الموضوع: مش عارف ده عيب فتيس ولا كهربا

السلام عليكم . النهارده حصلتلى مشكله غريبه فى عربيتى (كروز 2010) واول مره اواجهها او اسمع عنها حتى . خرجت النهارده مشوار تقريبا خد منى ساعه بالعربيه وركنت وجيت اشيل المفتاح من العربيه مرضيش يطلع . دورته كذا مره ومفيش فايده المهم دورت العربيه تانى وجيت اديها غيار الفتيس مرضيش يتحرك معايا خالص . ربنا الهمنى افتح غطا صغير جنب الفتيس لقيت تحته زرار ضغطت عليه وحركت الفتيس اتحرك معايا كويس لكن المفتاح بردو مش عاوز يطلع من الكونتاكت خدتها وروحت لواحد بتاع مفاتيح سيارات فكلى العلبه بتاعت الدركيسون وطلع المفتاح لكن المشكله لسه موجوده انه لما ادخله وادور العربيه واقفلها واجى اشيله ميطلعش معايا والفتيس مبيتحركش من وضع ال(p) الا لما بضغط على الزرار اللى قولت عليه . حاليا المشكله لسه موجوده وانا مش قادر اشخص ده من الفتيس ولا مشكله كهربا فى الكونتاكت .للعلم ان ال (lock) بتاع العربيه بيفتح ويقفل كل الابواب عادى لكن الشنطه مبتفتحش خالص من ساعه الموضوع ده ماحصل . اسف ع الاطاله لكن ارجو حد فاهم يفيدنى لانى مش عاروز اروح لحد من الصنايعيه يشتغلنى . وشكرا جزيلا