السلام عليكم الأخوة الأفاضل
انا عضو جديد معكم واليوم حجزت بيجو ٣٠١ هاي لاين والاستلام ان شاءالله بعد شهرين
وكنت أود من الأعضاء الكرام مالكي السيارة أو مجربيها حتى تاريخ مايو ٢٠١٥ يفيدوني بتجربة السيارة وعيوبها.
وشكراً للجميع
عرض للطباعة
السلام عليكم الأخوة الأفاضل
انا عضو جديد معكم واليوم حجزت بيجو ٣٠١ هاي لاين والاستلام ان شاءالله بعد شهرين
وكنت أود من الأعضاء الكرام مالكي السيارة أو مجربيها حتى تاريخ مايو ٢٠١٥ يفيدوني بتجربة السيارة وعيوبها.
وشكراً للجميع
كان نفسي افيدك بس انا اوبلاوي وهيونداوي - ان شاء الله حد يرد عليك بالمفيد
العربيه كويسه
المشكله فالتيل اللي خامته سيئه وبيصفر وبيخلص بدري
وحصل مشاكل ف استجابه الفرامل .. بس حالات فرديه
مبروك مقدما
متهيالي موضوعك متاخر طلاما حجزت خلاص .
اجمالان العربية ذيها ذي غرها لها ما لها وعليها ما عليها .خصوصا في هذه الفيه السعرية .
الحمد لله العربية معايا منذ 15 شهر وعامل بيها 15000 كم . مشفتش منها حاجه وحشه .
انا لا استطيع ان انكر وجود بعض الاعضاء يشتكي من سوء اداء الفرامل . وبعضهم تعرض لحوارث
لكن انا معجب جدا باداء الفرامل وسرعة استجابتها . خصوصا في الفرامل المفاجاه ومساعده الفتيس والموتور بالغيار العكسي للاستفادة من فرملة الموتور
انا مش حكون مبالغ لتقييمي لحبيبت قلبي . ولكن تقييمي لها جيد
مبروك على اختيارك الموفق ان شاء الله
العربية حتعجبك و لن تندم على تغييرك من اليابانى الى الاوروبى :bravo::Bravo:
الحقيقة يا أستاذ ماجد انا زيك ان شاء الله هحجز العربية دى لأنى عملت بحث كتير عليها وسمعت كلام كتير وفعلا الشكاوى منها فردية طبعا تقلق برده لكن اللى يطمن ان الأغلبية العظمى اتفقوا انها ممتازة وخصوصا بالنسبة لسعرها , انا معايا بوما 2014 أول فئة فى الأوتوماتيك كنت شاريها ب 135 اللى هوا سعر 301 هاى لاين بس كان احد الاعضاء قال حاجة قلقتنى عن موديل 2016 انها شالوا منها الكاست البلت ان وشاشة التحكم ودا فى الهاى لاين كمان انا مش عارف الكلام دا دقيق ولا لاء بس لو صح انا مش هشتريها .. أرجو توضيح النقطة دى منكم يا جماعة
انت ممكن تشترى بالفرق الفلوس دى كاسيت DVD فيها امكانيات ممتازة(gpsو شاشة كبيرة) دون لعب فى الضيفرة ...بس اسال الاول علشان الضمان
هل التصويت مفتوح ام للملاك فقط ؟
أشكركم أخواني على اهتمامكم جزاكم الله خيراً
وربنا يبارك لكم ولي في سياراتنا
اعتقد ان التصويت مفتوح طبعاً وأهلا ومرحباً بتصويتك أخي الفاضل
مرحباً بتصويتك طبعاً ياباشمهندس أحمد
و عليكم السلام و رحمة الله و بركاته
سعداء بوجود حضرتك معانا و ربنا يوفقك لحسن الإختيار.
البيجو 301 بصورة عامة عربية جيدة, لكن زى أى عربية من الوارد إن يظهر فيها مشاكل فى أحد مكوناتها, سواء بصورة عامة زى التيل أو بصورة غير عامة زى مشكلة فى وحدة الإيه بى إس, و كنت و مازلت رافض إستخدام مصطلح "حالات فردية" و خصوصاً لما يتعلق الأمر بمشكلة فى الفرامل, و للإسف هنا بتظهر أشد نقطة ضعف فى البيجو 301 و هيا سياسة التوكيل فى تطبيق نظام الضمان اللى تعهد بيه معانا لما إستلم فلوس العربية, و من هنا مع الوقت و مع إزدياد عدد العملاء و عدم تطبيق نظام الضمان بصورة عادلة و متساوية لجميع ملاك العربية, بدأت مشاكل الملاك تظهر على السطح و بدأت الأزمة تتفاقم. و من هنا أصبحت حيرة كل من يقبل على شراء عربية بيجو فى تزايد, هل لو ظهرت فى العربية مشكلة ناتجة عن عيب صناعة التوكيل هايتحملها كما ينبغى أن يفعل و لا على المتضرر اللجوء إلى القضاء.
جزاك الله خيراً
أنا إن شاء الله ناوى أشترى ورغم العيوب اللي الناس بتشتكى منها ومنها الفرامل إلى ان العربية دي فعلا هي أفضل الخيارات المتاحة في رينج ال 130-140 كقيمة مقابل سعر وربنا بسترها علينا جميعاً