عداد البنزين في النوبيرا وان

**حسن الجمال** · 13-05-2015 05:17 PM

السلام عليكم
ارجوووووكم ساعدوني تعبت من عداد البنزين اشتريت العربيه ولقيت العداد مش شغال
رحت للكهربائي فك العوامه ولعب فيها واتحرك العداد فعلا لمره واحده بس وركن
عملت القصه دي تلات مرات وكل مره بعد ما إفول العربيه الاقي العداد راكن ...
المهم اشتريت عوامه جديده ب 400 وركبتها وتمااام اشتغل العداد .. بس ...
مؤشر العداد مش بيوصل لآخره بالرغم اني مفول العربيه لاخرها
برضو الكهربائي فك العداد وخلع المؤشر ورفعه شويه ..ظبطت ورفع المؤشر للاخر
حتى .... فؤجت بالعربيه شطبت بنزين قبل المؤشر ما يوصل للعلامه الحمرا
وحتى اللمبه مش نورت . ..
مش عارف اعمل ايه بصراحه
ارجع المؤشر تاني
ولا اغير العداد
برجاء ساعدوني

**Abo_Mazen** · 13-05-2015 09:38 PM

العداد الرجلاش بتاعه من عند العوامه ..هو الكهربائي لعب في العداد نفسه ليه ؟؟؟؟

**حسن الجمال** · 13-05-2015 11:39 PM

هو قالي طالما العوامه جديده يبقى عيب العداد
وانا مش عارف اعمل ايه دلوقتي
لو رجعت العداد تاني وظبت المؤشر زي ما كان
هايرجع الفرق القديم العربيه مفوله والعداد ناقص شرطه مش على الفول

**عم جحا** · 14-05-2015 05:36 AM

اولا :اعد العداد كما كان -ثانيا : هل العوامة فقط باربعمائة جنيه ام طلمبة البنزين والعوامة معا ؟ -ثالثا :افحص العوامة جيدا ربما لا تخص موديل السيارة وانما موديل سيارة اخرى او ربما تكون ليست قطعة غيار اصلية او قد تكون تالفة .

**modyegypt** · 14-05-2015 10:50 AM

الطرمبة دى اشترتها وظهرت نفس مشاكلك
والحل فى تغير الشريحة اللى فى الطرمبة ولكن لم أقم بتغيرها حتى الان
وشوف الفيديو لأخونا فى الله
http://www.nilemotors.net/Nile/459847-hd.html

**jojowork1** · 14-05-2015 04:57 PM

طيب معلش نوع العربيه والموديل وبعدين نوع العوامه ايه ولو عرفت تصورها او تصور علبتها وبعدين نحدد المشكله فيه عشان في الغالب المشكله ها تتحل من دراع العوامه نفسه

**modyegypt** · 15-05-2015 10:38 AM

المشاركة الأصلية كتبت بواسطة jojowork1

طيب معلش نوع العربيه والموديل وبعدين نوع العوامه ايه ولو عرفت تصورها او تصور علبتها وبعدين نحدد المشكله فيه عشان في الغالب المشكله ها تتحل من دراع العوامه نفسه

عنوان الموضوع بيقول نوبيرا وان يا باشا

**حسن الجمال** · 15-05-2015 08:03 PM

المشاركة الأصلية كتبت بواسطة عم جحا

اولا :اعد العداد كما كان -ثانيا : هل العوامة فقط باربعمائة جنيه ام طلمبة البنزين والعوامة معا ؟ -ثالثا :افحص العوامة جيدا ربما لا تخص موديل السيارة وانما موديل سيارة اخرى او ربما تكون ليست قطعة غيار اصلية او قد تكون تالفة .

العوامه والطلمبه قطعه واحده وشاريها من واحد ثقه ودي الكوري وبتاعت العربيه وفيه منها الصيني ب 250 جنيه

**حسن الجمال** · 15-05-2015 08:17 PM

المشاركة الأصلية كتبت بواسطة modyegypt

الطرمبة دى اشترتها وظهرت نفس مشاكلك
والحل فى تغير الشريحة اللى فى الطرمبة ولكن لم أقم بتغيرها حتى الان
وشوف الفيديو لأخونا فى الله
http://www.nilemotors.net/nile/459847-hd.html

انا شفت الفيديو بس معنى كدا ان العوامه الجديده بايظه هي كمان !!!!
مش عارف اعمل ايه كان ممكن اجرب ع العوامه القديمه لو شفت الفيديو دا قبل كدا

**jojowork1** · 16-05-2015 02:04 AM

معلش مش مركز اوي في العنوان طيب فك العوامه افتح الكونتاكت وحرك العوامه لفوق خالص واستني شويه وشوف العداد هايقف فين ولتحت خالص وشوف هايقف فين لو العداد بيعمل مشواره مظبوط يبقي الحكايه في دراع العوامه نفسه شكل الدراع مع العوامه نفسها مش بيتحرك صح هايبقي عاوز يتني تحت او فوق شويه لاما شكل العوامه نفسه مش مظبوط للعربيه ديه حصلت مره لما ركبنا دراع نوبيرا علي عوامه لانوس حاجه زي كده وبعدين اكتشفت ان شكل التنيات اللي في الدراع وطوله فيها اختلافات بسيطه تعمل كده ومره حصلت في عربيه ان التانك كان واخد خبطه من تحت فلما العوامه تنزل تحت بتتزنق ومش بتطلع تاني غير مع مطب جامد او لما نخبط علي العوامه