صحة بيع ونفاذ بدل الشهر العقارى ينفع ؟

**miam0502788391** · 12-05-2015 08:33 PM

واحد معرفه بيشترى عربية شارك كسر زيرو اعلى فئة موديل 2015
قالى على حاجة
ان التسجيل فى الشهر العقارى بالنسبة للموديلات الحديثة يعنى 2015 و 2014 على سبيل المثال , بيندفع عليهم رسوم تسجيل عالية تصل الى 2000 جنيه للسيارة
فبدلا من ذلك بيعمل عقد بيع بينه وبين البائع ويرفع بيه دعوى صحة بيع ونفاذ وفى الغالب بيتحكم فيها بصحة البيع , يقوم واخد حكم المحكمة وطالع بيه على المرور يرخص بيه
والموضوع كله بياخد جلسة واحدة واتعاب محامى عن قضية صغيرة
وبكده يهرب من رسوم تسجيل الشهر العقارى الكبيرة
هل يجوز هذا ؟؟

**shake** · 12-05-2015 08:56 PM

متا بع

**Abo_Mazen** · 13-05-2015 09:51 AM

هذا الموضوع قتل بحثا ..وكان في إستفسار هنا في المنتدى عن الموضوع ده ..وهتلاقي ناس بتقول هتنفع وناس بتقول لأ ...وكل واحد ليه أسبابه

اللي أعرفه بقى في الموضوع ده ..واحد عمل الموضوع ده في دمياط ..وعديت ومشيت معاه
واحد عمله في إسكندرية ..والمرور قفش عليه وقاله هات ورقه من الشهر العقاري بموافقته على البيع وعطلت معاه

**gade2** · 13-05-2015 02:19 PM

طب حد عنده مصاريف تسجيل الشهر العقارى

**Abo_Mazen** · 13-05-2015 03:17 PM

المشاركة الأصلية كتبت بواسطة gade2

طب حد عنده مصاريف تسجيل الشهر العقارى

هي موديل كام ؟؟؟وكام سلندر ؟؟؟؟وتصنيع محلي ولا أجنبي ؟؟؟

أنا بسأل على على عدد السلندر مش السي سي

**miam0502788391** · 13-05-2015 05:21 PM

المشاركة الأصلية كتبت بواسطة m_m_sh_a

هذا الموضوع قتل بحثا ..وكان في إستفسار هنا في المنتدى عن الموضوع ده ..وهتلاقي ناس بتقول هتنفع وناس بتقول لأ ...وكل واحد ليه أسبابه

اللي أعرفه بقى في الموضوع ده ..واحد عمل الموضوع ده في دمياط ..وعديت ومشيت معاه
واحد عمله في إسكندرية ..والمرور قفش عليه وقاله هات ورقه من الشهر العقاري بموافقته على البيع وعطلت معاه

يعنى الموضوع مشى فى مكان والمكان التانى لأ
يعنى مين غلط ومين صح
دمياط ولا اسكندرية

**Abo_Mazen** · 13-05-2015 09:09 PM

المشاركة الأصلية كتبت بواسطة miam0502788391

يعنى الموضوع مشى فى مكان والمكان التانى لأ
يعنى مين غلط ومين صح
دمياط ولا اسكندرية

مش بقولك ياباشا الموضوع قتل بحثا

إنت لو رحت تسأل في دمياط في المرور اللي مشى الموضوع هيقولك إن ده حكم محكمة ..وحكم المحكمة ملزم وواجب النفاذ ..ومقدرش أوقفه ..وإن أكيد القاضي اللي اصدر الحكم راعى في الحكم بتاعة إن الشهر العقاري مش طرف في الموضوع ..وخصوصا إن مقيم الدعوى بيختصم المرور وعشان كده الحكم صدر ضد المرور إذن فهو ملزم

نيجي بقى لإسكندرية ..في المرور اللي قفش ومرضاش يمشي حكم المحكمة ..هيقولك أنا معنديش مانع من تنفيذ حكم المحكمة ..لكن أنا عايز موافقة الشهر العقاري عشان أقدر أنفذ ..وخصوصا إن القانون بيقول إن موافقة الشهر العقاري ملزمة ..والقاضي في الحكم بتاعه لم يتطرق لموقف الشهر العقاري سواء بالموافقة أو الرقض ..وبما إن الأصل في القانون موافقة الشهر العقاري ..إذن فموافقة الشهر العقاري ضرورية ..تقوله ياعم ما ده حكم محكمة ....يقولك على عيني وراسي المحكمة والقاضي اللي أصدر الحكم في المحكمة ..بس هاتلي موافقة الشهر العقاري .مقلتش عقد مسجل ..هات بس موافقة من الشهر العقاري ..طبعا الشهر العقاري معندوش حاجه إسمها موافقة ..لكن فيه حاجه إسمها عقد .يعني هو كده بيقولك ضمنيا هات عقد بيع من الشهر العقاري

إنه القانون الوضعي يا سيدي ..وضعه بشر ..وفسره بشر؟؟

**hady312000** · 14-05-2015 05:22 PM

المشاركة الأصلية كتبت بواسطة miam0502788391

واحد معرفه بيشترى عربية شارك كسر زيرو اعلى فئة موديل 2015
قالى على حاجة
ان التسجيل فى الشهر العقارى بالنسبة للموديلات الحديثة يعنى 2015 و 2014 على سبيل المثال , بيندفع عليهم رسوم تسجيل عالية تصل الى 2000 جنيه للسيارة
فبدلا من ذلك بيعمل عقد بيع بينه وبين البائع ويرفع بيه دعوى صحة بيع ونفاذ وفى الغالب بيتحكم فيها بصحة البيع , يقوم واخد حكم المحكمة وطالع بيه على المرور يرخص بيه
والموضوع كله بياخد جلسة واحدة واتعاب محامى عن قضية صغيرة
وبكده يهرب من رسوم تسجيل الشهر العقارى الكبيرة
هل يجوز هذا ؟؟

اولا اسم الدعوى صحة ونفاذ عشان فية بيغلط وبيعمل صحة توقيع فى الدعوى بيتم اختصام المرور للتسجيل والبائع مفيش حد يقدر مينفذش حكم محكمة واجب النفاذ فى الصحة والتفاذ المحكمة بتفحص الورق زى الشهر العقارى بالظبط بس ناس سعات بتغلط وبتقدم صحة توقيع حكم صحة توقيع دا ملوش لزمة لانة ملوش دعوة بالورق وبيتأكد من صحة توقيع البائع فقط على العقد ودا حكم ميلزمش المرور بالتسجيل ونقل الملكية ليك القضية ممكن من شهر الى 3 شهور بالكثير والرسوم رسوم قضية بالظبط يعنى 300 من 500 جنية حسب المحامى والحكم ملزم وللعلم للاسف الناس بتعمل كدا عشان رسوم تسجيل الشهر العقارى عالية جدا دا انت لو بتسجل موتسيكل وموديلة عالى حتى لو صينى بيحاسبك على الموديل رسوم عالية جدا حاليا المستعجل بيروح يسجل فى الشهر العقارى الى معاه وقت يقدر يسجل صحة ونفاذ والله اعلم