تحذير للمقبلين علي شراء استرا
السلام عليكم
كنت حابب انقل لحضراتكم تجربه بسيطه انا نويت اجيب استرا كوزمو حاجه تكون كسر زيرو المهم لقيت اعلان لعربيه استرا كوزمو 2013 ورحت اتفرج عليها والمفروض ده كلام صاحب العربيه العربيه فابريكه بره وجوه ماشيه حوالي 20 الف كم ومفيهاش الهوا وبصراحه العربيه من برا وجوا كحاله توحي بان كل كلامه صح المهم اتفقنا نتقابل تاني يوم للكشف وكانت الصاعقه كالتالي العربيه مشيسه ورشت برا كله ماعدا شقف وكبوت والشاسيه حادثة نتيجه خبطه جامده قدام والكهرباء كلها متغيره نتيجه الحادثه والاحلي بعد الكشف ان عداد العربيه ملعوب فيه بصراحه حسبي الله ونعم الوكيل في الوقت والفلوس والغش اللي الناس بقيت فيه
نمره العربيه ق ن أ 217
رقم العربيه اللي عند الزجاج الامامي w0lpe5dd9dgo88245
الموديل استرا كوزمو 2013
ده تنبيه بدل ما حد يضيع وقته وفلوسه علي عربيه بالحاله ديه
