العربيه إتعاصت قار. يطلع إزاي؟
السلام عليكم ورحمة الله وبركاته،،،
على الصبح كده ماشي في الشارع لقيت في قار (زفت) في الأرض عشان هايرصفوا. القار ده المفروض إنه موجود من يوم الجمعه اللي فاتت يعني المفروض إنه نشف. بس اللي حصل للأسف إنهم حطوا طبقة قار جديده لسه طازه الساعه 9 الصبح وقت الذروه بتاعة دخول الموظفين يعني وما كانوش قافلين الشارع أصلاً.
اللي حصل إن الabs إشتغل غلى سرعة 20 تقريباً عشان الزفت السخن عامل زي الزيت بس العربيه ما اتزحلقتش الحمد لله
لما ركنت في الجراج لقيت العربيه متعاصه زفت جامد من ناحية الكاوتشن الأمامين :(
العربيه لسه جديده مش عامله 3500 كم
الزفت ده هايطلع إزاي بقى؟ وهل هايبوظ الدهان وهو بيطلع؟
شكراً