العفو تحت امرك في اي استفسار ياباشا
عرض للطباعة
العفو تحت امرك في اي استفسار ياباشا
ربنا يخليك :)
ازاي سعرها نفس سعر البيرسونا مع اني اعرف ان البيرسونا مفروض فئة اعلى من الجين ٢ وفيها كماليات اكتر
مساء الخير
الجين|البيرسونا وجهان لعملة واحدة .....من الاخر عربية واحده ....انت و ذوقك تخنار شكل الجين الشبابى الرياضى او البيرسونا الاليجانس السيدان :) اختلافات طفيفة جدا فى الكماليات لكن اساسيات السيارة واحدة من موتور و عفشة و فتيس و كل حاجة :)
معلومة ان البيرسونا فئة اعلى ديه مش مظبوطة يا فندم
الاختلافات سريعا
1-مثبت سرعة فى البيرسونا مش موجود فى الجن
2-جنط مختلف ...نفس المقاس لكن شكل الجنط مختلف
3-البيرسونا اشارات فى المرايات الجين غمازات فى الرفارف
4-فرش بطانة الابواب مخلف
5-الجين فيها فوج خلفى البيرسونا لا
6-الجين فيها تحكم فى مستوى اضاءة الفوانيس .....البيرسونا لا
7-البيرسونا اوسع سنة صغيرة
8-الجين على الطريق ارشق من البيرسونا فى المناورات و الغرز بحكم طولها الاقل
9-عدادات البيرسونا مختلفة عن الجين...البيرسونا اشيك بكتير بصراحة
10-كراسى الجين مختلفة عن كراسى البيرسونا
مثبت السرعة مثلا وكنت سمعت عن حاجات تانية بس تقريبا المعلومة كانت خطأ
تمام
ألف شكر يا بشمهندس أحمد على الإفادة والتفصيل الجميل ده
كده أنا لو هفكر أجيب واحدة من الاتنين هميل للبرسونا بناء على مقارنتك دي خاصة ان الاتنين نفس الفئة السعرية فشايف من وجهة نظري ان البرسونا تكسب
بس أنا لا زلت محتار بين البرسونا وبين رينو سانديرو ستيب واي لأني حابب شكل الكروس أوفر عن السيدان العادية بس المشكلة عندي في الموتور لأني بعاني من موتور لوجان سيدان أوتوماتيك 2013 وخايف أجيب السانديرو يطلع نفس الموتور بنفس عيوبه معايا في السحب الضعيف والخنقة أحيانا خاصة مع تشغيل التكييف فإيه رأيك تنصحني بإيه خاصة إني شايف في بيانات حضرتك انك معاك (أو كان معاك) رينو سانديرو حتى لو الشكل القديم بس أكيد عندك انطباع عن الموتور وأعتقد هو هو نفس الموتور بتاع الشكل الجديد
وشكرا مقدما على الإفادة
اللي اعرفه ان السانديرو/لوجان نفس الشاسيه و الموتور زي القديمة
في حاجة كمان فرش البيرسونا احسن
و تقفيل البيرسونا بحس انه احسن من الجين 2
1-انت و ذوقك .....انا حسبتها و لقيت البيرسونا هتبقى اختيار افضل بالنسبالى ......انا صغير بالمناسبة 25 سنة :)
2-بصراحة اول مرة اسمع شكوى من موتور اللوجان الاوتو ؟ الموتور ده 1600 16 صباب 110 حصان .....غربية جدا ! كنت متخيل انه هيبقى فايق .....انا كان معايا سانديرو مانوال ماتور يزهق و صوته بيعلى على الفاضى بس ده كتم 8 صباب 90 حصان ...فيه فرق بين ماتور المانوال و الاوتو و ركوبتها ليها احساس مختلف تماما عن البروتون ,,,كنت بحس انى مرمى فى الشارع :)
طيب لو الموتور مش مبسوط منه .....يبقى ابعد خالص عن اللوجان و الستيب واى الجداد لانهم نازلين بنفس الموتور لاسف ....
3-انا شايف انك تطلع الرينو بره الحسبة و تروح تبص على السياز مع البيرسونا و لو ربنا اكرم فى زياده دخل الشارك معاهم :)
بالمناسبة ماتور البروتون غبى :)