك أدلة السرقة بالمستندات ..بس هو عارف وشايف إن اللي خسر الشركة السرقة ..زي حضرتك ما عارف إن البلد كلها سرقة ..وأنا عن نفسي موظف حكومي على فكره ..ولو جيت تقولي عيب الشركة بتخسر متطالبش بزيادة دلوقتي ..أصبر شوية ..هقولك يعني هي تخسر عندي أنا وعند رئيس مجلس الإدارة بتكسب؟؟؟ ..وبياخد حقه تالت ومتلت ومربع ..

إحنا عاوزين العدل ..ومن أول آليات تحقيق العدل ..هو البحث ووقف السرقة فورا ..عارف لو وصلت لي إن مفيش سرقة في البلد ..أنا أكيد هقتنع إن زيادة مرتبي في الوقت ده حرام ..وظلم وإني لازم أصبر شوية ..بس أصبر ليه ؟؟؟عشان أصحاب الكروش كروشهم تكبر أكتر وأنا أزيد جوع وفقر ..الشعب الألماني بعد الحرب العالمية كان بيشتغل ساعة كل يوم بدون أجر ..عشان هو كان بيحمل هم بلده ووطنه..ومؤمن بقضيته ..تعالى بقى قول لحد هنا في مصر إشتغل ساعة بدون أجر عشان خاطر مصر ..أنا عن نفسي مضمنش الرد هيكون إيه على حضرتك ..بس أكيد هتسمع كلام على شاكلة ..ماااااااااسر ..هي ماسر عملتلنا إيه ..؟؟؟؟؟؟؟؟؟؟؟؟؟؟.....

حضرتك بادئ من قاع الهرم ..أو أقدر أقول بادئ بوضع العربه أمام الحصان ..أو عاكس الموضوع

السيد العضو اللي قال إنه سأل موظف حكومي قاله إنت عامل إضراب ليه مع إن الشركة بتخسر ..؟؟؟؟أنا عاوز أقوله إن مفيش حد فيكي يا مصر إلا وعارف إن فيه سرقه ..وفيه فساد ..وإن الشركة لما بتخسر الوحيد اللي بيخسر مع الشركة دي العامل الغلبان ..والوحيد اللي مش من حقه يطالب بحقه ..لأ وإيه ..مطلوب منه يتنازل كمان عن حقه عشان الشركة بتخسر ..هو العامل الغلبان ..طيب بالنسبه لرئيس مجلس الإدارة بتاع الشركة ..إيه ظروفه ..؟؟ما بيقبض مرتبه كامل شامل بمكافأته رغم إن الشركة بتخسر ..طيب بالنسبه للسادة أعضاء مجالس الإدارات ..اللي بقوا بالتعيين دلوقتي ..بعد ما كانوا بالإنتخاب وده في شركات كتير ..إيه ظروفهم ..ما بدلاتهم بياخدوها كامله مكمله ..كل اللي عاملين إضراب عارفين إن سبب خسائر الشركات دي هي السرقة ..وعشان كده هو مش هيتضامن ومش هيتعاطف مع الشركة إنها بتخسر لإن هو عارف إن اللي خسرها السرقة ..هديك مثال ..فاكر بعد تنحي مبارك مباشرة ..اللي هي الفترة على الأقل يعني من 11 فبراير لغاية 19 مارس 2011 .. ..فاكر الحالة المعنوية بتاعة الناس كانت عامله إزاي ..سمعت من حد في الفترة دي أي مطالب فئوية ..سمعت أي حد بيتكلم عن زيادة المرتبات أو إرتفاع الأسعار ..بالعكس ..ده كان في حالة من التفاؤل والسعادة عند الناس غير عادية ..هو صحيح بيطلع علينا دلوقتي قرف وزهق وعكننه ..من نور بيقطع وبنزين هيغلى وجدول أجور بيفرم فيه الناس الغلابه أكتر ما هي مفرومة ..بس الناس وقتها كان عندها حالة من التعاطف العام مع حالة البلد ككل ..فاكر البوسترات اللي كانت ماليه الشوارع بتاعة مش هدفع رشوة ..مش هكسر إشارة.. مش هرمي زبالة ..فاكر الكلام ده ..فاكر الشباب اللي كانوا بينزلوا يدهنوا الأرصفه بالألوان ..فاكر ..كل ده ليه ..عشان الناس كانت حاسه إن ليها قضية ..قضية بلد هما بيحبوها ..إنما دلوقتي ..حضرتك جاي تكلم موظف حكومه طالع عينه أصلا وتقوله عيب ..الشركة بتخسر ..إزاي عايز مرتبك يزيد؟؟؟ ..هيرد عليك ويقولك هو أنا اللي خسرتها ..هو عايز يقولك هو أنا اللي سرقتها ..بس هو عشان مش قادر يمسك أدلة السرقة بالمستندات ..بس هو عارف وشايف إن اللي خسر الشركة السرقة ..زي حضرتك ما عارف إن البلد كلها سرقة ..وأنا عن نفسي موظف حكومي على فكره ..ولو جيت تقولي عيب الشركة بتخسر متطالبش بزيادة دلوقتي ..أصبر شوية ..هقولك يعني هي تخسر عندي أنا وعند رئيس مجلس الإدارة بتكسب؟؟؟ ..وبياخد حقه تالت ومتلت ومربع ..

