ماذا تختار لو كنت مكاني؟ مازدا - سوبارو - هوندا

**SeaShark** · 13-05-2015 01:44 AM

المشاركة الأصلية كتبت بواسطة hugan

بعيدا عن اي فنيات
مازدا3عربيه فضائيه التصميم
انتشا رها حاليا مقبول وافضل من هوندا بمراحل

المازدا ٣ تصميمها من الداخل و الخارج اكثر من رائع بها جميع الكماليات الممكنة و لكن عيوبها مش قليلة (لو هنتكلم علي الفنيات)

- موتور ١٠٥ حصان فقط.
- فتيس ٤ سرعات.
- عزل سيء مما يجعلك تشعر بالسرعة و عدم الامان.

**SeaShark** · 13-05-2015 01:47 AM

المشاركة الأصلية كتبت بواسطة mazagangee

مازدا تحفه… بس الشكل هيتغير في 2017
سوبارو مناسبة جدا للشوارع المصرية…

تغيير شكل اي عربية وارد في اي سنة عمرك ما هتجيب عربية شكلها مش هيتغير بعد ثلاث الي اربع سنوات او اقل لكن العربية ضعيفة كموتور و فتيس و عزل رديء

سوبارو مناسبة بالفعل و لكنها فقيرة في الكماليات و لا تقارن بالمازدا و سعر اعادة بيع سيء

**SeaShark** · 13-05-2015 01:50 AM

المشاركة الأصلية كتبت بواسطة 4fun14

لو مكانك سيفيك بدون تفكير

السيفيك يعيبها الشكل الخارجي الغير متناسب مع سعرها العالي
مبيعاتها انخفضت جدا بسبب الشكل الجديد بعد النجاح الساحق الذي حققه الجيل الثامن و اعتقد ان هوندا سوف تغير التصميم في القريب العاجل

**SeaShark** · 13-05-2015 01:53 AM

المشاركة الأصلية كتبت بواسطة adel1212

مازدا ٣توقفت عندها كثير قبل اشتري عربيتى الحاليه عربية روعة و مش شايف ان الموتور و الفتيس مشكلة كبرى(رغم اعترافي بقدم التكنولوجيا المستخدمة)
استبعدتها لانى كنت ناوي على سيارة مرتفعة عن الارض
تمنياتي بحسن الاختيار

اشكرك

المشاركة الأصلية كتبت بواسطة eng.mark

ليه حضرتك مافكرتش في سوبارو impreza ؟!

بفكر في الامبريزا الهاي لاين و لكن سعر و صعوبة اعادة البيع و قلة الكماليات هي المشكلة (حتي ولا مثبت سرعة ولا مرايات ضم)
غير كده الامبريزا رائعة

**SeaShark** · 13-05-2015 01:54 AM

المشاركة الأصلية كتبت بواسطة shifoo68

لو مكانك وانا اتفرجت عليها وعجبانى تقفيل وخامات ومحدش اشتكى منها الموديل دة أو أى موديل قبلة طبعا اكيد الهوندا سيفيدك تكسب بمراحل مع توكيل محترم جدا وموفر كل حاجة أحلى عربية بس تتركب أعلى فئة

انا ميال للسيفيك اكتر حاجة مع انها مبيعاتها انخفضت جدا و شكلها سئ و علي وشك يتغير

**SeaShark** · 13-05-2015 01:56 AM

المشاركة الأصلية كتبت بواسطة ابو هنا

السوبارو فقيرة جدا من الداخل . حتى كاسيت الهاي لاين عادي مش بلت ان في التبلوة
تصميم داخلي وخارجي وكماليات المازدا تحفه فنية . ولكن من فتره طويلة سمعت احد الاعضاء اشتكى من الثبات .
الهوندا الشكل الخارجي متوسط غير ذلك كلة ممتاز .
صوت العقل الهوندا . صوت القلب المازرا

حضرتك جبت من الاخر يا باشا
و انا محتار بءي بين العقل (هوندا) و القلب (مازدا) و مش عارف اقرر

**SeaShark** · 13-05-2015 02:00 AM

المشاركة الأصلية كتبت بواسطة scientist9508

السوبارو سوا امبريزا او xv افضلهم على الاطلاق و ان كان كلامى لا يعيب فى الباقى و لكن ببساطه السوبارو افضل

بفكر في الامبريزا هي ارخصهم (مع قلة الكماليات) و اعادة البيع
انا مش بشوف امبريزا في الشارع نهائي
يمكن ال xv الي حد كبير بدأت تتباع و انا عجباني الامبريزا جدا بس برضه افقر بكثير من الداخل من المازدا و الهوندا

المشاركة الأصلية كتبت بواسطة 0samah

انا فكرت كتير قبل م اخد قرار شراء عربيه اخدت حوالي 6 شهور او اكتر بفكر و اقرر وادور واقرا علشان اوصل لافضل اختيار انا الحمد لله ربنا رزقني حاليا ب سوبارو xv 2015 عربيه محترمه يباني 100% ومناسبه جدا للطرق المصريه
رأي المتواضع السيفك عربيه جميله معمره قطع غيار غاليه لكن معمره ثابته علي الطريق بس عيبها من وجه نظري واطيه جدا جدا بتحك في اي مطب ولو معاك ناس ومحمل يبقي الله يكون ف عونك في الحك
المازدا انا معرفش عنها حاجه بس في المقارنه دي هي اقلهم
السوبارو ثبات قطع غيار ارخص كتير من سيفك معمره انظمه امان لا تحصلي دفع كلي الاعلي عن الارض ب 22 سم 8 اير باج
اعتقد هي احسن اختيار في فئتها

والله انا محتار

**AhmedFarhan** · 13-05-2015 03:34 PM

- انا كنت زيك و قررت سيفيك ان شاء الله

**SeaShark** · 13-05-2015 04:15 PM

المشاركة الأصلية كتبت بواسطة ahmedfarhan

- انا كنت زيك و قررت سيفيك ان شاء الله

شكلها هترسي علي كده

بس السيفيك لو بنتكلم علي الهايلاين سعرها مبالغ فيه جدا بالنسبة للكماليات يعني مرايات مش ضم و حتي الفرش مش جلد يعني عربية ب ٢٢٥٠٠٠ و فرش قماش!!

هل تستحق السعر ده ولا لا ؟ هو ده اللي بفكر فيه دلوقتي

**AhmedFarhan** · 13-05-2015 10:12 PM

المشاركة الأصلية كتبت بواسطة seashark

شكلها هترسي علي كده

بس السيفيك لو بنتكلم علي الهايلاين سعرها مبالغ فيه جدا بالنسبة للكماليات يعني مرايات مش ضم و حتي الفرش مش جلد يعني عربية ب ٢٢٥٠٠٠ و فرش قماش!!

هل تستحق السعر ده ولا لا ؟ هو ده اللي بفكر فيه دلوقتي

هو بصراحه سعرها اغلى من حقها بس فى نفس الوقت انا لاقيتها مناسبه و الاوبشن اللى فيها مش هحتاج اكتر منها و كمان كده كده الاسعار بتغلى و هتغلى كل فتره.
اكتر عربيه فكرت فيها هى السوبارو و هى ممكن تكون احسن من السيفيك فى الثبات بس الفارق مش كبير اوى .لكن السيفيك هتحس بالثبات و فيها انظمة امان و فى نفس الوقت سواقتها ممتعه اكتر من السوبارو و دى و جهة نظرى.