معروض عليا عربيتين اليومين دول، عربية بروتون واجا 2006 أوتو حالتها كويسة لكن محتاجة شوية مصاريف سمكرة ودوكو، وعربية تانية دايو نوبيرا 2003 أوتو ... اختار ايه مع العلم إن أصحابهم بيتكلموا فى رينج 58 ألف
عرض للطباعة
معروض عليا عربيتين اليومين دول، عربية بروتون واجا 2006 أوتو حالتها كويسة لكن محتاجة شوية مصاريف سمكرة ودوكو، وعربية تانية دايو نوبيرا 2003 أوتو ... اختار ايه مع العلم إن أصحابهم بيتكلموا فى رينج 58 ألف
خليك في النوبيرا ..ميكانيكا أسهل كتر غيار أكتر وسعرها معقول
ألف شكر يا باشا ... طب هل عندك أى ملاحظات على موضوع الفتيس الأوتوماتيك فى النوبيرا
عيوب النوبيرا :
- موديل قديم
-غالية عالفاضي
-عفشة واحنا عارفين مشاكل عفشتها مبتستحملش
-اوتوماتيك
-مفيش امان
-صاج ورق
لكن تمتاز بالنعومة وقطع الغيار المتوفرة وسهلة في البيع "المانوال" وسهلة في الصيانة
لكن عكس النقط دي كلها موجود في الواجا
ياباشا ما هو الكام ميزه الي حضرتك قولتهم يغطوا على الكام عيب اللي حضرتك برضه قلتهم ..ودي وجهة نظري ..موديل قديم .مش مشكلة بس فيها باور وتكييف وعربيه ناعمه وجميلة في مشيها ..وبعدين هي مش موديل 87 مثلا
غالية على الفاضي ..والله هو ده سعرها ..والسوق عليا وعليك
أوتوماتيك ..طيب ما دي ميزه مش حاجه وحشه وفتيس الأوتوماتيك بتاع النوبيرا معملش فضايح يعني ..كل عيوبه عادية ونتيجة إهمال مثلا ..مش زي فتيس الفولكس مثلا ال dsg
مفيش أمان ..هو من إمتى العربيات الكوري اللي في الفئه دي فيها أمان زي ال ABS مثلا أو ال Air bag
صاج ورق ..والله دي أرزاق ..لا قدر الله ساعة الحوادث بيبقى كله ورق مش الصاج بس
نيجي بقى للميزات
ناعمة وقطع غيار متوافرة ..يعني عربية رقيقة وقطع غيارها على قد الجيب ..ده بالنسبة لي على الأقل
سهلة في البيع ..جميل جدا ..يعني يوم ما أحب أبيعها ممكن أبيعها بالتليفون وأنا قاعد مكاني
سهلة في الصيانة ..ودي أهم ميزة بقى بصراحه ..عشان متعقدش من العربيات واللي راكبينها والميكانيكية بتوعها
ده رأي بصراحه ..ورأي حضرتك معتبر برضه
الواجا دي مكانتش بالموتور الكامبرو
كانت بموتور اللانسر
ابعد عن البروتون
النوبيرا الأوتو كويسة ان شاء الله يس شرط الحالة الجيدة وحط تحتها 100 خط
ومتقلقش ان شاء الله من الفتيس بس اطمن كويس واكشف كويس وراعيها
معرفش حاجة عن الواجا علشان مظلمهاش
ربنا يوفقك لما فيه الخير
موديل قديم يعني ايه… انت بتقارنها بايه :d
غاليه علي الفاضي ازاي بس ياباشا… هي ب 130 الف :d دي 60 الف تجبلك حاله ممتازه
الصاج ضعيف فعلا بس اغلب العربيات كدة
وبالنسبه للامان… هي مفهاش ايرباج فعلا بس الاوروبي موجود ف مصر كتير
وعلي فكرة مش ناعمة
الي صاحب الموضوع..خليك ف النوبيرا
العربيه كبيره وواسعه وموتور محترم وتكييف ممتاز وثبات معقول جدا وقطع غيار متوافره ولو حبيت تبيع مليوون هيشتري منك
سيبك من الواجا قليله وملهاش سوق
60 الف كتير على العربيتين .. على ما اظن
النوبيرا ال 2003 دي كتير عليها 58 اخرها 55 لان عربيتي ال 2008 حوالي 60 او 62
بس هقلك حاجة
والدي جايب الصني الشكل القديم 2008 ب 85 الف ويرو
النوبيرا بتاعتي موديل 2008 زيرو وكانت ب 79 الف
الاسعار دلوقتي عاليه جدا سواء زيرو او مستعمل كله بقي نار...ولا انت عايز الزيرو يعالي والمستعمل لا :E_braces[1]:
خش علي كونتاكت كار هتلاقي مهازل
ال 60 الف دي ولا حاجة دلوقتي
ربنا يسترها علينا بعد كده
:dumb:
ان جيت للحق المفروض الزيرو لو هيغلي يبقي المستعمل يفضل زي ماهو .. مينفعش يبقي في نسبة وتناسب في الاسعار بين الجديد والمستعمل بس مصر بقي فيها كل شيء ممكن .. وبلاش نتكلم عن اعادة البيع وكدة انا بشوف اسعار تصدمني في الرينو والفيات والفورد والعربيات اللي كانت سوقها واقع كله دلوقتي بيرفع الاسعار وكله بيبيع