إحنا عاوزين العدل ..ومن أول آليات تحقيق العدل ..هو البحث ووقف السرقة فورا ..عارف لو وصلت لي إن مفيش سرقة في البلد ..أنا أكيد هقتنع إن زيادة مرتبي في الوقت ده حرام ..وظلم وإني لازم أصبر شوية ..بس أصبر ليه ؟؟؟عشان أصحاب الكروش كروشهم تكبر أكتر وأنا أزيد جوع وفقر ..الشعب الألماني بعد الحرب العالمية كان بيشتغل ساعة كل يوم بدون أجر ..عشان هو كان بيحمل هم بلده ووطنه..ومؤمن بقضيته ..تعالى بقى قول لحد هنا في مصر إشتغل ساعة بدون أجر عشان خاطر مصر ..أنا عن نفسي مضمنش الرد هيكون إيه على حضرتك ..بس أكيد هتسمع كلام على شاكلة ..ماااااااااسر ..هي ماسر عملتلنا إيه ..؟؟؟؟؟؟؟؟؟؟؟؟؟؟.....

المشاركة الأصلية كتبت بواسطة hamo81

فعلا معاك حق
انا أتخصم منى ومن كل الموظفين من الحوافز 100 جنية لأن الميزانية لا تسمح وعرفت بالصدفة من موظفين في الماليات إن في 300 ألف جنية أتصرفت تحت بند شيكولاته للضيوف
انا عن نفسي أنبهرت !!!

ياباشا الشعب المصري كله بينبهر ..هو إحنا لسه شفنا إنبهارات ..والله العظيم كلامك كأنه على الشركة اللي أنا شغال فيها ..يخصموا منك عشان الشركة محققتش أرباح ..وهما هما الناس اللي سارقينها وسبب في خرابها بيقبضوا وفلوسهم متتأخرش يوم

