صوت طقطقة في المطبات وفي طلعة العربية

بسم الله الرحمن الرحيم
العربية : تويوتا كرولا 2004
وصف المشكلة : ظهر بشكل تدريجي صوت طقطقة (كانه حاجة بتتكسر ) في العربية والصوت دا بيظهر وانا لسه بطلع بالعربية ( يعني العربية دايرة واحولها من وضع n " ممورة" الي وضع "d" للسواقة) وسواء كنت بدوس بنزين جامد او بالراحة يظهر الصوت بس لو دايس بنزين بالراحة الصوت بيبقي شبه مختفي بس يظهر بشكل مفضوح في المطبات ( وانا طالع المطب وانا نازل منه )

والمشكلة دي كنت قريتها في موضوع او اتنين علي المنتدي

http://www.nilemotors.net/Nile/428924-a.html

والموضوع التاني قالوا فيه ان الصوت بيصدر من البطاحات والتروس اللي الكوبلن طالع منها ( مش فاكر الوصف اصلي مبتدئ )

لفيت بالعربية علي كذا ميكانيكي
واحد قال الاسكترا (الاسقطرة) والكبالن ( جمع كوبلن)
وبما اني مغير الاسكترا رحت لميكانيكي تاني
قالي كبالن وبلية السرة
قلت توكل علي الله وغير
المهم الكوبلن اتغير والصوت زي ماهو
رحت لميكانيكي 3 قال كبالن
وراع قال كبالن
وخامس قال دي ممكن مسمار اتزان او مش عارف ايه كده شوية حاجات مش عارفها
المهم ان الراجل قعد يفك في الفردة اليمين والشمال ويركبهم ويجرب ويجرب لغاية 3 مرة
قال القنطرة معوجة عشان كلت بيها مطب قلتله حصل
قالي في جزء لما بتدوس فرامل بيحك في جسم العربية وبيعمل الصوت ده
هو قالي اسمه بس انا نسيته وهجيب الاسم منه واكتبه
المهم لراجل خد شغل ايده 30 جنيه
الخلاصة
فيه كتير من الصنيعية بيفتوا بغير علم ويحسسوك انهم فاهمين وتغير وتخسر بس من غير فايدة
حاول ان لقيت اي عطل في عربيتك ابحث ع النت الاول هتلاقي حاجات كتير هتفيدك وتديلك خلفية قدام اي صنيعي وممكن توجه الصنيعي للحل

العربية دي يكشف عليها إثنين..أولا حداد عفشه ويكون عنده بير ..ثانيا سمكري ..أنا من أول ما قريت المشاركه كنت حاسس قوي إن مش مشكلة ميكانيكيا خالص ..ممكن يكون فيه عندك شرخ في الشاسيه ..بس شرخ خبيث عايز واحد يكون واقف في بير ومعاه لمبه ويبص على كل حته في العربية ..وياسلام بقى ..يا سلام ..لما حداد العفشه يقف في البير من تحت ويقوك إطلع كده بالعربية وتعدي من على البير اللي هو واقف فيه ويسمع الصوت كده لايف ..يبقى صوت وصوره ..كنت أعرف حداد عفشه لما أروحله بمشكلة صوت محيرني كان يعمل كده .كان يقف في البير وأنا على أول البير ويقولي إطلع ..ويشوف بقى بنفسه القصه إيه

القنطرة اكشف عليها كويس وعن تجربة