حضراتكم اجمعتم على ان المشكله فى سرقه الاداره او سوء قراراتها طيب يبقى منطقى ان يكون مطلب العامل تغيير الاداره او المطالبه بتشديد الرقابه عليهم علشان نحل اصل المشكله ونبدأ بعد كده نطالب بحق الزياده اللى كل واحد عايزها انما المشكله ان كل واحد طالب زياده لو اتلبي طلبه بيتسبب فى مشكله ما لشركته اولا "تعظيم الخساير " وممكن يترتب عليه ضرر شخصي لان الشركات دى طول ما هى بتخسر توقع من اى حكومه حاليه او جايه بتفكر بشكل منطقى انها تقفل الشركات اللى بتستنفذ جزء من ايراداتها بلا مقابل
ولو متححقتش مطالبه فالشعور النفسي اللى بيكون عند العامل حيخليه ميشتغلش بشكل او باخر ويتعمد انه اما ياخد حاجات مش حقه فى الشركه "عينيه" او يقلل انتاجيته من باب على قد فلوسهم وفى كل الاحوال هو بيخسر والشركه بتخسر والمجتمع بيخسر
انما اللى بتكلم فى اننا لو العامل بقى ايجابي وحاول باي شكل شكاوى اداريه او اعلاميه او قضائيه انه يغير اسباب فشل الشركه ونجح فى ده على الاقل حنبقى استفادنا شركه ناجحه فى القطاع الحكومى انما فكره اننا بنحل الغلط بغلط بمبدأ حتيجى عليا او المشكله مش عندى يبقى حنستمر فى المشكله وحنتفرج عليها وهى بتتفاقم
الحاجه التانيه ان فكره ان رؤساء مجالس الادارات هم سبب المشكله بسبب السرقه بتاعتهم ده جزء من الصوره فقط لان الصوره الكامله بتقول ان ده بالفعل واقع ولكن لو استمر الواقع ده بالشكل ده هم حيتسببوا فى انهيار واغلاق الشركات دى بسبب ان منطقيا شركه بتخسر او مصتنع بيخسر اه الدوله بتوفر مرتباته بس لو اتعطل الانتاج بسبب عطل فى مكنه ما او جهاز ما الحكومه مش حتصلحه وفى حاله اتخاذ قرار بغلق الشركه رئيس مجلس الاداره مش حيتضر لانه غالبا عنده شركه خاصه بره انما اللى حياتهم حتنهار هو الموظف اللى مطالبش بحل اصل المشكله وهو تغيير الاداره .

فى النهايه انا مش مع او ضد انا بس بحاول افكر بعيدا عن الموضوع "لانى مش موظف " فممكن اكون شايف الموضوع بشكل مختلف عن اللى موجود داخل الوضع بس وجهه نظرى ان العامل او الموظف لو عارف ان المشكله فى الاداره وساكت فهو مخطئ خطأ جسيم فى حق نفسه وفى حق المكان اللى هو شغال فيه "بيته التانى" لانه اما المشكله فعلا فى الاداره ولما تتغير الوضع يتحسن او انه مخطئ فيحاول يدور على السبب الحقيقي لتدهور الاوضاع .
وبالتالى بدل منكون جزء من المشكله نكون جزء من الحل.

كامل احترامى لارائكم ولكن انا متفق مع كلامكم ظاهريا ولكن مختلف معاكم فى تفاصيل الحل .
تحياتى .

المشاركة الأصلية كتبت بواسطة eslamrace

حضراتكم اجمعتم على ان المشكله فى سرقه الاداره او سوء قراراتها طيب يبقى منطقى ان يكون مطلب العامل تغيير الاداره او المطالبه بتشديد الرقابه عليهم علشان نحل اصل المشكله ونبدأ بعد كده نطالب بحق الزياده اللى كل واحد عايزها انما المشكله ان كل واحد طالب زياده لو اتلبي طلبه بيتسبب فى مشكله ما لشركته اولا "تعظيم الخساير " وممكن يترتب عليه ضرر شخصي لان الشركات دى طول ما هى بتخسر توقع من اى حكومه حاليه او جايه بتفكر بشكل منطقى انها تقفل الشركات اللى بتستنفذ جزء من ايراداتها بلا مقابل
ولو متححقتش مطالبه فالشعور النفسي اللى بيكون عند العامل حيخليه ميشتغلش بشكل او باخر ويتعمد انه اما ياخد حاجات مش حقه فى الشركه "عينيه" او يقلل انتاجيته من باب على قد فلوسهم وفى كل الاحوال هو بيخسر والشركه بتخسر والمجتمع بيخسر
انما اللى بتكلم فى اننا لو العامل بقى ايجابي وحاول باي شكل شكاوى اداريه او اعلاميه او قضائيه انه يغير اسباب فشل الشركه ونجح فى ده على الاقل حنبقى استفادنا شركه ناجحه فى القطاع الحكومى انما فكره اننا بنحل الغلط بغلط بمبدأ حتيجى عليا او المشكله مش عندى يبقى حنستمر فى المشكله وحنتفرج عليها وهى بتتفاقم
الحاجه التانيه ان فكره ان رؤساء مجالس الادارات هم سبب المشكله بسبب السرقه بتاعتهم ده جزء من الصوره فقط لان الصوره الكامله بتقول ان ده بالفعل واقع ولكن لو استمر الواقع ده بالشكل ده هم حيتسببوا فى انهيار واغلاق الشركات دى بسبب ان منطقيا شركه بتخسر او مصتنع بيخسر اه الدوله بتوفر مرتباته بس لو اتعطل الانتاج بسبب عطل فى مكنه ما او جهاز ما الحكومه مش حتصلحه وفى حاله اتخاذ قرار بغلق الشركه رئيس مجلس الاداره مش حيتضر لانه غالبا عنده شركه خاصه بره انما اللى حياتهم حتنهار هو الموظف اللى مطالبش بحل اصل المشكله وهو تغيير الاداره .

فى النهايه انا مش مع او ضد انا بس بحاول افكر بعيدا عن الموضوع "لانى مش موظف " فممكن اكون شايف الموضوع بشكل مختلف عن اللى موجود داخل الوضع بس وجهه نظرى ان العامل او الموظف لو عارف ان المشكله فى الاداره وساكت فهو مخطئ خطأ جسيم فى حق نفسه وفى حق المكان اللى هو شغال فيه "بيته التانى" لانه اما المشكله فعلا فى الاداره ولما تتغير الوضع يتحسن او انه مخطئ فيحاول يدور على السبب الحقيقي لتدهور الاوضاع .
وبالتالى بدل منكون جزء من المشكله نكون جزء من الحل.

كامل احترامى لارائكم ولكن انا متفق مع كلامكم ظاهريا ولكن مختلف معاكم فى تفاصيل الحل .
تحياتى .

أحيه ...حضرتك عايز العامل يطلب أو يبقى من مطالبه تغيير الإدارة ...يا نهار ..إنت عاوز تحبسنا ولا إيه يا عم ؟؟؟تقدر حضرتك تطالب بتغيير الإدارة ..وأنا بتكلم على حضرتك كمواطن عايش في البلد ..سؤال بعد إذنك عاوز إجابه ليه ..تقدر حضرتك تطالب بتغيير الإدارة بتاعة البلد ؟؟؟؟......علطول هتبقى إرهابي وداعشي وإخواني ..إحنا برضه اللي شغالين في الشركات كده ..لو طالبنا بتغيير الإدارة هتبقى محرضين وإرهابيين ومخربين ..وبعدين رؤساء مجالس إدارة الشركات دول آآآآآآآآآآآآآخر ترس في المنظومة ..المنظومة ياباشا بادئه بالترس الكبيييييييييييييييييييير وبتمر بمجموعة تروس كتييييييييييييير ..بتنتهي بقى برؤساء مجالس الإدارات ..أو يمكن مديرين الإدارات ..أو يمكن كمان الموظف الفاسد المرتشي اللي قاعد على مكتبه وفاتح الدرج بتاعه ..ولله الفضل والمنه ..أنا مش من اللي فاتحين درجهم ...تعالى بقى طالب بتغيير الترس الكبييييير ..طيب طالب بتغيير الترس اللي تحت منه ..طيب اللي تحت منه ..طيب طالب بتغيير أصغر ترس في المنظومة ...ها هاي ..طيب ما هي المنظومة لسه موجوده ..بقلك إيه يا سيدي الفاضل ..خلينا ساكتين ..وياريت حضرتك كمان تسكت...عشان لو إتكلمت ..حضرتك عارف تهمتك إيه من دلوقتي ..وعادي ..دكاترة طب وأساتذة جامعات وبنات طالبوا بتغيير الإدارة ..وحضرتك عارف هما فين دلوقتي